Breaking

ഐ ഡി കാർഡ് ഉള്ള എല്ലാ ശുശ്രൂഷകർക്കും വോട്ട് ചെയ്യാമോ?അനുകൂലിച്ചും പ്രതികൂലിച്ചും പോരാടുന്നു നേതൃത്വം

Published

2 years ago

July 5, 2022

കുമ്പനാട്: ഐ .പി.സി യുടെ ഐഡി കാർഡ് ഉള്ള ശുശ്രൂഷകന്മാർ എല്ലാവരും വോട്ട് അവകാശം ഉള്ളവരാണ് പ്രതിനിധി ലിസ്റ്റിൽ പേര് വേണമെന്ന് നിർബന്ധമില്ല എന്നും ഇവർ സഭാപ്രതിനിധികളല്ല ശുശ്രൂഷകന്മാർ ആണെന്നും ആക്ടിങ്ങ് സെക്രട്ടറി പാസ്റ്റർ ദാനിയേൽ കൊന്നനിൽക്കുന്നതിൽ ആവശ്യപ്പെട്ടുകൊണ്ട് ഇലക്ഷൻ കമ്മീഷനും മാനേജർക്കും കത്ത് കൊടുത്തിരിക്കുകയാണ് ഈ കത്തിൽ ഭരണഘടനയിൽ ആർട്ടിക്കിൾ ആറ് വകുപ്പ് II-1 ൽ ഇത് അനുവദിക്കുന്നുണ്ട് എന്നും ചൂണ്ടി കാട്ടുന്നു.
എന്നാൽ ഇതിനെതിരെ ആക്ടിങ് പ്രസിഡൻ്റ് പാ.സി.സി.എബ്രാഹം കത്ത് നൽകി പ്രതിനിധി ലിസ്റ്റിൽ ഇല്ലാത്തവരെ വോട്ട് ചെയ്യാൻ അനുവദിക്കരുത് എന്ന് ആവശ്യപ്പെടുകയും ചെയ്തതോടെ പോര് മുറുകുകയാണ് .പാ. സി സി എബ്രഹാമിൻ്റെ വാദം ഗവൺമെൻ്റ് ഐഡി ഉണ്ട് എന്ന് കരുതി വോട്ട് ചെയ്യാൻ സാധിക്കില്ല വോട്ടേഴ്സ് ലിസ്റ്റിൽ പേര് വേണം എന്നാണ്.
പോസ്റ്റലിൽ അയച്ച വോട്ടേഴ്സ് ലിസ്റ്റ് കമ്പനാട് കിട്ടാത്തതിൻ്റെ പേരിൽ ഒരു സെൻ്റർ ശുശ്രൂഷകൻ്റെയും ശുശ്രൂഷകന്മാരുടെയും പേര് വോട്ടേഴ്സ് ലിസ്റ്റിൽ ഇല്ലാതായ സംഭവം വരെ ഉണ്ടെന്ന് പാസ്റ്റർ ദാനിയേൽ കൊന്ന നിൽക്കുന്നതിൽ ഉന്നയിക്കുന്നു.
എല്ലാം ഡിജിറ്റൽ ആയിട്ടും ലക്ഷങ്ങൾ ഡിജിറ്റൽ സംവിധാനത്തിനായി വിനിയോഗിച്ചിട്ടും ഐഡി കാർഡ് പരിശോധിച്ചാൽ വോട്ടവകാശം ഉള്ള ശുശ്രൂഷകന്മാരാണോ എന്ന് ഉറപ്പ് വരുത്താൻ കഴിയില്ല എന്ന വാദം ചിന്തിക്കേണ്ടതാണ് അനുകൂലിച്ചും പ്രതികൂലിച്ചും നൽകിയ കത്തുകൾ ഫെയ്ത്ത് ട്രാക്ക് ന്യൂസിന് ലഭിച്ചിടുണ്ട്.

