മണിപ്പൂർ ഐക്യദാർഢ്യ ക്രൈസ്തവ സംഗമം ജൂലൈ 25,ചരിത്ര വിജയം

Published

1 year ago

July 26, 2023

ആയിരങ്ങളെ അണിനിരത്തിപി സി ഐ തിരുവനന്തപുരം ജില്ലാ കമ്മിറ്റി സംഘടിപ്പിച്ച മണിപ്പൂർ ഐക്യദാർഢ്യ ക്രൈസ്തവ റാലി പാളയം രക്തസാക്ഷി മണ്ഡപത്തിൽ നിന്നും സെക്രട്ടറിയേറ്റു പടിക്കലേക്കു നിങ്ങുന്നു.മണിപ്പൂർ ഐക്യദാർഢ്യ ക്രൈസ്തവ സംഗമം.

തിരുവനന്തപുരം: പെന്തക്കോസ്ത് സഭകളുടെ പൊതുവേദിയായ പെന്തക്കോസ്ത് കൗൺസിൽ ഓഫ് ഇന്ത്യ തിരുവനന്തപുരം ജില്ലാ കമ്മിറ്റിയുടെ ആഭിമുഖ്യത്തിൽ 2023 ജൂലൈ 25 ഉച്ചകഴിഞ്ഞ് 3 മണിക്ക് പാളയം രക്തസാക്ഷി മണ്ഡപത്തിൽ നിന്നും ആരംഭിച്ച് സെക്രട്ടറിയേറ്റിൽ സംഗമിക്കുന്ന മണിപ്പൂർ ഐക്യദാർഢ്യ ക്രൈസ്തവ സംഗമം ബഹുമാനപ്പെട്ട സിപിഐഎം ജില്ലാ സെക്രട്ടറി അഡ്വക്കേറ്റ് വി ജോയ് എംഎൽഎ പാളയം രക്തസാക്ഷി മണ്ഡപത്തിൽ ക്രൈസ്തവ റാലി ഉദ്ഘാടനം ചെയ്യുകയും റാലി സെക്രട്ടറിയേറ്റിനു മുൻപിൽ എത്തുമ്പോൾ PCI ജില്ലാ പ്രസിഡണ്ട് പാസ്റ്റർ ജേക്കബ് കുര്യന്റെ അധ്യക്ഷതയിൽ ബഹുമാനപ്പെട്ട പ്രതിപക്ഷ നേതാവ് Adv.വി ഡി സതീശൻ മണിപ്പൂർ ഐക്യദാർഢ്യ ക്രൈസ്തവ സംഗമം ഉദ്ഘാടനം ചെയ്യുന്നതും മണിപ്പൂരിലും വടക്കേ ഇന്ത്യയിലും പീഡനം അനുഭവിക്കുന്ന ക്രൈസ്തവ ജനങ്ങൾക്ക് ഐക്യദാർഢ്യം അർപ്പിച്ചുകൊണ്ട് PCI ജില്ലാ സെക്രട്ടറി പാസ്റ്റർ കെ എ തോമസ് പ്രമേയം അവതരിപ്പിക്കും.

ഐക്യദാർഢ്യ പ്രാർത്ഥന പാ ആർ. എസ് ജോൺ (പി സി ഐ ജില്ലാ ജോ. സെക്രട്ടറി )ലീഡ് ചെയ്യ്തു,ശ്രീ പാലോട് രവി (DCC പ്രസിഡന്റ്‌ )Pr.P.K. ജോസ് (AG മലയാളം ഡിസ്ട്രിക്ട് ട്രഷറർ)Pr.M.P. ജോസഫ്( ഷാരോൺ ഫെലോഷിപ്പ് ചർച്ച റീജിയൻ സെക്രട്ടറി), Pr.D.C. ശമുവേൽ (പ്രസിഡൻറ് ഇന്ത്യൻ പെന്തക്കോസിൽ അസംബ്ലി), Pr.K.A. എബ്രഹാം (സുവിശേഷ പ്രഭാഷകൻ), Pr. ജിജി തേക്കുതോട് (PCI Secretary) Pr. ഷിബു മാത്യു ന്യൂ ഇന്ത്യ ചർച്ച് ഓഫ് ഗോഡ് സ്റ്റേറ്റ് എക്സിക്യൂട്ടീവ്), Pr. സതീഷ് നെൽസൺ ഇൻറർനാഷണൽ സിയോൺ അസംബ്ലി വൈസ് പ്രസിഡൻറ്), Pr.R.C കുഞ്ഞുമോൻ( ജനറൽ സെക്രട്ടറി പെന്തകോസ്ത് മാറാനാഥ ഗോസ്പൽ ചർച്ച്) എന്നിവർ ക്രൈസ്തവ സംഗമത്തെ അഭിസംബോധന ചെയ്ത് സംസാരിച്ചു.. വിവിധസഭാ സംഘടന നേതാക്കൾ പങ്കെടുക്കും.പ്രധാന മന്ത്രിക്കു കൊടുക്കാനുള്ള നിവേദനത്തിന്റെ ഒപ്പുശേഖരണവും പി സി ഐ ജില്ലാ പ്രസിഡന്റ്‌ നിവ്വഹിച്ചു.പാ. വിൽ‌സൺ ഹെൻറി പ്രാർത്ഥിച്ചു പ്രോഗ്രാം കൺവീനർ Pr. ലിജു വിതുര സ്വാഗതവും, പാ ജോസ് ബേബി(ജില്ലാ vic പ്രസിഡന്റ്‌ ) നന്ദിയും പറഞ്ഞു പാ, ക്രിസ്തുദാസ് പ്രാർത്ഥിച്ചു സംഗമഅവസാനിപ്പിച്ചു,ജില്ലാ കമ്മിറ്റി യുടെ കീഴിൽ വിപുലമായ കമ്മിറ്റി പ്രവർത്തിച്ചിരുന്നു.

