Breaking
കാർ നിയന്ത്രണം വിട്ട് തോട്ടിലേക്ക് മറിഞ്ഞ് പാസ്റ്ററും രണ്ട് മക്കളും മരിച്ചു
തിരുവല്ല: പുറമറ്റം കല്ലുപാലത്ത് കാർ നിയന്ത്രണം വിട്ട് തോട്ടിലേക്ക് മറിഞ്ഞ് പാസ്റ്ററും രണ്ട് മക്കളും മരിച്ചു. ചർച്ച് ഓഫ് ഗോഡ് ശുശ്രൂഷകനായ പാസ്റ്റർ ചാണ്ടി മാത്യുവും മക്കളായ ഫേബ ചാണ്ടി, ബ്ലെസ്സി ചാണ്ടി എന്നിവരാണ് മരിച്ചത്.
കഴിഞ്ഞ ദിവസങ്ങളിലെ ശക്തമായ മഴയിൽ നല്ല വെള്ളമുണ്ടായിരുന്ന തോട്ടിലേക്ക് റോഡിൽ നിന്നും കാർ തെന്നി മറിയുകയായിരുന്നു. മുൻപേ ഉണ്ടായിരുന്ന വാഹനത്തിലെ ആളുകൾ അറിയിച്ചതനുസരിച്ച് നാട്ടുകാർ നടത്തിയ തിരച്ചിലിൽ പൂർണ്ണമായി മുങ്ങിയ നിലയിൽ കാർ കാണപ്പെടുകയായിരുന്നു. മൂവരെയും ആശുപത്രിയിൽ എത്തിച്ചെങ്കിലും രക്ഷിക്കാനായില്ല.
(Photo courtesy: Manorama Online)