Breaking

ഇന്ത്യ പെന്തെക്കോസ്ത് ദൈവസഭ കേരള സ്റ്റേറ്റ് സെൻ്റർ/ഏരിയ പഠനസമിതി രൂപീകരിച്ചു

Published

1 month ago

October 9, 2024

Boban Cleetus

ഇന്ത്യ പെന്തെക്കോസ്ത് ദൈവസഭ കേരള സ്റ്റേറ്റ്

🎯 സെൻ്റർ/ഏരിയ പഠനസമിതി രൂപീകരിച്ചു

ഐപിസി കേരള സ്റ്റേറ്റിന്റെ കീഴിലുള്ള സഭകളുടെയും സെൻ്ററുകളുടെയും ഏരിയകളുടെയും നിലവിലെ സ്ഥിതിയെ കുറിച്ച് പഠനം നടത്തി റിപ്പോർട്ട് സമർപ്പിക്കാൻ പുതിയ സമിതിയെ സ്റ്റേറ്റ് കൗൺസിൽ ചുമതലപ്പെടുത്തി. നിലവിൽ സഭാംഗങ്ങൾ ആയവരുടെ അംഗസംഖ്യ, സെൻ്ററുകളിൽ ഉൾപ്പെട്ടതും രജിസ്റ്റർ ചെയ്യപ്പെട്ടതുമായ സഭകൾ, ഏരിയ അനുവദിച്ച സ്ഥലങ്ങളിലെ ഇപ്പോഴത്തെ സ്ഥിതി, പുതിയ വേല സ്ഥലങ്ങൾ തുടങ്ങിയവയെ സംബന്ധിച്ച് പഠനം നടത്തുവാനായി പാസ്റ്റർ ജോസ് കെ. എബ്രഹാം ചെയർമാനായും ബ്രദർ ഫിന്നി പി മാത്യു സെക്രട്ടറിയായും പഠനസമിതി നിലവിൽ വന്നു. സമിതിയിലെ അംഗങ്ങൾ:
പാസ്റ്റർ ജോസ് കെ. ഏബ്രഹാം (ചെയർമാൻ).
ബ്രദർ ഫിന്നി പി.മാത്യു (സെക്രട്ടറി).
പാസ്റ്റർ സുനിൽ വേട്ടമല.
പാസ്റ്റർ ജിജി തേക്കുതോട് .
പാസ്റ്റർ ബോബൻ ക്ലീറ്റസ്.
പാസ്റ്റർ തോമസ് ജോർജ് കട്ടപ്പന.
ബ്രദർ ഡേവിഡ് സാം.
ബ്രദർ ജോബി എബ്രഹാം.

ഈ സമിതിയുടെ നിർദ്ദേശങ്ങൾ അനുസരിച്ച് സഭകളും സെൻ്ററുകളും ഏരിയകളും സഹകരിക്കണമെന്ന് അറിയിക്കുന്നു.

Breaking

ശാരോൻ റൈറ്റേഴ്സ് ഫോറം വെബിനാർ ഓഗസ്റ്റ്‌ 5 തിങ്കളാഴ്ച

Published

4 months ago

August 1, 2024

Boban Cleetus

തിരുവല്ല:ശാരോൻ റൈറ്റേഴ്സ് ഫോറം സംഘടിപ്പിക്കുന്ന സൂം സെമിനാർ ഓഗസ്റ്റ് 5 തിങ്കളാഴ്ച വൈകിട്ട് 7 മുതൽ 9 വരെ നടക്കും. ശാരോൻ ഫെലോഷിപ് ചർച്ച് നാഷണൽ പ്രസിഡന്റ്‌ പാസ്റ്റർ എബ്രഹാം ജോസഫ് ഉദ്ഘാടനം ചെയ്യും. *’ഉത്തരാധുനിക സമൂഹത്തിൽ പെന്തെക്കോസ്ത് ആത്മീയതയുടെ പ്രസക്തി’* എന്ന വിഷയത്തിൽ പാസ്റ്റർ ഫെബിൻ ബോസ് കുരുവിള,കൊച്ചി വിഷയാവതരണം നടത്തും.പാസ്റ്റർ കെ ജെ ജോബ്,വയനാട് മോഡറേറ്റർ ആയിരിക്കും. ZOOM ID:*339 2200 496*PASSCODE:*323637*

Breaking

സുവിശേഷകന് ക്രൂരമർദ്ദനം

Published

4 months ago

July 22, 2024

Boban Cleetus

ധന്തരി : ചത്തീസ്‌ഗഡിലെ ധന്തരി ഗ്രാമത്തിൽ കർത്തൃ ശുശ്രൂഷയിൽ ആയിരിക്കുന്ന പ്രിയ കർത്തൃദാസൻ പാസ്റ്റർ വർഗീസ് ചാക്കോയെ ഒരു കൂട്ടം സുവിശേഷ വിരോധികൾ ക്രൂരമായി മർദിച്ചു.

