Breaking

അടിയന്തര സൂം പ്രാർത്ഥനാ സമ്മേളനം ജനു.10

Published

9 months ago

January 7, 2023

ന്യൂഡൽഹി: ഉത്തരേന്ത്യയിലുടനീളവും ദക്ഷിണേന്ത്യയിൽ പല സംസ്ഥാനങ്ങളിലും സുവിശേഷ പ്രവർത്തകർ സമാനതകളില്ലാത്ത പ്രയാസങ്ങളിലുടെ കടന്നു പോകുന്നു. നാം കേൾക്കുന്ന റിപ്പോർട്ടുകൾ ഞെട്ടിക്കുന്നവയാണ്. പോക്സോ അടക്കം വ്യാജമായ നിരവധി കേസുകൾ, ശാരീരിക ഉപദ്രവങ്ങൾ, ദുരൂഹമെന്ന് സംശയിക്കത്തക്ക വാഹനാപകടങ്ങൾ, സുവിശേഷകർക്കെതിരെ കെട്ടിച്ചമച്ച കഥകൾ ബോധപൂർവ്വം പ്രചരിക്കപ്പെടുന്നത് , ചിലർ പോലീസ് കസ്റ്റഡിയും ജയിലും ദീർഘനാളുകൾ കഴിയേണ്ടിവരുന്നത്. പലർക്കും മനുഷ്യാവകാശം പോലുംനിഷേധിക്കപ്പെടുന്നത്.നിരപരാധികൾക്ക് എതിരെ പല കോടതികളിലും കേസുകൾ വർദ്ധിക്കുന്നത്.ഇന്ന് ഇവയൊക്കെ സർവ്വ സാധാരണമായി മാറിക്കൊണ്ടിരിക്കുന്നു.നാം ഒത്തുകൂടിയേ തീരൂ.ആദിമ നൂറ്റാണ്ടിലെ സഭ പ്രതിസന്ധികളിൽ ഒരുമിച്ച് പ്രാർത്ഥിച്ചതു പോലെ ലോകത്തിൻ്റെ വിവിധ ഭാഗങ്ങളിൽ നിന്ന് ദൈവജനം സൂംപ്ലാറ്റ് ഫോമിൽ ഒത്തുകൂടി പ്രാർത്ഥിക്കുന്നു.ഭാരതത്തിലെ പ്രധാന സംഘടനകളിലെ ലീഡേഴ്സ് ലൈവിൽ വന്ന് വിവരങ്ങൾ പങ്ക് വയ്ക്കുന്നു.2023 ജനുവരി 10 ചൊവ്വാഴ്ച്ച വൈകിട്ട് 7ന് സൂം പ്ലാറ്റ് ഫോമിലാണ് സമ്മേളനം.Zoom Meeting ID : 849 5859 2950Passcode : 1Join Zoom Link – സൂം ലിങ്ക്https://us02web.zoom.us/j/84958592950?pwd=V0lmWFRRL0R6Tm56QTdRUHNoMWI3QT09വിവിധ സഭകളുടെ സഹകരണത്തിൽ നടക്കുന്ന ഈ പ്രാർത്ഥനാ സമ്മേളത്തിൻ്റെ സംഘാടകരായി ജോൺ എം.തോമസ് ഡൽഹി , കെ.ജെ. ജോബ് വയനാട് എന്നിവരാണ് പ്രവർത്തിക്കുന്നത്.വിവരങ്ങൾക്ക് ഫോൺ: 9911053031, 815708 9397.

Breaking

കേരളാ സംസ്ഥാന പി വൈ പി എ യുടെ ‘നിറവ് 2023’ നാളെ കൊട്ടാരക്കരയിൽ

Published

1 week ago

September 27, 2023

Boban Cleetus

കൊട്ടാരക്കര: കേരളാ സംസ്ഥാന പി. വൈ. പി. എ. വിവിധ മേഖലകളുമായി സഹകരിച്ച് നടത്തി വരുന്ന നിറവ് 2023 എന്ന ആത്മീയ സംഗമം നാളെ കൊട്ടാരക്കരയിൽ. കൊട്ടാരക്കര മേഖല പി. വൈ. പി. എ യുടെ സഹകരണത്തോടെ, നാളെ രാവിലെ 9 മണി മുതൽ വൈകിട്ട് 6 വരെ കൊട്ടാരക്കര കേരളാ തിയോളജിക്കൽ സെമിനാരിയിൽ വെച്ചാണ് നിറവ് നടത്തപ്പെടുന്നത്.ആത്മശക്തിയാൽ നിറയുവാനും കൃപാവരങ്ങൾ പ്രാപിക്കുവാനും കർത്താവിനെ ആത്മാവിൽ ആരാധിക്കുവാനും ദൈവ വചനത്തിന്റെ ആഴങ്ങൾ ഗ്രഹിക്കുവാനുമുള്ള അസുലഭ നിമിഷങ്ങൾ നിറഞ്ഞ ഒൻപത് മണിക്കൂറുകളാണ് നിറവിൻ്റെ പ്രത്യേകത.നാളെ നടക്കുന്ന ആത്മീയ സംഗമത്തിൽ പാസ്റ്റർ ബെഞ്ചമിൻ വർഗീസ്, പാസ്റ്റർ സാം ജോർജ്, പാസ്റ്റർ റെജി ശാസ്താംകോട്ട, പാസ്റ്റർ അനീഷ് കാവാലം, പാസ്റ്റർ അനീഷ് കൊല്ലം, പാസ്റ്റർ മനോജ് കുഴിക്കാല, ബ്രദർ ജോൺ മാത്യു എന്നിവർ ദൈവവചനം സംസാരിക്കും. പാസ്റ്റർ വിൽസൺ സാമുവേൽ, ബ്രദർ ജോൺസൺ ഡേവിഡ്, ബ്രദർ ബിജോയ് തമ്പി, ബ്രദർ സ്റ്റാൻലി സാം വയല, ബ്രദർ സൈലസ് കെ. ദേവസ്യ, ബ്രദർ ബ്ലെസ്സൻ കെ. ആർ., ബ്രദർ ജോസ് കലയപുരം, സിസ്റ്റർ ഇവാജ്ഞലിൻ ജോൺസൺ മേമന എന്നിവർ ആരാധനയ്ക്ക് നേതൃത്വം നൽകും.

