Top News
റ്റി.പി.എം ചെന്നൈ സാർവ്വദേശീയ കൺവൻഷൻ സമാപിച്ച
![](https://faithtrack.in/wp-content/uploads/2024/03/IMG-20240311-WA0037.jpg)
പൂർണ സമയ സുവിശേഷ വേലക്കായി 35 സഹോദരന്മാരേയും 94 സഹോദരിമാരേയും പുതിയതായി തിരഞ്ഞെടുത്തു.
ചെന്നൈ: ആത്മനിറവിന്റെ അഞ്ച് ദിനങ്ങൾക്ക് ചെന്നൈ ഇരുമ്പല്ലിയൂരിൽ അനുഗ്രഹ സമാപ്തി. ദി പെന്തെക്കൊസ്ത് മിഷൻ സഭയുടെ ഏറ്റവും വലിയ ആത്മീയസംഗമവുമായ ചെന്നൈ സാർവ്വദേശീയ കണ്വൻഷൻ മാർച്ച് 6 മുതൽ 10 വരെ ചെന്നൈ താമ്പരത്തിനു സമീപം ഇരുമ്പല്ലിയൂരിലെ ദി പെന്തെക്കൊസ്ത് മിഷൻ സഭ ആസ്ഥാനത്തു നടന്നു.
വിശ്വസ സമൂഹം ക്രിസ്തുവിന്റെ വീണ്ടും വരവിനായി തിരുവചന പ്രകാരം വിശുദ്ധിയോട് ഒരുങ്ങിയിരിക്കണമെന്ന് ദി പെന്തെക്കൊസ്ത് മിഷൻ ചീഫ് പാസ്റ്റർ എബ്രഹാം മാത്യു പ്രസ്താവിച്ചു. ചെന്നൈ സാർവ്വദേശീയ കൺവൻഷന്റെ സമാപനദിന സംയുക്ത സഭായോഗത്തിൽ ആവർത്തനപുസ്തകം 33: 24, 25 വാക്യങ്ങളെ ആധാരമാക്കി പ്രസംഗിക്കുകയായിരുന്നു അദ്ദേഹം.
പാപം നിറഞ്ഞ ലോകത്തിൽ ദൈവ മക്കൾ പരിശുദ്ധാത്മ നിറവിൽ പുതുക്കം പ്രാപിച്ച ജയ ജീവിതം നയിക്കണമെന്നു പാസ്റ്റർ ഏബ്രഹാം മാത്യു പറഞ്ഞു. വൈകിട്ട് നടന്ന പ്രത്യേക ദൈവിക രോഗശാന്തി ശുശ്രൂഷയിൽ പാസ്റ്റർ എസ് എബ്രഹാം (മുംബൈ) പ്രസംഗിച്ചു. രോഗസൗഖ്യം ലഭിച്ചവർ സാക്ഷ്യങ്ങൾ പങ്കുവെച്ചു. സഭയുടെ സുവിശേഷ പ്രവർത്തകർ സംഗീത ശുശ്രൂഷക്ക് നേതൃത്വം നൽകി.
ഡപ്യൂട്ടി ചീഫ് പാസ്റ്റർ എം.റ്റി തോമസിന്റെ പ്രാർഥനയോടെ ആരംഭിച്ച കൺവൻഷനിൽ പാസ്റ്റർ റോബിൻ ജോഷ്വാ (ഓസ്ട്രേലിയ), പാസ്റ്റർ ഗ്രിഗ് വിൽസൺ (യു.എസ്), അസോസിയേറ്റ് ഡപ്യൂട്ടി ചീഫ് പാസ്റ്റർ ജി.ജെയം, ഡെപ്യൂട്ടി ചീഫ് പാസ്റ്റർ എം.റ്റി തോമസ്, പാസ്റ്റർ ഐ.സാമുവേൽ (ദുബായ്) എന്നിവർ വിവിധ ദിവസങ്ങളിലെ യോഗങ്ങളിൽ പ്രസംഗിച്ചു.
സ്തോത്ര പ്രാർത്ഥന, ബൈബിൾ ക്ലാസ്സ്, പൊതുയോഗം, കാത്തിരിപ്പ് യോഗം, സുവിശേഷ പ്രസംഗം, യുവജന സമ്മേളനം, കുട്ടികൾക്കായുള്ള പ്രത്യേകം യോഗം എന്നിവ നടന്നു.
