ഐപിസി മേഖല സണ്‍ഡേസ്‌കൂള്‍: ജോജി ഐപ്പ് മാത്യൂസ് പ്രസിഡൻ്റ്, പി.പി.ജോൺ സെക്രട്ടറി

Published

2 years ago

September 19, 2022

കുമ്പനാട് : ഇന്ത്യ പെന്തക്കോസ്ത് ദൈവസഭ സണ്‍ഡേസ്‌കൂള്‍സ് അസോസിയേഷന്‍ മേഖല പ്രസിഡന്റായി ജോജി ഐപ്പ് മാത്യൂസും (തിരുവല്ല) സെക്രട്ടറിയായി പി.പി.ജോണും (കുമ്പനാട്) തിരഞ്ഞെടുക്കപ്പെട്ടു. ബാബു വി.സിയാണ് (കറുകച്ചാല്‍) ട്രഷറര്‍. മറ്റു ഭാരവാഹികള്‍: പാസ്റ്റര്‍ ഏബ്രഹാം പി.ജോണ്‍ – ചങ്ങനാശേരി ഈസ്റ്റ് (വൈസ് പ്രസിഡന്റ്), പാസ്റ്റര്‍ ജോസ് വര്‍ഗീസ് – കുമ്പനാട് (ജോയിന്റ് സെക്രട്ടറി).കുമ്പനാട്, തിരുവല്ല, മല്ലപ്പള്ളി, പന്തളം, പുന്നവേലി, കറുകച്ചാല്‍, ചങ്ങനാശേരി ഈസ്റ്റ്, വെസ്റ്റ്, കുമ്പനാട്, ചാലാപ്പള്ളി എന്നീ സെന്ററുകള്‍ ഉള്‍പ്പെട്ടതാണ് കുമ്പനാട് മേഖല.പ്രസിഡന്റായി തിരഞ്ഞെടുക്കപ്പെട്ട ജോജി ഐപ്പ് മാത്യൂസ് തിരുവല്ല സെന്ററിലെ മേപ്രാല്‍ സഭാംഗവും മാധ്യമപ്രവര്‍ത്തകനുമാണ്. ഐ.പി.സി സണ്‍ഡേസ്‌കൂള്‍ സെന്റര്‍, മേഖല സെക്രട്ടറി, ഡെപ്യൂട്ടി സൂപ്രണ്ട്, കേന്ദ്ര അസോസിയേറ്റ് സെക്രട്ടറി, പി.വൈ.പി.എ സ്റ്റേറ്റ് വൈസ് പ്രസിഡന്റ് എന്നീ നിലകളില്‍ പ്രവര്‍ത്തിച്ചിട്ടുണ്ട്. സഭാ സ്റ്റേറ്റ് കൗണ്‍സില്‍ അംഗമാണ്. സെക്രട്ടറിയായ പി.പി.ജോണ്‍ ഓതറ ഫിലദെല്‍ഫ്യ സഭാംഗമാണ്. വിദ്യാഭ്യാസ വകുപ്പില്‍ ഉദ്യോഗസ്ഥനായിരുന്നു. സഭാ കൗണ്‍സില്‍ അംഗമായും മേഖല സെക്രട്ടറി, ട്രഷറര്‍ എന്നീ നിലകളിലും പ്രവര്‍ത്തിച്ചിട്ടുണ്ട്. സ്റ്റേറ്റ് അസോസിയേറ്റ് സെക്രട്ടറിയാണ്. ട്രഷറാറായ ബാബു വി.സി കറുകച്ചാല്‍ സെന്ററിലെ കണിച്ചുകുളം സഭാംഗമാണ്. കറുകച്ചാല്‍ സെന്റര്‍ ട്രഷറര്‍ ആണ്. വൈസ് പ്രസിഡന്റായ പാസ്റ്റര്‍ ഏബ്രഹാം പി. ജോണ്‍ ചങ്ങനാശേരി ഈസ്റ്റ് സെന്ററിലെ മാടപ്പള്ളി ബഥേല്‍ സഭയുടെ പാസ്റ്ററാണ്. ജോയിന്റ് സെക്രട്ടറിയായ പാസ്റ്റര്‍ ജോസ് വര്‍ഗീസ് കുമ്പനാട് സെന്റര്‍ സെക്രട്ടറിയും കിടങ്ങന്നൂര്‍ എബനേസര്‍ സഭയുടെ പാസ്റ്ററുമാണ്.വാര്‍ഷിക സമ്മേളനത്തില്‍ പാസ്റ്റര്‍ എം.മാത്യു അധ്യക്ഷത വഹിച്ചു. സ്റ്റേറ്റ് കമ്മറ്റി അംഗം പാസ്റ്റര്‍ സാംകുട്ടി ജോണ്‍ ചിറ്റാര്‍ റിട്ടേണിങ്ങ് ഓഫീസര്‍ ആയിരുന്നു.