Breaking

യുവജന സമ്മേളനങ്ങൾ

Published

2 weeks ago

September 20, 2023

Mathew John

തിരുവല്ല: എക്സൽ മിനിസ്ട്രീസിന്റെ യുവജന വിഭാഗമായ എക്സൽ യൂത്തും പ്രമുഖ ക്രൈസ്തവ മാസികയായ ഹാലേലുയ്യയും ചേർന്ന് ഒരുക്കുന്ന “സഫല്‍” “ഫലമുള്ളവരാകുക” എന്ന പേരിൽ കേരളത്തിലെ 14 ജില്ലകളിൽ യുവജനങ്ങളുടെ ആത്മീക മുന്നേറ്റത്തിന് വേണ്ടി ഏകദിന യുവജന ക്യാമ്പുകൾ നടക്കുന്നു. പ്രസ്തുത മീറ്റിങ്ങുകളിൽ യുവജനങ്ങൾക്കുള്ള പ്രത്യേക കൗൺസിലിംഗ്, തീരുമാനങ്ങൾ എടുക്കുമ്പോൾ അറിയേണ്ട കാര്യങ്ങൾ, ലഹരിക്കെതിരെ ജാഗ്രത, പ്രണയചതിക്കുഴികൾ തുടങ്ങിയ വിഷയങ്ങളെപ്പറ്റി പ്രഗൽഭരായവർ ക്ലാസുകൾ നയിക്കുന്നു. 15 വയസ്സിനും 30 വയസ്സിനും ഇടയിൽ പ്രായമുള്ളവർക്ക് മുൻകൂട്ടി രജിസ്റ്റർ ചെയ്ത പങ്കെടുക്കാവുന്നതാണ്.

കോട്ടയം ജില്ലയിലെ യുവജനങ്ങൾക്ക് വേണ്ടി 2023 സെപ്റ്റംബർ 27 ാം തീയതി ബുധനാഴ്ച രാവിലെ 9.30 മുതൽ വൈകിട്ട് 4 മണി വരെ കോട്ടയം സുവാർത്ത ചർച്ചിൽ വച്ച് നടത്തപ്പെടുന്നു. വർക്കി എബ്രഹാം കാച്ചാണത്ത് ഉത്ഘാടനം നിർവ്വഹിക്കും. പാസ്റ്റർ ബിനു വടശേരിക്കര, ഗ്ലാഡ്സൻ ജയിംസ് എന്നിവർ ക്ലാസുകൾ നയിക്കും. ജസ്റ്റിൻ ജോസ് ആരാധനക്കു നേതൃത്വം നല്കും. കൂടുതൽ വിവരങ്ങൾക്ക്. 95444 63176

Breaking

പ്രശസ്ത സുവിശേഷകൻ ആർച്ചൽ രാജപ്പൻ ഉപദേശി നിത്യതയിൽ

Published

2 weeks ago

September 17, 2023

Mathew John

പുനലൂർ: കർത്താവിൽ പ്രസിദ്ധനായ സുവിശേഷകൻ രാജപ്പൻ ഉപദേശി എന്നറിയപ്പെടുന്ന ആർച്ചൽ ചരുവിള പുത്തൻ വീട്ടിൽ S. രാജപ്പൻ ഉപദേശി (72) നിത്യതയിൽ ചേർക്കപ്പെട്ടു. കുറച്ചു നാളുകളായി ശാരീരിക അസ്വസ്ഥതകൾ കാരണം ചികിത്സയിലായിരുന്നു. ഇന്നലെ (17/09/2023, ഞായറാഴ്ച) വൈകിട്ട് 6:30 ന് നിത്യതയിൽ ചേർക്കപ്പെട്ടു. ഐ. പി. സി. അയലറ വെസ്റ്റ് ബേത്-ലഹേം സഭാംഗമാണ്.

ഭാര്യ: കുഞ്ഞുമോൾ
മക്കൾ: ബിന്ദു, ബീന, രാജേഷ്
മരുമക്കൾ: അനി, അനിൽ, സുസ്മിത

45 വർഷങ്ങളിലധികം സുവിശേഷ വേലയിലായിരുന്നു. സുവിശേഷത്തിനു വേണ്ടി ലജ്ജയില്ലാതെ പ്രവർത്തിക്കുക എന്നതായിരുന്നു അദ്ദേഹത്തിൻ്റെ ശൈലി. അതേ ശൈലിയിലൂടെ അനേകരെ യേശുക്രിസ്തുവിൻ്റെ സ്നേഹത്തിലേക്ക് നയിക്കുവാൻ അദ്ദേഹത്തിന് കഴിഞ്ഞിട്ടുണ്ട്.

സംസ്കാര ശുശ്രൂഷ ഇന്ന് (18/09/2023, തിങ്കളാഴ്ച) മൂന്നിന് പ്ലാച്ചേരി സെമിത്തേരിയിൽ.