മാർച്ച് 5, 6 തീയതികളിൽ ശുശ്രൂഷക സമ്മേളനവും മാർച്ച് 11 ന് സഭയുടെ വാർഷിക ജനറൽബോഡിയും പുതിയ ശുശ്രൂഷകരെ തിരഞ്ഞെടുക്കുന്ന ശുശ്രൂഷയും പാസ്റ്റർമാരുടെ ഓർഡിനേഷനും നടന്നു. ഈ വർഷത്തെ കൺവൻഷനിൽ പുതിയതായി 129 പേർ പൂർണ സമയ സുവിശേഷ വേലക്കായി തിരഞ്ഞെടുത്തു. പുതിയതായി 23 പേർക്ക് പാസ്റ്റർമാരായി ഓർഡിനേഷൻ ചെയ്തു. ശിശു പ്രതിഷ്ഠ ശുശ്രൂഷയും നടന്നു.
വിദേശ രാജൃങ്ങളിൽ നിന്നും ഇന്ത്യയുടെ വിവിധ ഭാഗങ്ങളിൽ നിന്നും ശുശ്രൂഷകരും വിശ്വാസികളും കൺവൻഷനിൽ പങ്കെടുത്തു. ചെന്നൈ സാർവ്വദേശീയ കൺവൻഷന്റെയും ദൈവിക രോഗശാന്തി ശുശ്രൂഷയുടെയും അനുഗ്രഹത്തിനായി മുഴു ലോകത്തിലും ഉള്ള റ്റി.പി.എം സഭകളിൽ മാർച്ച് 2 ന് പ്രത്യേക ഉപവാസ പ്രാർത്ഥനയും ചെന്നൈയിലെ സഭ ആസ്ഥാനത്ത് ‘ഗ്രേസ് ഹാളില്’ കണ്വൻഷന്റെ ആരംഭ ദിവസം മുതൽ സമാപന ദിവസം വരെ 24 മണിക്കൂര് പ്രയർ ചെയിനും ഉപവാസ പ്രാർത്ഥനയും നടന്നു.
വാർത്ത: ജെറിൻ ഒറ്റത്തെങ്ങിൽ
![](https://faithtrack.in/wp-content/uploads/2023/02/img2.jpg)
![](https://faithtrack.in/wp-content/uploads/2023/02/img1.jpg)
Top News
പുനലൂർ സെൻ്റർ വുമൺസ് ഫെലോഷിപ്പിന് പുതിയ നേതൃത്വം
![](https://faithtrack.in/wp-content/uploads/2024/07/Blue-And-White-Modern-Minimalist-Supporting-The-Womens-Empowerment-Project_20240724_212108_0000.png)
ഇന്ത്യാ പെന്തക്കോസ്ത് ദൈവസഭ പുനലൂർ സെൻ്റർ വുമൺസ് ഫെലോഷിപ്പിന് പുതിയ ഭരണസമിതിയെ തിരഞ്ഞെടുത്തു.24/07/2024 ബുധൻ രാവിലെ 10.30 ന് പുനലൂർ പേപ്പർമിൽ സീയോൻ സഭയിൽ വച്ച് നടന്ന പൊതുയോഗത്തിൽ സെൻ്റെർ ശുശ്രൂഷകൻ പാസ്റ്റർ ജോസ് കെ ഏബ്രഹാമിൻ്റെ നേതൃത്വത്തിലാണ് സമിതിയെ തിരഞ്ഞെടുത്തത്.