പുനലൂർ സെൻ്റർ വുമൺസ് ഫെലോഷിപ്പിന് പുതിയ നേതൃത്വം

Published

2 days ago

July 25, 2024

Boban Cleetus

ഇന്ത്യാ പെന്തക്കോസ്ത് ദൈവസഭ പുനലൂർ സെൻ്റർ വുമൺസ് ഫെലോഷിപ്പിന് പുതിയ ഭരണസമിതിയെ തിരഞ്ഞെടുത്തു.24/07/2024 ബുധൻ രാവിലെ 10.30 ന് പുനലൂർ പേപ്പർമിൽ സീയോൻ സഭയിൽ വച്ച് നടന്ന പൊതുയോഗത്തിൽ സെൻ്റെർ ശുശ്രൂഷകൻ പാസ്റ്റർ ജോസ് കെ ഏബ്രഹാമിൻ്റെ നേതൃത്വത്തിലാണ് സമിതിയെ തിരഞ്ഞെടുത്തത്.
രക്ഷാധികാരി പാസ്റ്റർ ജോസ് കെ ഏബ്രഹാം, സിസ്റ്റർ മിനി ജോസ് പ്രസിഡൻ്റ്, സിസ്റ്റർ ശോശാമ്മ ഏബ്രഹാം വൈസ് പ്രസിഡൻ്റ്, സിസ്റ്റർ സ്മിത ഷിബു സെക്രട്ടറി, സിസ്റ്റർ സാറാ ബാബു ജോയിൻ്റ് സെക്രട്ടറി സിസ്റ്റർ ശാന്തമ്മ കുട്ടപ്പൻ ട്രഷറാർ സിസ്റ്റർ മഞ്ചു ബോബൻ പബ്ളിസിറ്റി കൺവീനർ എന്നിവർ അടങ്ങുന്ന എക്സിക്യൂട്ടീവ് അംഗങ്ങളെ കൂടാതെ സഹോദരിമാരായ മിനി ജോസഫ്, മിനി റോയ്, ഡാർളി ശാമുവേൽ, ബീന ഉണ്ണൂണ്ണി, ലീലാമ്മ ജോസഫ്, ആനി ഷാജൻ, എയ്ഞ്ചൽ ജോൺസൺ ,പ്രീതായശോദരൻ, എലിസബത്ത് ജോസ്, ഉഷാ മധു, സോളി മോനി എന്നിവരെ കമ്മറ്റി അംഗങ്ങളായി തിരഞ്ഞെടുത്തു.

സെൻ്റെർ വുമൺസ് ഫെലോഷിപ്പിന് വേണ്ടി
സിസ്റ്റർ മഞ്ചു ബോബൻ (പബ്ലിസിറ്റി കൺവീനർ)

വൈപിഇ നേതൃ സമ്മേളനം.

Published

1 week ago

July 16, 2024

Boban Cleetus

മുളക്കുഴ: ചർച്ച് ഓഫ് ഗോഡ് വൈപിഇ സംഘടിപ്പിച്ച നേതൃസമ്മേളനം മുളക്കുഴയിൽ നടന്നു. വൈപിഇ സെൻ്റർ സെക്രട്ടറിമാർ, സോണൽ കമ്മിറ്റി അംഗങ്ങൾ എന്നിവർ പങ്കെടുത്ത നേതൃ സമ്മേളനം ചർച്ച് ഓഫ് ഗോഡ് അസിസ്റ്റൻ്റ് ഓവർസിയർ പാസ്റ്റർ വൈ റെജി ഉത്ഘാടനം ചെയ്തു. വൈപിഇ സ്റ്റേറ്റ് പ്രസിഡൻ്റ് പ്രസിഡൻ്റ് മാത്യു ബേബി അധ്യക്ഷത വഹിച്ചു.

