Breaking

സുവിശേഷകന് ക്രൂരമർദ്ദനം

Published

8 months ago

July 22, 2024

ധന്തരി : ചത്തീസ്‌ഗഡിലെ ധന്തരി ഗ്രാമത്തിൽ കർത്തൃ ശുശ്രൂഷയിൽ ആയിരിക്കുന്ന പ്രിയ കർത്തൃദാസൻ പാസ്റ്റർ വർഗീസ് ചാക്കോയെ ഒരു കൂട്ടം സുവിശേഷ വിരോധികൾ ക്രൂരമായി മർദിച്ചു.

കർത്തൃദാസന്റെ ചർച്ചിലെ ഒരു വിശ്വാസിയുടെ ഭവനത്തിൽ ക്ഷണ പ്രകാരം പ്രാർത്ഥിക്കുവാൻ പോയപ്പോൾ അവിടെ അടുത്തുള്ള ഒരു അമ്പലത്തിൽ നിന്നും ഒരു കൂട്ടം ജനം പോലീസിനെ വിളിച്ച് വരുത്തി കർത്തൃദാസനെ ഭീഷണിപ്പെടുത്തി അവിടെ നിന്നും മടക്കി പറഞ്ഞു അയച്ചു. എന്നാൽ സുവിശേഷ വിരോധികൾ കർത്തൃദാസന്റെ വാഹനത്തിന്റെ റ്റയറിന്റെ കാറ്റ് അഴിച്ച് വിട്ടു. കർത്തൃദാസൻ വാഹനത്തിന്റെ റ്റയറിന്റെ കാറ്റ് അടിക്കുവാൻ അടുത്തുള്ള കടയിലേക്ക് പോകുകയും ചെയ്തു. എന്നാൽ വാഹനത്തിന്റെ റ്റയറിന്റെ കാറ്റ് അടിച്ച ശേഷം മടങ്ങി പോകുമ്പോൾ ഏകദേശം 25 യോളം പേർ വരുന്ന ഒരു കൂട്ടം ജനം കർത്തൃദാസന്റെ കൈയിലും കാലിലും പുറത്തും തലയ്ക്കും അടിച്ച് മാരകമായി മുറിവേൽപ്പിച്ച ശേഷം അടുത്തുള്ള അമ്പലത്തിലേക്ക് എടുത്ത് കൊണ്ട് പോയി അവിടെയുള്ള വിഗ്രഹത്തിന്റെ മുൻപിൽ വച്ച് അദ്ദേഹത്തെ വീണ്ടും ഉപദ്രവിച്ചു. മർദ്ദനത്തെ തുടർന്ന് തലയിൽ നിന്നും വളരെ അധികം രക്തം വാർന്ന് പോകുന്നത് കണ്ടിട്ട് സുവിശേഷ വിരോധികൾ അവിടെ ഉപേക്ഷിച്ചിട്ട് കടന്ന് കളഞ്ഞു. എന്നാൽ അടിയും ഇടിയും കൊണ്ട് അവശനായിട്ടും കർത്തൃദാസൻ അല്പം കഴിഞ്ഞ് വീണ്ടും വാഹനം ഓടിച്ച് ഏകദേശം 70 കിലോമീറ്റർ ദൂരം ഓടിച്ച് ഒരു ഹോസ്പിറ്റലിൽ എത്തി. രാത്രി മുഴുവൻ കർത്തൃദാസന് പല പ്രാവശ്യം ചർദിൽ ഉണ്ടായി. തുടർന്ന് സി റ്റി സ്കാൻ എടുത്തെങ്കിലും തലച്ചോറിന് യാതൊരു തകരാറും സംഭവിക്കാതെ കർത്താവ് കാത്തു. എങ്കിലും ക്രൂരമായ മർദനത്തിന്റെ ഫലമായി ശരീരത്തിൽ നല്ല വേദനയും നീരുമുണ്ട്. പ്രിയ കർത്തൃദാസന്റെ പരിപൂർണ്ണ സൗഖ്യത്തിനായും, ഇവിടെയുള്ള ദൈവവേലയും, ഈ ദേശത്തിന്റെ വിടുതലിനും, ഈ ക്രൂര കൃത്യം ചെയ്ത സുവിശേഷ വിരോധികളുടെ മാനസാന്തരത്തിനായും എല്ലാ പ്രിയ ദൈവമക്കളും ശക്തമായി പ്രാർത്ഥിക്കുവാൻ ദൈവനാമത്തിൽ