രക്ഷാധികാരി പാസ്റ്റർ ജോസ് കെ ഏബ്രഹാം, സിസ്റ്റർ മിനി ജോസ് പ്രസിഡൻ്റ്, സിസ്റ്റർ ശോശാമ്മ ഏബ്രഹാം വൈസ് പ്രസിഡൻ്റ്, സിസ്റ്റർ സ്മിത ഷിബു സെക്രട്ടറി, സിസ്റ്റർ സാറാ ബാബു ജോയിൻ്റ് സെക്രട്ടറി സിസ്റ്റർ ശാന്തമ്മ കുട്ടപ്പൻ ട്രഷറാർ സിസ്റ്റർ മഞ്ചു ബോബൻ പബ്ളിസിറ്റി കൺവീനർ എന്നിവർ അടങ്ങുന്ന എക്സിക്യൂട്ടീവ് അംഗങ്ങളെ കൂടാതെ സഹോദരിമാരായ മിനി ജോസഫ്, മിനി റോയ്, ഡാർളി ശാമുവേൽ, ബീന ഉണ്ണൂണ്ണി, ലീലാമ്മ ജോസഫ്, ആനി ഷാജൻ, എയ്ഞ്ചൽ ജോൺസൺ ,പ്രീതായശോദരൻ, എലിസബത്ത് ജോസ്, ഉഷാ മധു, സോളി മോനി എന്നിവരെ കമ്മറ്റി അംഗങ്ങളായി തിരഞ്ഞെടുത്തു.
സെൻ്റെർ വുമൺസ് ഫെലോഷിപ്പിന് വേണ്ടി
സിസ്റ്റർ മഞ്ചു ബോബൻ (പബ്ലിസിറ്റി കൺവീനർ)
Top News
വൈപിഇ നേതൃ സമ്മേളനം.
![](https://faithtrack.in/wp-content/uploads/2024/07/FB_IMG_1721148478499.jpg)
മുളക്കുഴ: ചർച്ച് ഓഫ് ഗോഡ് വൈപിഇ സംഘടിപ്പിച്ച നേതൃസമ്മേളനം മുളക്കുഴയിൽ നടന്നു. വൈപിഇ സെൻ്റർ സെക്രട്ടറിമാർ, സോണൽ കമ്മിറ്റി അംഗങ്ങൾ എന്നിവർ പങ്കെടുത്ത നേതൃ സമ്മേളനം ചർച്ച് ഓഫ് ഗോഡ് അസിസ്റ്റൻ്റ് ഓവർസിയർ പാസ്റ്റർ വൈ റെജി ഉത്ഘാടനം ചെയ്തു. വൈപിഇ സ്റ്റേറ്റ് പ്രസിഡൻ്റ് പ്രസിഡൻ്റ് മാത്യു ബേബി അധ്യക്ഷത വഹിച്ചു.
പാസ്റ്റർ ജെയ്സ് പാണ്ടനാട് മുഖ്യ സന്ദേശം നൽകി. സ്റ്റേറ്റ് കൗൺസിൽ സെക്രട്ടറി പാസ്റ്റർ സാംകുട്ടി മാത്യൂ, കൗൺസിൽ അംഗങ്ങളായ പാസ്റ്റർ വൈ മോനി, പാസ്റ്റർ സജി ഏബ്രഹാം, ചർച്ച് ഗ്രോത്ത് മിഷൻ ഡയറക്ടർ പാസ്റ്റർ വൈ ജോസ് , ജോൺസൺ മറ്റത്തുകാല എന്നിവർ ആശംസ അറിയിച്ചു.
വൈപിഇ സ്റ്റേറ്റ് സെക്രട്ടറി രോഹൻ റോയി, പാസ്റ്റർ വി എസ് വൈജു മോൻ, പാസ്റ്റർ ഡെന്നിസ് വർഗ്ഗീസ്, പാസ്റ്റർ ബൈജു തങ്കച്ചൻ,പാസ്റ്റർ പി ജെ ജെയിംസ്, ജെബ്ബേസ് പി സാമുവേൽ, പാസ്റ്റർ ജിൽസ് പി കുര്യൻ, സ്മിത്ത് സാം തുടങ്ങീ ബോർഡ് അംഗങ്ങൾ നേതൃത്വം നൽകി. ബോവസ് പുത്തൂർ ഗാനശുശ്രൂഷ നിർവ്വഹിച്ചു.
