27 വർഷത്തെ സേവനത്തിന് ശേഷം ജൂൺ 15 ന് മൈക്രോസോഫ്റ്റ് തങ്ങളുടെ പഴയ ബ്രൗസറായ ഇന്റർനെറ്റ് എക്സ്പ്ലോറർ പിൻവലിക്കുന്നു. 1995-ൽ വിൻഡോസ് 95 ഓപ്പറേറ്റിംഗ് സിസ്റ്റത്തിൻ്റെ ഒരു ആഡ്-ഓൺ എന്ന നിലയിലാണ് സെർച്ച് ബ്രൗസർ വന്നത്. 2003-ൽ 95% ഉപയോഗ പങ്കാളിത്തത്തോടെ ബ്രൗസർ അതിന്റെ ഉന്നതിയിലെത്തി.

1990 കളിലും 2000 കളുടെ തുടക്കത്തിലും വീട്ടിലും സ്കൂളുകളിലും ഓഫീസുകളിലും കമ്പ്യൂട്ടറുകൾ ഉണ്ടായിരുന്നവർക്ക് ഇൻ്റർനെറ്റ് എന്നതിൻ്റെ പര്യായം ആയിരുന്നു IE എന്ന ഇൻ്റർനെറ്റ് എക്സ്പ്ലോറർ. അത് തന്നെയാണ് IE, നെറ്റിസൺസ് നൊസ്റ്റാൾജിയ ആകാൻ കാരണം.

നൊസ്റ്റാൾജിയ ഒക്കെ ആണെങ്കിലും വേഗതയുടെ കാര്യത്തിൽ എപ്പോഴും ട്രോളുകൾ ഏറ്റുവാങ്ങാറുള്ള IE യേപറ്റി ഇൻ്റർനെറ്റിൽ പ്രചരിക്കുന്ന ഒരു ട്രോൾ ഇങ്ങനെയാണ് – “ഇന്റർനെറ്റ് എക്‌സ്‌പ്ലോറർ നാളെ (ജൂൺ 15, 2022) വിരമിക്കും. നിങ്ങൾ ഇപ്പോഴും ഈ ബ്രൗസർ ഉപയോഗിക്കുന്നുണ്ടെങ്കിൽ, അടുത്ത 500 വർഷത്തിനുള്ളിൽ എപ്പോഴെങ്കിലും ഈ വാർത്ത നിങ്ങൾക്ക് ലഭിക്കും”. 500 വർഷം കഴിഞ്ഞാലും തന്നെ പിൻവലിച്ച വാർത്ത ഉപയോക്താവിനെ അറിയിക്കുവാൻ സാധിക്കാത്ത അത്ര വേഗത കുറവാണ് IE യ്ക്ക് എന്ന് ചുരുക്കം.

2016 മുതൽ, IE യുടെ പുതിയ പ്രധാന നവീകരണങ്ങളോ പുതിയ പതിപ്പുകളോ മൈക്രോസോഫ്റ്റ് പുറത്തിറക്കിയിട്ടില്ല. അവസാനത്തെ പതിപ്പ് 2013 ൽ പുറത്തിറങ്ങിയ Internet Explorer 11 ആണ്.

Advertisement

വാർത്ത: സജി മേത്താനം

Advertisement

പത്തനംതിട്ട :പത്തനംതിട്ട ജില്ലയിലെ കൊറ്റനാട് പഞ്ചായത്ത് 7- വാർഡിൽ നിന്നും LDF സ്ഥാനാർഥിയായി മത്സരിച്ച പാസ്റ്റർ റോബി ഏബ്രഹാമിന് മികച്ച വിജയം . ഈ ജില്ലയിൽ IPC സഭാ ശുശ്രൂഷകനായി ജയിച്ച ആദ്യ വ്യക്തിയാണ് റോബിൻ . തിരുവല്ല സെന്ററിലെ തടിയൂർ IPC സഭാ ശുശ്രൂഷകനാണ്. തൊട്ടടുത്ത UDF സ്ഥാനാർഥിയെക്കാൾ 297 വോട്ടിന്റെ ഭൂരിപക്ഷം ലഭിച്ചു. ഉപതെരഞ്ഞെടുപ്പിൽ 4 ൽ പരം സ്ഥാനാർഥികൾ മത്സരിച്ചിരുന്നു. വൃന്ദാവനം കോട്ടയിൽ കുടുംബാംഗബാംഗമാണ് റോബിൻ .

Advertisement

ലോകത്തിലെ തന്നെ ആദ്യത്തെ ബഹിരാകാശ ഹോട്ടൽ എന്ന സ്വപ്നം യാഥാർത്ഥ്യമാകുകയാണ്.