പുനലൂർ സെൻ്റർ വുമൺസ് ഫെലോഷിപ്പിന് പുതിയ നേതൃത്വം

Published

2 days ago

July 25, 2024

Boban Cleetus

ഇന്ത്യാ പെന്തക്കോസ്ത് ദൈവസഭ പുനലൂർ സെൻ്റർ വുമൺസ് ഫെലോഷിപ്പിന് പുതിയ ഭരണസമിതിയെ തിരഞ്ഞെടുത്തു.24/07/2024 ബുധൻ രാവിലെ 10.30 ന് പുനലൂർ പേപ്പർമിൽ സീയോൻ സഭയിൽ വച്ച് നടന്ന പൊതുയോഗത്തിൽ സെൻ്റെർ ശുശ്രൂഷകൻ പാസ്റ്റർ ജോസ് കെ ഏബ്രഹാമിൻ്റെ നേതൃത്വത്തിലാണ് സമിതിയെ തിരഞ്ഞെടുത്തത്.
രക്ഷാധികാരി പാസ്റ്റർ ജോസ് കെ ഏബ്രഹാം, സിസ്റ്റർ മിനി ജോസ് പ്രസിഡൻ്റ്, സിസ്റ്റർ ശോശാമ്മ ഏബ്രഹാം വൈസ് പ്രസിഡൻ്റ്, സിസ്റ്റർ സ്മിത ഷിബു സെക്രട്ടറി, സിസ്റ്റർ സാറാ ബാബു ജോയിൻ്റ് സെക്രട്ടറി സിസ്റ്റർ ശാന്തമ്മ കുട്ടപ്പൻ ട്രഷറാർ സിസ്റ്റർ മഞ്ചു ബോബൻ പബ്ളിസിറ്റി കൺവീനർ എന്നിവർ അടങ്ങുന്ന എക്സിക്യൂട്ടീവ് അംഗങ്ങളെ കൂടാതെ സഹോദരിമാരായ മിനി ജോസഫ്, മിനി റോയ്, ഡാർളി ശാമുവേൽ, ബീന ഉണ്ണൂണ്ണി, ലീലാമ്മ ജോസഫ്, ആനി ഷാജൻ, എയ്ഞ്ചൽ ജോൺസൺ ,പ്രീതായശോദരൻ, എലിസബത്ത് ജോസ്, ഉഷാ മധു, സോളി മോനി എന്നിവരെ കമ്മറ്റി അംഗങ്ങളായി തിരഞ്ഞെടുത്തു.

സെൻ്റെർ വുമൺസ് ഫെലോഷിപ്പിന് വേണ്ടി
സിസ്റ്റർ മഞ്ചു ബോബൻ (പബ്ലിസിറ്റി കൺവീനർ)

വൈപിഇ നേതൃ സമ്മേളനം.

Published

2 weeks ago

July 16, 2024

Boban Cleetus

മുളക്കുഴ: ചർച്ച് ഓഫ് ഗോഡ് വൈപിഇ സംഘടിപ്പിച്ച നേതൃസമ്മേളനം മുളക്കുഴയിൽ നടന്നു. വൈപിഇ സെൻ്റർ സെക്രട്ടറിമാർ, സോണൽ കമ്മിറ്റി അംഗങ്ങൾ എന്നിവർ പങ്കെടുത്ത നേതൃ സമ്മേളനം ചർച്ച് ഓഫ് ഗോഡ് അസിസ്റ്റൻ്റ് ഓവർസിയർ പാസ്റ്റർ വൈ റെജി ഉത്ഘാടനം ചെയ്തു. വൈപിഇ സ്റ്റേറ്റ് പ്രസിഡൻ്റ് പ്രസിഡൻ്റ് മാത്യു ബേബി അധ്യക്ഷത വഹിച്ചു.