Top News
ശാരോൻ ഫെലോഷിപ് ചർച്ച് സണ്ടേസ്കൂൾ അസോസിയേഷൻ പന്ത്രണ്ടാം ക്ലാസ് പൂർത്തിയാക്കിയവരുടെ ബിരുദദാനം നാളെ
![](https://faithtrack.in/wp-content/uploads/2024/07/IMG-20240715-WA0025-scaled.jpg)
തിരുവല്ല:ശാരോൻ ഫെലോഷിപ് ചർച്ചിൻ്റെ സൺഡേ സ്കൂളിൽ പന്ത്രണ്ടു ക്ലാസുകൾ വിജയകരമായി പൂർത്തീകരിച്ച വിദ്യാർഥികളുടെ ബിരുദദാന ശുശ്രൂഷ നാളെ (16-07-2024 ചൊവ്വ) രാവിലെ 09:30 മുതൽ 01:00 വരെ തിരുവല്ല ശാരോൻ ഓഡിറ്റോറിയത്തിൽ വെച്ച് നടക്കും.സണ്ടേസ്കൂൾ അസോസിയേഷൻ ഡയറക്ടർ പാസ്റ്റർ എബ്രഹാം മന്ദമരുതി അധ്യക്ഷത വഹിക്കും. റവ.ജോൺ തോമസ്(ശാരോൻ ഫെലോഷിപ് ചർച്ച് ഇൻ്റർനാഷണൽ പ്രസിഡൻ്റ്),പാസ്റ്റർ ഏബ്രഹാം ജോസഫ്(നാഷണൽ പ്രസിഡൻ്റ്), റെവ.ബോബി എസ് മാത്യു(പ്രൊഫസർ FTS മണക്കാല) എന്നിവർ സന്ദേശം നൽകും. ശിലോഹോം വോയ്സ്,തിരുവല്ല ഗാന ശുശ്രൂഷയ്ക്ക് നേതൃത്വം നൽകും.പ്രീ സ്കൂൾ 1 മുതൽ പന്ത്രണ്ടാം ക്ലാസ് വരെ പൂർത്തിയാക്കിയ 103 വിദ്യാർഥികളാണ് ഗ്രാജുവേഷന് അർഹത നേടിയത്. സണ്ടേസ്കൂൾ എക്സിക്യുട്ടീവ്, ജനറൽ കമ്മറ്റി അംഗങ്ങളും, അധ്യാപകരും, മാതാപിതാക്കളും, പാസ്റ്റർമാരും സംബന്ധിക്കും. ജനറൽ സെക്രട്ടറി ബ്രദർ റോഷി തോമസ്, ട്രഷറർ ബ്രദർ കെ തങ്കച്ചൻ,ജനറൽ കോ ഓർഡിനേറ്റർ പാസ്റ്റർ പി എ ചാക്കോച്ചൻ, പ്രോഗ്രാം കോ ഓർഡിനേറ്റർ പാസ്റ്റർ സനു ജോസഫ് എന്നിവർ നേതൃത്വം നൽകും.
-
Breaking12 months ago
മണിപ്പൂരിനു ഐക്യദാർഢ്യവുമായി വിവിധ ക്രൈസ്തവസഭകൾ ചേർന്ന് തിരുവല്ലയിൽ നൈറ്റ് മാർച്ച് നടത്തി
-
Breaking12 months ago
പത്തനംതിട്ട മേഖലാ പി. വൈ. പി. എ. യുടെ ആഭിമുഖ്യത്തിൽ സമാധാന റാലി
-
Top News12 months ago
പത്ത് മണിക്കൂർ പ്രാർത്ഥന തിരുവല്ലയിൽ
-
Top News11 months ago
ഐപിസി കലയപുരം സെന്റർ സൺഡേ സ്കൂൾ അസോസിയേഷൻ ഭാരവാഹികൾ
-
Breaking10 months ago
ഐപിസി സോദരി സമാജം:ആനി തോമസ് സംസ്ഥാന പ്രസിഡന്റ്;ജയമോള് രാജു സെക്രട്ടറി
-
Breaking8 months ago
ഗൂഗിൾ പേ ഉപയോഗിക്കുന്നവർ ഈ ആപ്പുകൾ ഡിലീറ്റ് ചെയ്യുക, അല്ലങ്കിൽ പണി കിട്ടും.
-
Breaking10 months ago
സി. ജെ. മാനുവേൽ ഉപദേശിയുടെ സംസ്കാരം നാളെ
-
Top News10 months ago
വിധവാ പെൻഷൻ :അപേക്ഷകൾ ക്ഷണിക്കുന്നു.