Breaking
മാതൃകാ പാസ്റ്റർ അവാർഡുമായി കുറവിലങ്ങാട് സെന്റർ
നന്നായി ശുശ്രൂഷിച്ച പാസ്റ്റർക്കും ലോക്കൽ സഭകളിൽ മികച്ച പ്രവർത്തനം നടത്തിയ സെക്രട്ടറിക്കും ട്രഷറർക്കും ഐപിസി കുറവിലങ്ങാട് സെന്റർ ഏർപ്പെടുത്തിയ പാ രിതോഷികങ്ങൾ വിതരണം ചെയ്തു. മികച്ച പാസ്റ്ററായി ഇറുമ്പയം സഭാ ശുശ്രൂഷകൻ ഹാൻസൺ TP യും മികച്ച സെക്രട്ടറിയായി തോട്ടുവാ സഭയിലെ റെജിമോൻ എംകെ യും മികച്ച ട്രഷററായി അതിരമ്പുഴ സഭയിലെ ബിനോയി തോമസും തെരഞ്ഞെടുക്കപ്പെട്ടു. സെന്റർ ജനറൽ ബോഡി യോഗത്തിൽ മൂവർക്കുമുള്ള പാരിതോഷികങ്ങൾ സ്റ്റേറ്റ് കൗൺസിൽ അംഗങ്ങളായ പാസ്റ്റർ KK ജെയിംസ്, ബ്രദർ ഗ്ലാഡ്സൻ ജേക്കബ്, ബ്രദർ ബെന്നി പുള്ളോ ലിക്കൽ എന്നിവർ വിതരണം ചെയ്തു. 10 ചോദ്യങ്ങൾ അടങ്ങിയ ഫാറം എല്ലാവർക്കും നൽകിയിരുന്നു. എത്ര പേര് ഈ വർഷം സ്‌നാനപ്പെട്ടു,എത്ര പരസ്യ യോഗങ്ങൾ നടത്തി തുടങ്ങിയ ചോദ്യങ്ങളായിരുന്നു പാസ്റ്റർമാർക്കുണ്ടായിരുന്നത്.നടത്തിയ നിർമ്മാണ പ്രവർത്തനങ്ങൾ,താലന്തു പരിശോധനകളിൽ സഭയ്ക്കു ലഭിച്ച പോയിന്ററുകൾ എന്നിവ സെക്രട്ടറിമാർക്കുള്ള ചോദ്യങ്ങളായപ്പോൾ സെന്ററിൽ സഭ നൽകിയ ദശാശം, സഭയിൽ എത്ര തവണ കണക്ക് വായിച്ചു, ശുശ്രൂഷകന് എത്ര രൂപ സഭ നൽകി തുടങ്ങിയവ ട്രഷറർക്കുള്ള ചോദ്യങ്ങളായി.മാതൃകാ പാസ്റ്റർക്ക് ഒരു വാഷിംഗ്‌ മെഷീനും സെക്രട്ടറിയ്ക്കും ട്രഷറർക്കും ഓരോ ഗ്യാസ് സ്റ്റവ്വുമായിരുന്നു ഉപഹാരം.
