Breaking
പാസ്റ്റർ അറസ്റ്റിൽ അടിയന്തിരമായി പ്രാർത്ഥിക്കുക
News:Anil joy Thomas
പാസ്റ്റർ കുര്യാക്കോസിനും കുടുംബത്തിനും വേണ്ടി ദൈവമക്കൾ അടിയന്തിരമായി പ്രാർത്ഥിക്കുക.കൊടഗ് : കർണാടകയിലെ കൊടഗ് ജില്ലയിലെ കുട്ട അതിർത്തിയിലെ പൂജകൽ ഗ്രാമത്തിത്തിനടുത്തുള്ള വയനാട് ജില്ലയിലെ തോൽപട്ടിയിൽ താമസിച്ച് സുവിശേഷ പ്രവർത്തനം ചെയ്ത് വരുന്ന പ്രിയ കർത്തൃദാസൻ പാസ്റ്റർ കുര്യാക്കോസും തന്റെ ഭാര്യ സാലുവുമാണ് അറസ്റ്റിലായിരിക്കുന്നത്.
മണികണ്ഠൻ എന്ന വിശ്വാസിയുടെ വീട്ടിൽ പ്രാർത്ഥന നടത്തികൊണ്ടിരിക്കെ ഒരു കൂട്ടം സുവിശേഷ വിരോധികൾ ചേർന്ന് പ്രാർത്ഥന തടസ്സപ്പെടുത്തുകയും പ്രിയ കർത്തൃദാസാനെയും തന്റെ ഭാര്യയെയും തല്ലുകയും ചെയ്തു. ക്രൂരമായി മർദ്ദിച്ചതിന് ശേഷം കർത്തൃദാസാനെയും ഭാര്യയെയും പോലീസിൽ ഏല്പിക്കുകയും തുടർന്ന് ഇരുവരുടെയും പേരിൽ ജാമ്യമില്ല വകുപ്പുകൾ ചുമത്തി കേസ് ചാർജ് ചെയ്ത് വിരാജ്പ്പേട്ട സബ്ജയിലിൽ ഏഴ് ദിവസത്തേക്ക് റിമാൻഡ് ചെയ്തു. ഈ പ്രിയപ്പെട്ടവരുടെ മോചനത്തിനായി എല്ലാ പ്രിയ ദൈവമക്കളും അടിയന്തിരമായി പ്രാർത്ഥിക്കുവാൻ അപേക്ഷിക്കുന്നു.