അപേക്ഷിക്കുന്നു.എബ്രായർ 11 : 36 – 40 (വിശുദ്ധ ബൈബിൾ)വേറെ ചിലർ പരിഹാസം, ചമ്മട്ടി, ചങ്ങല, തടവു ഇവയാലുള്ള പരീക്ഷ അനുഭവിച്ചു. കല്ലേറു ഏറ്റു, ഈർച്ച വാളാൽ അറുക്കപ്പെട്ടു, പരീക്ഷിക്കപ്പെട്ടു, വാളാൽ കൊല്ലപ്പെട്ടു, ജടയാടുകളുടെയും കോലാടുകളുടെയും തോൽ ധരിച്ചു, ബുദ്ധിമുട്ടും ഉപദ്രവവും കഷ്ടവും സഹിച്ചു, കാടുകളിലും മലകളിലും ഗുഹകളിലും ഭൂമിയുടെ പിളർപ്പുകളിലും ഉഴന്നു വലഞ്ഞു; ലോകം അവർക്കു യോഗ്യമായിരുന്നില്ല. അവർ എല്ലാവരും വിശ്വാസത്താൽ സാക്ഷ്യം ലഭിച്ചിട്ടും വാഗ്ദത്തനിവൃത്തി പ്രാപിച്ചില്ല. അവർ നമ്മെ കൂടാതെ രക്ഷാപൂർത്തി പ്രാപിക്കാതിരിക്കേണ്ടതിന്നു ദൈവം നമുക്കു വേണ്ടി ഏറ്റവും നല്ലതൊന്നു മുൻ കരുതിയിരുന്നു.

വാർത്ത: അനിൽ ജോയി തോമസ്

Breaking

Mimetai 2K25 ഏപ്രിൽ 16, 17 ന് പുനലൂർ കരവാളൂരിൽ

Published

3 weeks ago

March 15, 2025

Boban Cleetus

പുനലൂർ: പുതിയ തലമുറയിൽ വർദ്ധിച്ചുവരുന്ന നിരാശ, പഠനത്തിൽ താൽപര്യമില്ലായ്മ, അമിത സോഷ്യൽ മീഡിയ ഉപയോഗം, അത് നിമിത്തം ഉണ്ടാകുന്ന മാനസീക ശാരീരിക വൈകാരിക പ്രശ്നങ്ങൾ, ആത്മഹത്യ, ലഹരിയുടെ ഉപയോഗം എന്നിവയക്കെതിരെ ശക്തമായ ബോധവൽക്കരണം നൽകുക എന്ന ലക്ഷ്യത്തോടെയും നമ്മുടെ യുവ തലമുറയെ തകർക്കാൻ ശ്രമിക്കുകയും അവർ അറിയാതെ ചതി കുഴിയിൽ വീഴിച്ചു കൊണ്ടിരിക്കുന്ന ഈ കാലത്ത് അവരെ ഉദ്ധരിച്ച് ക്രിസ്തുവിന്റെ ഫോളോവേഴ്സ് ആക്കുക എന്ന മഹത്തായ ലക്ഷ്യത്തോടെ സൺഡേ സ്കൂൾസ് അസോസിയേഷൻ കൊട്ടാരക്കര മേഖല ഈ മധ്യ വേനൽ അവധികാലത്ത് Mimetai 2K25 എന്ന പേരിൽ 2025 ഏപ്രിൽ 16, 17 ബുധൻ, വ്യാഴം ദിവസങ്ങളിൽ പുനലൂർ കരവാളൂർ ഓക്സ്ഫോഡ് സെൻട്രൽ സ്കൂൾ ക്യാമ്പസിൽ നടക്കുന്ന ക്യാമ്പിന്റെ പ്രീ രജിസ്ട്രേഷൻ ആരംഭിച്ചിരിക്കുന്നു. ഈ അസുലഭ സന്ദർഭം പാഴാക്കാതെ നിങ്ങളുടെ കുഞ്ഞുങ്ങളെ ഇന്ന് തന്നെ രജിസ്റ്റർ ചെയ്യൂ. അധ്യാപകർക്കും പ്രത്യേക സെക്ഷനുകൾ ഉണ്ടായിരിക്കും.സീറ്റുകൾ പരിമിതമാകയാൽ ആദ്യം രജിസ്റ്റർ ചെയ്യുന്ന 150 പേർക്കാണ് പ്രവേശനം. ക്യാമ്പിന്റെ സുഗമായ നടത്തിപ്പിനായി മേഖല സൺഡേ സ്കൂൾസ് എക്സിക്യൂട്ടീവും കമ്മിറ്റിയംഗങ്ങളും കൂടാതെ പുനലൂർ സെന്റർ ഭാരവാഹികളും വിവിധ സെന്ററുകളിലെ ഭാരവാഹികൾ ഉൾപ്പെടെ വിശാലമായ കമ്മിറ്റിയും പ്രവർത്തിച്ച് വരുന്നു.