പാസ്റ്റർ ജെയ്സ് പാണ്ടനാട് മുഖ്യ സന്ദേശം നൽകി. സ്റ്റേറ്റ് കൗൺസിൽ സെക്രട്ടറി പാസ്റ്റർ സാംകുട്ടി മാത്യൂ, കൗൺസിൽ അംഗങ്ങളായ പാസ്റ്റർ വൈ മോനി, പാസ്റ്റർ സജി ഏബ്രഹാം, ചർച്ച് ഗ്രോത്ത് മിഷൻ ഡയറക്ടർ പാസ്റ്റർ വൈ ജോസ് , ജോൺസൺ മറ്റത്തുകാല എന്നിവർ ആശംസ അറിയിച്ചു.

വൈപിഇ സ്റ്റേറ്റ് സെക്രട്ടറി രോഹൻ റോയി, പാസ്റ്റർ വി എസ് വൈജു മോൻ, പാസ്റ്റർ ഡെന്നിസ് വർഗ്ഗീസ്, പാസ്റ്റർ ബൈജു തങ്കച്ചൻ,പാസ്റ്റർ പി ജെ ജെയിംസ്, ജെബ്ബേസ് പി സാമുവേൽ, പാസ്റ്റർ ജിൽസ് പി കുര്യൻ, സ്മിത്ത് സാം തുടങ്ങീ ബോർഡ് അംഗങ്ങൾ നേതൃത്വം നൽകി. ബോവസ് പുത്തൂർ ഗാനശുശ്രൂഷ നിർവ്വഹിച്ചു.

ശാരോൻ ഫെലോഷിപ് ചർച്ച് സണ്ടേസ്കൂൾ അസോസിയേഷൻ പന്ത്രണ്ടാം ക്ലാസ് പൂർത്തിയാക്കിയവരുടെ ബിരുദദാനം നാളെ

Published

2 weeks ago

July 15, 2024

Boban Cleetus

തിരുവല്ല:ശാരോൻ ഫെലോഷിപ് ചർച്ചിൻ്റെ സൺഡേ സ്കൂളിൽ പന്ത്രണ്ടു ക്ലാസുകൾ വിജയകരമായി പൂർത്തീകരിച്ച വിദ്യാർഥികളുടെ ബിരുദദാന ശുശ്രൂഷ നാളെ (16-07-2024 ചൊവ്വ) രാവിലെ 09:30 മുതൽ 01:00 വരെ തിരുവല്ല ശാരോൻ ഓഡിറ്റോറിയത്തിൽ വെച്ച് നടക്കും.സണ്ടേസ്കൂൾ അസോസിയേഷൻ ഡയറക്ടർ പാസ്റ്റർ എബ്രഹാം മന്ദമരുതി അധ്യക്ഷത വഹിക്കും. റവ.ജോൺ തോമസ്(ശാരോൻ ഫെലോഷിപ് ചർച്ച് ഇൻ്റർനാഷണൽ പ്രസിഡൻ്റ്),പാസ്റ്റർ ഏബ്രഹാം ജോസഫ്(നാഷണൽ പ്രസിഡൻ്റ്), റെവ.ബോബി എസ് മാത്യു(പ്രൊഫസർ FTS മണക്കാല) എന്നിവർ സന്ദേശം നൽകും. ശിലോഹോം വോയ്സ്,തിരുവല്ല ഗാന ശുശ്രൂഷയ്ക്ക് നേതൃത്വം നൽകും.പ്രീ സ്കൂൾ 1 മുതൽ പന്ത്രണ്ടാം ക്ലാസ് വരെ പൂർത്തിയാക്കിയ 103 വിദ്യാർഥികളാണ് ഗ്രാജുവേഷന് അർഹത നേടിയത്. സണ്ടേസ്കൂൾ എക്സിക്യുട്ടീവ്, ജനറൽ കമ്മറ്റി അംഗങ്ങളും, അധ്യാപകരും, മാതാപിതാക്കളും, പാസ്റ്റർമാരും സംബന്ധിക്കും. ജനറൽ സെക്രട്ടറി ബ്രദർ റോഷി തോമസ്, ട്രഷറർ ബ്രദർ കെ തങ്കച്ചൻ,ജനറൽ കോ ഓർഡിനേറ്റർ പാസ്റ്റർ പി എ ചാക്കോച്ചൻ, പ്രോഗ്രാം കോ ഓർഡിനേറ്റർ പാസ്റ്റർ സനു ജോസഫ് എന്നിവർ നേതൃത്വം നൽകും.