പുനലൂർ: പുതിയ തലമുറയിൽ വർദ്ധിച്ചുവരുന്ന നിരാശ, പഠനത്തിൽ താൽപര്യമില്ലായ്മ, അമിത സോഷ്യൽ മീഡിയ ഉപയോഗം, അത് നിമിത്തം ഉണ്ടാകുന്ന മാനസീക ശാരീരിക വൈകാരിക പ്രശ്നങ്ങൾ, ആത്മഹത്യ, ലഹരിയുടെ ഉപയോഗം എന്നിവയക്കെതിരെ ശക്തമായ ബോധവൽക്കരണം നൽകുക എന്ന ലക്ഷ്യത്തോടെയും നമ്മുടെ യുവ തലമുറയെ തകർക്കാൻ ശ്രമിക്കുകയും അവർ അറിയാതെ ചതി കുഴിയിൽ വീഴിച്ചു കൊണ്ടിരിക്കുന്ന ഈ കാലത്ത് അവരെ ഉദ്ധരിച്ച് ക്രിസ്തുവിന്റെ ഫോളോവേഴ്സ് ആക്കുക എന്ന മഹത്തായ ലക്ഷ്യത്തോടെ സൺഡേ സ്കൂൾസ് അസോസിയേഷൻ കൊട്ടാരക്കര മേഖല ഈ മധ്യ വേനൽ അവധികാലത്ത് Mimetai 2K25 എന്ന പേരിൽ 2025 ഏപ്രിൽ 16, 17 ബുധൻ, വ്യാഴം ദിവസങ്ങളിൽ പുനലൂർ കരവാളൂർ ഓക്സ്ഫോഡ് സെൻട്രൽ സ്കൂൾ ക്യാമ്പസിൽ നടക്കുന്ന ക്യാമ്പിന്റെ പ്രീ രജിസ്ട്രേഷൻ ആരംഭിച്ചിരിക്കുന്നു. ഈ അസുലഭ സന്ദർഭം പാഴാക്കാതെ നിങ്ങളുടെ കുഞ്ഞുങ്ങളെ ഇന്ന് തന്നെ രജിസ്റ്റർ ചെയ്യൂ. അധ്യാപകർക്കും പ്രത്യേക സെക്ഷനുകൾ ഉണ്ടായിരിക്കും.സീറ്റുകൾ പരിമിതമാകയാൽ ആദ്യം രജിസ്റ്റർ ചെയ്യുന്ന 150 പേർക്കാണ് പ്രവേശനം. ക്യാമ്പിന്റെ സുഗമായ നടത്തിപ്പിനായി മേഖല സൺഡേ സ്കൂൾസ് എക്സിക്യൂട്ടീവും കമ്മിറ്റിയംഗങ്ങളും കൂടാതെ പുനലൂർ സെന്റർ ഭാരവാഹികളും വിവിധ സെന്ററുകളിലെ ഭാരവാഹികൾ ഉൾപ്പെടെ വിശാലമായ കമ്മിറ്റിയും പ്രവർത്തിച്ച് വരുന്നു.

Google form: https://docs.google.com/forms/d/e/1FAIpQLSfcPoJ5q160xvVd_SYpFlID9YJ-1KzN5sGO4oyQFGQ_Sw2jJg/viewform?usp=sharing

Advertisement

കൊട്ടാരക്കര :വർദ്ധിച്ചു വരുന്ന ലഹരി ഉപയോഗത്തിനെതിരെ ബോധവൽക്കരണ സന്ദേശവുമായി തൃക്കണ്ണമംഗൽ ഇന്ത്യാ പെന്തക്കോസ്തു സ്തു ദൈവസഭയുടെ (ഐ പി സി )ആഭിമുഖ്യത്തിൽ ബോധവൽക്കരണ സന്ദേശ യാത്രയും പരസ്യ യോഗവും നടത്തി. പാസ്റ്റർ സാജൻ വര്ഗീസ് മുഖ്യസന്ദേശം നൽകി. കെ. പി. തോമസ് അധ്യക്ഷത വഹിച്ചു. പാസ്റ്റർമാരായ എം ടി ശാമുവേ ൽ, കെ എ ജോണിക്കുട്ടി എന്നിവർ സന്ദേശം നൽകി. സാംസൺ പാളക്കോണം, മോനച്ചൻ ശാമുവേൽ, ജോസ് വര്ഗീസ്, ബേബി ജോസഫ്, ജോർജ് ചാക്കോ, സാമൂവേൽ ജോർജ്, ടി ഒ അച്ചൻകുഞ്, കെ ഒ ബാബു, ടി എം മോനച്ചൻ, ബിബിൻസാം, അഡ്വ. ബിനോയ്‌ എം, ബെൻസൺ, ജിജോ ജോർജ് എന്നിവർ നേതൃത്വം നൽകി.

ഇന്ത്യ പെന്തെക്കോസ്ത് ദൈവസഭ കേരള സ്റ്റേറ്റ്

🎯 സെൻ്റർ/ഏരിയ പഠനസമിതി രൂപീകരിച്ചു

Advertisement

ഐപിസി കേരള സ്റ്റേറ്റിന്റെ കീഴിലുള്ള സഭകളുടെയും സെൻ്ററുകളുടെയും ഏരിയകളുടെയും നിലവിലെ സ്ഥിതിയെ കുറിച്ച് പഠനം നടത്തി റിപ്പോർട്ട് സമർപ്പിക്കാൻ പുതിയ സമിതിയെ സ്റ്റേറ്റ് കൗൺസിൽ ചുമതലപ്പെടുത്തി. നിലവിൽ സഭാംഗങ്ങൾ ആയവരുടെ അംഗസംഖ്യ, സെൻ്ററുകളിൽ ഉൾപ്പെട്ടതും രജിസ്റ്റർ ചെയ്യപ്പെട്ടതുമായ സഭകൾ, ഏരിയ അനുവദിച്ച സ്ഥലങ്ങളിലെ ഇപ്പോഴത്തെ സ്ഥിതി, പുതിയ വേല സ്ഥലങ്ങൾ തുടങ്ങിയവയെ സംബന്ധിച്ച് പഠനം നടത്തുവാനായി പാസ്റ്റർ ജോസ് കെ. എബ്രഹാം ചെയർമാനായും ബ്രദർ ഫിന്നി പി മാത്യു സെക്രട്ടറിയായും പഠനസമിതി നിലവിൽ വന്നു. സമിതിയിലെ അംഗങ്ങൾ:
പാസ്റ്റർ ജോസ് കെ. ഏബ്രഹാം (ചെയർമാൻ).
ബ്രദർ ഫിന്നി പി.മാത്യു (സെക്രട്ടറി).
പാസ്റ്റർ സുനിൽ വേട്ടമല.
പാസ്റ്റർ ജിജി തേക്കുതോട് .
പാസ്റ്റർ ബോബൻ ക്ലീറ്റസ്.
പാസ്റ്റർ തോമസ് ജോർജ് കട്ടപ്പന.
ബ്രദർ ഡേവിഡ് സാം.
ബ്രദർ ജോബി എബ്രഹാം.

ഈ സമിതിയുടെ നിർദ്ദേശങ്ങൾ അനുസരിച്ച് സഭകളും സെൻ്ററുകളും ഏരിയകളും സഹകരിക്കണമെന്ന് അറിയിക്കുന്നു.

Advertisement