Google form: https://docs.google.com/forms/d/e/1FAIpQLSfcPoJ5q160xvVd_SYpFlID9YJ-1KzN5sGO4oyQFGQ_Sw2jJg/viewform?usp=sharing

Breaking

ട്രൂലൈറ്റ് ഫോർ ഏഷ്യാ ബിബ്ലിക്കൽ സെമിനാരിയിൽ പുതിയ അധ്യയന വർഷം ആരംഭിക്കുന്നു

Published

3 weeks ago

March 14, 2025

Boban Cleetus

അയൂർ:ട്രൂലൈറ്റ് ഫോർ ഏഷ്യാ ബിബ്ലിക്കൽ സെമിനാരിയുടെ 2025-2026 അക്കാദമിക്ക് വർഷത്തെ ഓൺലൈൻ ക്ലാസുകൾ 2025 മാർച്ച് മാസം 10-)o തീയതിയും റസിഡൻഷ്യൽ ക്ലാസുകൾ 2025 മെയ് മാസം 5- )o തീയതിയും ആരംഭിക്കുന്നു. രണ്ട് മുതൽ മൂന്ന് വർഷത്തെ കാലയളവിൽ പൂർത്തീകരിക്കാവുന്ന D.Min(Accredited by DaySpring Theological University USA & True Light International) ഈ സെമിനാരിയിൽ ചേർന്ന് പഠിക്കാവുന്നതാണ്. കൂടാതെ മിഷൻ, കൗൺസിലിംഗ്, ക്രിസ്ത്യൻ തിയോളജി എന്നീ വിഭാഗങ്ങളിൽ നിന്നും MTH കോഴ്സും ഓഫർ ചെയ്യുന്നു. MDiv, BTh, Diploma& Certificate കോഴ്സുകളും ഈ സെമിനാരിയിൽ ചേർന്ന് പഠിക്കാവുന്നതാണ്. ഡേ സ്പ്രിങ്ങ് തിയോ ളജിക്കൽ യൂണിവേഴ്സിറ്റി, ഐ.എ.റ്റി.എ ട്രൂലൈറ്റ് ഇൻ്റർനാഷണൽ എന്നീ അക്കാദമിക്ക് ബോർഡുകളുടെ അക്രഡിറ്റേഷനും എ.റ്റി.എ യുടെ കാൻഡിഡേറ്റ് അംഗത്വവും ഉള്ള സർട്ടിഫിക്കറ്റുകൾ ആണ് പഠനം പൂർത്തീകരിക്കുന്ന വിദ്യാർത്ഥികൾക്ക് നൽകുന്നത്. സുവിശേഷ വേലയ്ക്ക് വിളിയും സമർപ്പണമുള്ളവരിൽ നിന്ന് അപേക്ഷകൾ ക്ഷണിക്കുന്നു.കൂടുതൽ വിവരങ്ങൾക്ക് ബന്ധപ്പെടുക.ട്രൂലൈറ്റ് ഫോർ ഏഷ്യാ ബിബ്ലിക്കൽ സെമിനാരി, വേങ്ങൂർ പി.ഒ ആയൂർ കൊല്ലം ജില്ല – 691533 കേരളം, ഇൻഡ്യാ ഫോൺ: 9037551776,9496364114.

Breaking

ലഹരി വിരുദ്ധ ബോധവൽക്കരണ സന്ദേശ യാത്ര

Published

1 month ago

March 4, 2025

Boban Cleetus

കൊട്ടാരക്കര :വർദ്ധിച്ചു വരുന്ന ലഹരി ഉപയോഗത്തിനെതിരെ ബോധവൽക്കരണ സന്ദേശവുമായി തൃക്കണ്ണമംഗൽ ഇന്ത്യാ പെന്തക്കോസ്തു സ്തു ദൈവസഭയുടെ (ഐ പി സി )ആഭിമുഖ്യത്തിൽ ബോധവൽക്കരണ സന്ദേശ യാത്രയും പരസ്യ യോഗവും നടത്തി. പാസ്റ്റർ സാജൻ വര്ഗീസ് മുഖ്യസന്ദേശം നൽകി. കെ. പി. തോമസ് അധ്യക്ഷത വഹിച്ചു. പാസ്റ്റർമാരായ എം ടി ശാമുവേ ൽ, കെ എ ജോണിക്കുട്ടി എന്നിവർ സന്ദേശം നൽകി. സാംസൺ പാളക്കോണം, മോനച്ചൻ ശാമുവേൽ, ജോസ് വര്ഗീസ്, ബേബി ജോസഫ്, ജോർജ് ചാക്കോ, സാമൂവേൽ ജോർജ്, ടി ഒ അച്ചൻകുഞ്, കെ ഒ ബാബു, ടി എം മോനച്ചൻ, ബിബിൻസാം, അഡ്വ. ബിനോയ്‌ എം, ബെൻസൺ, ജിജോ ജോർജ് എന്നിവർ നേതൃത്വം നൽകി.