Top News
സംസ്ഥാന പി. വൈ. പി. എ. സ്നേഹക്കൂട് പദ്ധതിയുടെ മൂന്നാം ഘട്ട പ്രവർത്തനങ്ങൾക്ക് ഇന്ന് തുടക്കമാകും
കുമ്പനാട് : സംസ്ഥാന പി വൈ പി എ സ്നേഹക്കൂട് ഭവന പദ്ധതിയുടെ മൂന്നാം ഘട്ടത്തിൽ രണ്ട് ദൈവദാസന്മാർക്ക് നൽകുന്ന ഭവനങ്ങളിൽ ആദ്യ ഭവനത്തിന്റെ നിർമ്മാണത്തിന് ഇന്ന് വൈകിട്ട് നാല് മണിക്ക് ചെന്നിത്തലയിൽ നടക്കുന്ന ശിലാസ്ഥാപന ശുശ്രൂഷയോടെ തുടക്കം കുറിക്കും.
പദ്ധതിയ്ക്കായി വസ്തു ദാനം നൽകിയത് ഐപിസി ആലപ്പുഴ വെസ്റ്റ് സെന്ററിലെ ബ്രദർ ബിജു സാമുവേലും കുടുംബമാണ്.
പ്രസ്തുത വസ്തുവിൽ നിർമ്മിക്കുന്ന ഒരു ഭവനത്തിന്റെ സാമ്പത്തീക സഹായം നൽകുന്നത് പാസ്റ്റർ ഷിബു തോമസ് & ഐപിസി ഹെബ്രോൻ ഒക്കലഹോമ സഭയാണ്.
നേരത്തെ പാസ്റ്റർ ജോസഫ് വില്യംസ് & ഐപിസി റോക്ക് ലാൻഡ് സഭയുടെ ചുമതലയിൽ വടക്കഞ്ചേരിയിൽ ഒരു ഭവനം പൂർത്തീകരിച്ചു, പത്തനംതിട്ട ജില്ലയിൽ മല്ലശ്ശേരിയിൽ രണ്ടാമത്തെ ഭവനത്തിന്റെ സാമ്പത്തീക ചുമതലയും അവർ തന്നെ വഹിക്കുന്നതാണ്.
അതോടൊപ്പം തന്നെ വടക്കഞ്ചേരിയിൽ ബ്രദർ തോമസ് കെ. വർഗീസിന്റെ ചുമതലയിൽ ഒരു ഭവനം പൂർത്തിയായിരുന്നു.
ഇനിയും മുന്നോട്ടുള്ള പ്രവർത്തനങ്ങളെ ഓർത്ത് പ്രാർത്ഥിക്കണം എന്ന് അപേക്ഷിക്കുന്നു.
പി വൈ പി എ കേരളാ സ്റ്റേറ്റ്