കർത്തൃദാസന്റെ ചർച്ചിലെ ഒരു വിശ്വാസിയുടെ ഭവനത്തിൽ ക്ഷണ പ്രകാരം പ്രാർത്ഥിക്കുവാൻ പോയപ്പോൾ അവിടെ അടുത്തുള്ള ഒരു അമ്പലത്തിൽ നിന്നും ഒരു കൂട്ടം ജനം പോലീസിനെ വിളിച്ച് വരുത്തി കർത്തൃദാസനെ ഭീഷണിപ്പെടുത്തി അവിടെ നിന്നും മടക്കി പറഞ്ഞു അയച്ചു. എന്നാൽ സുവിശേഷ വിരോധികൾ കർത്തൃദാസന്റെ വാഹനത്തിന്റെ റ്റയറിന്റെ കാറ്റ് അഴിച്ച് വിട്ടു. കർത്തൃദാസൻ വാഹനത്തിന്റെ റ്റയറിന്റെ കാറ്റ് അടിക്കുവാൻ അടുത്തുള്ള കടയിലേക്ക് പോകുകയും ചെയ്തു. എന്നാൽ വാഹനത്തിന്റെ റ്റയറിന്റെ കാറ്റ് അടിച്ച ശേഷം മടങ്ങി പോകുമ്പോൾ ഏകദേശം 25 യോളം പേർ വരുന്ന ഒരു കൂട്ടം ജനം കർത്തൃദാസന്റെ കൈയിലും കാലിലും പുറത്തും തലയ്ക്കും അടിച്ച് മാരകമായി മുറിവേൽപ്പിച്ച ശേഷം അടുത്തുള്ള അമ്പലത്തിലേക്ക് എടുത്ത് കൊണ്ട് പോയി അവിടെയുള്ള വിഗ്രഹത്തിന്റെ മുൻപിൽ വച്ച് അദ്ദേഹത്തെ വീണ്ടും ഉപദ്രവിച്ചു. മർദ്ദനത്തെ തുടർന്ന് തലയിൽ നിന്നും വളരെ അധികം രക്തം വാർന്ന് പോകുന്നത് കണ്ടിട്ട് സുവിശേഷ വിരോധികൾ അവിടെ ഉപേക്ഷിച്ചിട്ട് കടന്ന് കളഞ്ഞു. എന്നാൽ അടിയും ഇടിയും കൊണ്ട് അവശനായിട്ടും കർത്തൃദാസൻ അല്പം കഴിഞ്ഞ് വീണ്ടും വാഹനം ഓടിച്ച് ഏകദേശം 70 കിലോമീറ്റർ ദൂരം ഓടിച്ച് ഒരു ഹോസ്പിറ്റലിൽ എത്തി. രാത്രി മുഴുവൻ കർത്തൃദാസന് പല പ്രാവശ്യം ചർദിൽ ഉണ്ടായി. തുടർന്ന് സി റ്റി സ്കാൻ എടുത്തെങ്കിലും തലച്ചോറിന് യാതൊരു തകരാറും സംഭവിക്കാതെ കർത്താവ് കാത്തു. എങ്കിലും ക്രൂരമായ മർദനത്തിന്റെ ഫലമായി ശരീരത്തിൽ നല്ല വേദനയും നീരുമുണ്ട്. പ്രിയ കർത്തൃദാസന്റെ പരിപൂർണ്ണ സൗഖ്യത്തിനായും, ഇവിടെയുള്ള ദൈവവേലയും, ഈ ദേശത്തിന്റെ വിടുതലിനും, ഈ ക്രൂര കൃത്യം ചെയ്ത സുവിശേഷ വിരോധികളുടെ മാനസാന്തരത്തിനായും എല്ലാ പ്രിയ ദൈവമക്കളും ശക്തമായി പ്രാർത്ഥിക്കുവാൻ ദൈവനാമത്തിൽ

അപേക്ഷിക്കുന്നു.എബ്രായർ 11 : 36 – 40 (വിശുദ്ധ ബൈബിൾ)വേറെ ചിലർ പരിഹാസം, ചമ്മട്ടി, ചങ്ങല, തടവു ഇവയാലുള്ള പരീക്ഷ അനുഭവിച്ചു. കല്ലേറു ഏറ്റു, ഈർച്ച വാളാൽ അറുക്കപ്പെട്ടു, പരീക്ഷിക്കപ്പെട്ടു, വാളാൽ കൊല്ലപ്പെട്ടു, ജടയാടുകളുടെയും കോലാടുകളുടെയും തോൽ ധരിച്ചു, ബുദ്ധിമുട്ടും ഉപദ്രവവും കഷ്ടവും സഹിച്ചു, കാടുകളിലും മലകളിലും ഗുഹകളിലും ഭൂമിയുടെ പിളർപ്പുകളിലും ഉഴന്നു വലഞ്ഞു; ലോകം അവർക്കു യോഗ്യമായിരുന്നില്ല. അവർ എല്ലാവരും വിശ്വാസത്താൽ സാക്ഷ്യം ലഭിച്ചിട്ടും വാഗ്ദത്തനിവൃത്തി പ്രാപിച്ചില്ല. അവർ നമ്മെ കൂടാതെ രക്ഷാപൂർത്തി പ്രാപിക്കാതിരിക്കേണ്ടതിന്നു ദൈവം നമുക്കു വേണ്ടി ഏറ്റവും നല്ലതൊന്നു മുൻ കരുതിയിരുന്നു.

വാർത്ത: അനിൽ ജോയി തോമസ്