Breaking

ഒലിവുമല ദേശീയ ഉദ്യാനത്തിന്റെ ഭാഗമാക്കാൻ നീക്കം,അപലപിച്ച് ക്രൈസ്തവ സഭകൾ.

Published

4 months ago

February 23, 2022

ജെറുസലേം: ക്രൈസ്തവർ പരിപാവനമായി കാണുന്ന ജെറുസലേമിലെ ഒലിവുമല ദേശീയ ഉദ്യാനത്തിന്റെ ഭാഗമാക്കാൻ ‘ദ ഇസ്രായേൽ നേച്ചർ ആൻഡ് പാർക്ക്സ് അതോറിറ്റി’ എടുത്ത തീരുമാനത്തെ ശക്തമായ ഭാഷയിൽ അപലപിച്ച് ക്രൈസ്തവ സഭകൾ. ദേശീയ ഉദ്യാനത്തിന്റെ ഭാഗമായാൽ സർക്കാരിന് കൂടുതൽ നിയന്ത്രണാധികാരങ്ങൾ ലഭിക്കും. നീക്കത്തെ വിമർശിച്ചുക്കൊണ്ട് വിശുദ്ധ നാട്ടിലെ ജറുസലേമിലെ ഗ്രീക്ക് ഓർത്തഡോക്സ് പാത്രിയർക്കീസ് തെയോഫിലസ് മൂന്നാമൻ, ജെറുസലേമിലെ അർമേനിയൻ പാത്രിയർക്കീസ് നൂർഹൻ മനൂജിയൻ എന്നിവർ ഇസ്രായേലി പരിസ്ഥിതി മന്ത്രി താമാർ സാൻഡ്ബർഗിന് സംയുക്തമായി കത്തെഴുതി.

മലയുടെ വിശുദ്ധി കാത്തുസൂക്ഷിക്കാനും, തീർത്ഥാടകർക്ക് പ്രവേശനം സാധ്യമാക്കാനും വലിയ പരിശ്രമമാണ് സഭകൾ നടത്തിക്കൊണ്ടിരിക്കുന്നതെന്നും, എന്നാൽ ഏതാനും വർഷങ്ങളായി ചില പ്രസ്ഥാനങ്ങൾ നഗരത്തിന്റെ യഹൂദ വിശ്വാസവുമായി ബന്ധമില്ലാത്ത ശേഷിപ്പുകൾ നശിപ്പിച്ചു കളയാനുള്ള ശ്രമമാണ് നടത്തുന്നതെന്നും അവർ കത്തിൽ വിശദമാക്കി. ക്രൈസ്തവ സഭകൾ ശക്തമായ പ്രതിരോധം തീര്‍ക്കുന്ന പശ്ചാത്തലത്തില്‍ തങ്ങളുടെ പദ്ധതി നടപ്പിലാക്കാൻ സാധിക്കാത്തത് മൂലം മലയുടെ വലിയൊരു ഭാഗം ദേശീയ ഉദ്യാനമാക്കാനുളള പദ്ധതിയുമായി ഇസ്രായേലി അധികൃതർ രംഗത്തുവന്നിരിക്കുകയാണ്.

ഇതിന് പിന്നിൽ ദേശീയതയിൽ ഊന്നി പ്രവർത്തിക്കുന്ന യഹൂദ സംഘടനകൾക്ക് പങ്കുണ്ടെന്നും ക്രൈസ്തവ സഭകൾ കരുതുന്നു. ഈ നയത്തെ വിശുദ്ധ നാട്ടിലെ ക്രൈസ്തവർക്ക് നേരേയും അന്താരാഷ്ട്രതലത്തിൽ അംഗീകരിക്കപ്പെട്ട അവരുടെ അവകാശത്തിനു നേരെയുമുള്ള അതിക്രമമായാണ് ക്രൈസ്തവസഭകൾ വിശേഷിപ്പിച്ചത്. വിഷയത്തെപ്പറ്റി ജെറുസലേം മുൻസിപ്പാലിറ്റി മാർച്ച് രണ്ടാം തീയതി ചർച്ചചെയ്യും.

വിഷയവുമായി ബന്ധപ്പെട്ട എല്ലാ സഭകളുടെയും അഭിപ്രായങ്ങൾ കേൾക്കാതെ പദ്ധതി യാഥാർഥ്യമാക്കില്ലായെന്ന് ദ ഇസ്രായേൽ നേച്ചർ ആൻഡ് പാർക്ക്സ് അതോറിറ്റിയുടെ വക്താവ് പറഞ്ഞെങ്കിലും ആശങ്ക നിലനില്‍ക്കുന്നുണ്ട്.

Breaking

ഇടുക്കിയുടെ മണ്ണിൽ സ്നേഹ സന്ദേശവുമായി പത്തനാപുരം സെന്റർ പി.വൈ.പി.എ

Published

2 days ago

June 29, 2022

Mathew John

പത്തനാപുരം: കുളിരു കോരുന്ന ഹൈറേഞ്ചിന്റെ മണ്ണ് ഇന്നും സുവിശേഷ വ്യാപനത്തിന്റെ മണ്ണല്ല. ഹരിത ഭംഗിയാർന്ന ഇടുക്കിയിലേക്ക് പത്തനാപുരം സെന്റർ പി.വൈ.പി.എ സുവിശേഷവുമായി കടന്ന് പോകുകയാണ്. 2022 ജൂലൈ 5 ന് യാത്ര തിരിച്ചു 7 ന് തിരികെ പത്തനാപുരത്തു എത്തും. പരസ്യ യോഗങ്ങൾ, മിനി കൺവൻഷൻ, ലഖുലേഖ വിതരണം എന്നിവ ഈ സുവിശേഷ യാത്രയിൽ നടക്കും.