2025 ൽ പണി തുടങ്ങുമെന്നാണ് കരുതുന്നത്. അതായത് ബഹിരാകാശ ഹോട്ടലിനായി ഇനി നമ്മൾ കുറച്ച് വർഷം കൂടി കാത്തിരുന്നാൽ മതി. ഈ ഹോട്ടലിന് 400 പേരെ ഉൾക്കൊള്ളാൻ ശേഷിയുണ്ട്. ഭൂമിയ്ക്ക് പുറത്തുള്ള ആദ്യത്തെ ഹോട്ടലിന് വോയേജര്‍ ക്ലാസ് സ്‌പേസ് സ്റ്റേഷന്‍ എന്നാണ് പേരിട്ടിരിക്കുന്നത്. ഇനി ആളുകൾക്ക് അറിയേണ്ടത് ഇതിനകത്ത് എന്തെല്ലാം സൗകര്യങ്ങൾ ഒരുക്കിയിട്ടുണ്ട് എന്നാണ്. എന്തുതന്നെയാണെങ്കിലും സൗകര്യങ്ങൾ ഒട്ടും കുറയില്ലെന്ന കാര്യത്തിൽ ആർക്കും സംശയമില്ല. ബാറുകള്‍, ഭക്ഷണശാലകള്‍, സിനിമ ഹാളുകള്‍, ജിംനേഷ്യം തുടങ്ങി നിരവധി അത്യാധുനിക സൗകര്യങ്ങൾ ഇതിനകത്ത് ഒരുക്കിയിട്ടുണ്ട്.

Advertisement

ലോഹം കൊണ്ട് വൃത്താകൃതിയിലാണ് ഹോട്ടൽ നിർമ്മിക്കുന്നത്. സഞ്ചാരികൾക്ക് വേണ്ടി മാത്രമല്ല, ഗവേഷകർക്കും പ്രത്യേക സൗകര്യങ്ങളാണ് ഇതിനകത്ത് ഒരുക്കിയിട്ടുണ്ട്. ബഹിരാകാശ ഹോട്ടലിന് പുറത്തേക്ക് സജ്ജീകരിച്ചിട്ടുള്ള പ്രത്യേക ഭാഗങ്ങളില്‍ ശാസ്ത്രജ്ഞര്‍ക്ക് ബഹിരാകാശ ഗവേഷണത്തിനുമുള്ള സൗകര്യം ഒരുക്കിയിട്ടുണ്ട്. സഞ്ചാരികൾക്കും ഇത് ഉപയോഗിക്കാം. ഈ ഹോട്ടലിന്റെ 24 ഭാഗങ്ങളാണ് അതിഥികള്‍ക്കായി നീക്കിവെക്കുക. ബാക്കിയുള്ള ഭാഗങ്ങള്‍ സര്‍ക്കാരുകള്‍ക്കോ സ്വകാര്യ കമ്പനികള്‍ക്കോ വാടകക്കോ സ്വന്തമായോ നല്‍കാനാണ് ഇപ്പോഴത്തെ പദ്ധതി. ഒരു ക്രൂസ് കപ്പലിലേതിന് സമാനമായ സൗകര്യങ്ങളാണ് ഈ ഹോട്ടലിനകത്ത് ഒരുക്കുന്നത്. പ്രത്യേകം തീമുകള്‍ക്കനുസരിച്ചുള്ള റെസ്റ്ററന്റുകളും ഹെല്‍ത്ത് സ്പായും ലൈബ്രറികളും ഇതിനകത്തുണ്ട്.

Advertisement

അമേരിക്കന്‍ കമ്പനിയായ ഓര്‍ബിറ്റല്‍ അസംബ്ലി കോര്‍പറേഷനാണ് ഈ ഹോട്ടൽ നിർമിക്കുന്നത്. എത്ര രൂപ ഈ ഹോട്ടൽ നിർമാണത്തിനായി ചെലവാകുമെന്നത് കമ്പനി ഇതുവരെ വ്യക്തമാക്കിയിട്ടില്ല. ഭൂമിയെ ഓരോ 90 മിനിറ്റിലും ഈ ബഹിരാകാശ ഹോട്ടല്‍ വലം വെക്കും. ചന്ദ്രന്റെ ഉപരിതലത്തിലേതിന് സമാനമായ കൃത്രിമ ഗുരുത്വാകര്‍ഷണമായിരിക്കും ഈ ഹോട്ടലിലും സഞ്ചാരികള്‍ക്ക് അനുഭവിക്കാനാവുക. ഇങ്ങനെയൊരു ആശയം പ്രാവർത്തികമാക്കാൻ ശ്രമിക്കുന്ന ആദ്യ കമ്പനിയാണ് ഇത്. ഭൂമിയിൽ നിന്ന് സഞ്ചാരികളെ ബഹിരാകാശത്തേക്കും തിരിച്ചും എത്തിക്കാനുള്ള ചുമതല സ്‌പേസ് എക്‌സിനാണ്. ഈ ഹോട്ടലില്‍ താമസിക്കാന്‍ എത്തുന്ന അതിഥികള്‍ക്ക് 15 ആഴ്ച നീണ്ട പ്രത്യേക പരിശീലനവും നിര്‍ബന്ധമാണ്. (കടപ്പാട്)

Advertisement