പാസ്റ്റർ ജെയ്സ് പാണ്ടനാട് മുഖ്യ സന്ദേശം നൽകി. സ്റ്റേറ്റ് കൗൺസിൽ സെക്രട്ടറി പാസ്റ്റർ സാംകുട്ടി മാത്യൂ, കൗൺസിൽ അംഗങ്ങളായ പാസ്റ്റർ വൈ മോനി, പാസ്റ്റർ സജി ഏബ്രഹാം, ചർച്ച് ഗ്രോത്ത് മിഷൻ ഡയറക്ടർ പാസ്റ്റർ വൈ ജോസ് , ജോൺസൺ മറ്റത്തുകാല എന്നിവർ ആശംസ അറിയിച്ചു.

വൈപിഇ സ്റ്റേറ്റ് സെക്രട്ടറി രോഹൻ റോയി, പാസ്റ്റർ വി എസ് വൈജു മോൻ, പാസ്റ്റർ ഡെന്നിസ് വർഗ്ഗീസ്, പാസ്റ്റർ ബൈജു തങ്കച്ചൻ,പാസ്റ്റർ പി ജെ ജെയിംസ്, ജെബ്ബേസ് പി സാമുവേൽ, പാസ്റ്റർ ജിൽസ് പി കുര്യൻ, സ്മിത്ത് സാം തുടങ്ങീ ബോർഡ് അംഗങ്ങൾ നേതൃത്വം നൽകി. ബോവസ് പുത്തൂർ ഗാനശുശ്രൂഷ നിർവ്വഹിച്ചു.

ശാരോൻ ഫെലോഷിപ് ചർച്ച് സണ്ടേസ്കൂൾ അസോസിയേഷൻ പന്ത്രണ്ടാം ക്ലാസ് പൂർത്തിയാക്കിയവരുടെ ബിരുദദാനം നാളെ

Published

2 weeks ago

July 15, 2024

Boban Cleetus

തിരുവല്ല:ശാരോൻ ഫെലോഷിപ് ചർച്ചിൻ്റെ സൺഡേ സ്കൂളിൽ പന്ത്രണ്ടു ക്ലാസുകൾ വിജയകരമായി പൂർത്തീകരിച്ച വിദ്യാർഥികളുടെ ബിരുദദാന ശുശ്രൂഷ നാളെ (16-07-2024 ചൊവ്വ) രാവിലെ 09:30 മുതൽ 01:00 വരെ തിരുവല്ല ശാരോൻ ഓഡിറ്റോറിയത്തിൽ വെച്ച് നടക്കും.സണ്ടേസ്കൂൾ അസോസിയേഷൻ ഡയറക്ടർ പാസ്റ്റർ എബ്രഹാം മന്ദമരുതി അധ്യക്ഷത വഹിക്കും. റവ.ജോൺ തോമസ്(ശാരോൻ ഫെലോഷിപ് ചർച്ച് ഇൻ്റർനാഷണൽ പ്രസിഡൻ്റ്),പാസ്റ്റർ ഏബ്രഹാം ജോസഫ്(നാഷണൽ പ്രസിഡൻ്റ്), റെവ.ബോബി എസ് മാത്യു(പ്രൊഫസർ FTS മണക്കാല) എന്നിവർ സന്ദേശം നൽകും. ശിലോഹോം വോയ്സ്,തിരുവല്ല ഗാന ശുശ്രൂഷയ്ക്ക് നേതൃത്വം നൽകും.പ്രീ സ്കൂൾ 1 മുതൽ പന്ത്രണ്ടാം ക്ലാസ് വരെ പൂർത്തിയാക്കിയ 103 വിദ്യാർഥികളാണ് ഗ്രാജുവേഷന് അർഹത നേടിയത്. സണ്ടേസ്കൂൾ എക്സിക്യുട്ടീവ്, ജനറൽ കമ്മറ്റി അംഗങ്ങളും, അധ്യാപകരും, മാതാപിതാക്കളും, പാസ്റ്റർമാരും സംബന്ധിക്കും. ജനറൽ സെക്രട്ടറി ബ്രദർ റോഷി തോമസ്, ട്രഷറർ ബ്രദർ കെ തങ്കച്ചൻ,ജനറൽ കോ ഓർഡിനേറ്റർ പാസ്റ്റർ പി എ ചാക്കോച്ചൻ, പ്രോഗ്രാം കോ ഓർഡിനേറ്റർ പാസ്റ്റർ സനു ജോസഫ് എന്നിവർ നേതൃത്വം നൽകും.