തീവ്ര സുവിശേഷീകരണ യത്നത്തിന്റെ ഭാഗമായി നടക്കുന്ന ഈ പ്രോഗ്രാമുകൾക്കായി പ്രാർത്ഥിക്കുവാനും പങ്കാളികൾ ആകുവാനും അഭ്യർത്ഥിക്കുന്നു.

പത്തനാപുരം സെൻ്റർ പി. വൈ. പി. എ.

Breaking

23-)മത് ഒ.പി.എ ഫാമിലി കോൺഫറൻസ് 25 ന്

Published

1 week ago

June 22, 2022

Boban Cleetus

വാർത്ത:ബ്രദർ ജോൺസൺ സി.ജി (പുനലൂർ)

വെട്ടിയാർ: 23-)മത് ഒ.പി.എ കുടുംബ സംഗമം 25 ശനിയാഴ്ച വെട്ടിയാർ ഒ.പി.എ കോംപ്ലക്സിൽ വച്ച് നടത്തപ്പെടും.രാവിലെ 9.30 മുതൽ 1.00 മണി വരെ നടക്കുന്ന സംഗമത്തിൽ ഒ.പി. എ മുൻ ശുശ്രൂഷകൻ പാസ്റ്റർ രാജു.എം ചെറിയാൻ അദ്ധ്യക്ഷനായിരിക്കും. ചർച്ച് ഓഫ് ഗോഡ് എജ്യുക്കേഷൻ ഡയറക്ടർ പാസ്റ്റർ ഷിബു കെ മാത്യു മുഖ്യ സന്ദേശം നൽകും. നിരവധി ഒ.പി.എ മുൻ അംഗങ്ങളും മുൻകാല ശുശ്രൂഷകന്മാരും അവധിയ്ക്ക് നാട്ടിലുള്ള അംഗങ്ങളും വിവിധ സഭാ സമൂഹങ്ങളിൽ സുവിശേഷ വേലയിൽ ആയിരിക്കുന്ന ശുശ്രൂഷകന്മാരും ഈ മീറ്റിംഗിൽ പങ്കെടുക്കും.സംഗീത ശുശ്രൂഷ, ,കർത്യമേശഎന്നിവ ഉണ്ടായിരിക്കുന്നതാണ് കൂടുതൽ വിവരങ്ങൾക്ക്: ബ്രദർ മാത്യു ശമുവേൽ [8547705162]/ബ്രദർ ജോൺസൺ സി.ജി [9747886690

Breaking

ഫിലാദെൽഫിയ യൂത്ത് മൂവ്മെന്റിന്റെ (FYM) വാർഷിക ക്യാമ്പും നേതൃത്വ സമ്മേളനത്തിന് അനുഗ്രഹിത തുടക്കം.

Published

2 weeks ago

June 17, 2022

Boban Cleetus

വാർത്ത: ജോൺ മാത്യൂ ഉദയ്‌പൂർ

രാജസ്ഥാൻ ഉദയപൂർ കേന്ദ്രമായി പ്രവർത്തിക്കുന്ന ഫിലാദെൽഫിയ ഫെല്ലോഷിപ്പ് ചർച്ച് ഓഫ് ഇന്ത്യയുടെ യുവജന സംഘടനയായ ഫിലാദെൽഫിയ യൂത്ത് മൂവ്മെന്റിന്റെ (FYM) ഈ വർഷത്തെ വാർഷിക ക്യാമ്പും നേതൃത്വ സമ്മേളനവും ജൂൺ 16 മുതൽ 19 തീയതികളിൽ ഉദയപൂരിൽ നടക്കുന്നു. “Refiner’s Fire” എന്ന വിഷയത്തെ ആസ്പദമാക്കി ദൈവദാസന്മാരായ ജോ തോമസ്, ബാംഗ്ലൂർ, പോൾ മാത്യൂസ് എന്നിവർ വചനം സംസാരിക്കുന്നതാണ്. സോഷ്യൽ മീഡിയ പ്ലാറ്റ്ഫോമുകളിൽ സമ്മേളത്തിന്റെ തൽസമയ സംപ്രേഷണം ഉണ്ടായിരിക്കുന്നതാണ്. FYM ടീം നേതൃത്വം നൽകുന്ന സംഗീത ശ്രുശൂഷയിൽ സഹോദരൻ മോസസ് ടെറ്റസും പങ്കെടുക്കുന്നതായിരിക്കും. കൂടുതൽ വിവരങ്ങൾക്ക് ഞങ്ങളുമായി ബന്ധപ്പെടുക8107727217
Refiner’s Fire – FYM Youth Camp 2022
Date: Jun 16 -18, 2022
07:00 PM India
Date: Jun 17, 2022