Breaking

പാസ്റ്റർ ഷിബു നെടുവേലിയുടെ മറുപടി

Published

2 years ago

November 8, 2021

കഴിഞ്ഞ 35 വർഷമായി ഞാൻ ഇന്ത്യാ പെന്തക്കോസ്ത് ദൈവസഭയുടെ ഒരു ശുശ്രൂഷകനാണ് കഴിഞ്ഞ ചില ദിവസങ്ങളായി എൻ്റേതായി സമൂഹമാധ്യമങ്ങളിൽ പ്രചരിക്കുന്ന ഓഡിയോ ക്ലിപ്പുകൾ എൻ്റെ ശ്രദ്ധയിൽ പെട്ടു. ദൈവനാമത്തിൽ ഞാനൊരു കാര്യം ഓർപ്പിക്കട്ടെ, എൻ്റെ മൂന്നര പതിറ്റാണ്ട് പിന്നിടുന്ന ശുശ്രൂഷാ കാലയളവിൽ മനപൂർവ്വമായി വ്യക്തികളേയോ, സഭയേയോ ജാതീയമായോ, വർഗ്ഗീയമായോ മറ്റേതെങ്കിലും തരത്തിലോ അധിക്ഷേപിക്കുന്ന പ്രവണത എൻ്റെ ഭാഗത്തുനിന്നും ഉണ്ടയിട്ടില്ലെന്ന് തികഞ്ഞ പ്രാഗൽഭ്യത്തോടെ ഞാൻ പറയുന്നു.എന്നാൽ പലരുടേയും ചോദ്യത്തിനു മറുപടിയായി എനിക്ക് വസ്തുതകൾ സംസാരിക്കേണ്ടതായും വന്നിട്ടുണ്ട്. ഇപ്പോൾ ചില കേന്ദ്രങ്ങൾ പ്രചരിപ്പിക്കുന്ന ഈ ക്ലിപ്പുകളുടെ ഉദ്ദേശം അടുത്തതായി വരുന്ന തിരഞ്ഞെടുപ്പിൽ നിന്നും, നേതൃസ്ഥാനത്തു നിന്നും എന്നെ മാറ്റി നിർത്തുവാനുള്ള ചില കേന്ദ്രങ്ങളുടെ ഗൂഢശ്രമങ്ങളാണെന്ന് ഞാൻ മനസിലാകുന്നു. ഈ ദിവസങ്ങളിൽ എന്നെ സ്നേഹിക്കുന്ന അനേക ദൈവദാസൻമാരും, വിശ്വാസികളും ഇതിൻ്റെ നിജസ്ഥിതി അറിയുവാൻ എന്നെ ബന്ധപ്പെടുന്നുണ്ട്. ഈ ശബ്ദരേഖയെ തെറ്റി ധരിച്ച് ആർക്കെങ്കിലും പ്രയാസം ഉണ്ടായിട്ടുണ്ടെങ്കിൽ ദൈവനാമത്തിൽ ഖേദം പ്രകടിപ്പിക്കുകയും, ഈ വിഷയം വിട്ടു കളയേണം എന്നും ഞാൻ അപേക്ഷിക്കുന്നു. ദൈവം എനിക്ക് തരുന്ന ആയുസിൻ്റെ നാളോളം നിങ്ങളോടൊപ്പം എന്നും ഞാനുണ്ടാകും. എന്നേയും, എൻ്റെ ശുശ്രൂഷയേയും ഓർത്ത് പ്രാർത്ഥിക്കേണം എന്ന്പാസ്റ്റർ. ഷിബു നെടുവേലിൽ മാരാമൺ

Breaking

ഐപിസി സോദരി സമാജം:ആനി തോമസ് സംസ്ഥാന പ്രസിഡന്റ്;ജയമോള്‍ രാജു സെക്രട്ടറി

Published

2 months ago

October 11, 2023

Boban Cleetus

കുമ്പനാട്: ഇന്ത്യ പെന്തക്കോസ്ത് ദൈവസഭ സോദരി സമാജം സംസ്ഥാന പ്രസിഡന്റായി ആനി തോമസും (ആലപ്പുഴ) സെക്രട്ടറിയായി ജയമോള്‍ രാജുവും (പത്തനംതിട്ട) തിരഞ്ഞെടുക്കപ്പെട്ടു.
മറ്റു ഭാരവാഹികള്‍: ആലീസ് ജോണ്‍ റിച്ചാര്‍ഡ് കൊല്ലം, ഗീതമ്മ സ്റ്റീഫന്‍ കോട്ടയം (വൈസ് പ്രസിഡന്റുമാര്‍), ലിസി വര്‍ഗീസ് മലപ്പുറം, സൂസന്‍ ജോണ്‍ തിരുവന്തപുരം (ജോയിന്റ് സെക്രട്ടറിമാര്‍), ജോയമ്മ ബേബി പത്തനംതിട്ട (ട്രഷറര്‍).
ചൊവ്വാഴ്ച്ച (10) ജനറല്‍ബോഡിയോടനുബന്ധിച്ച് വോട്ടെടുപ്പ് നടന്നു. ഇന്നലെ (ബുധന്‍) വോട്ടെണ്ണിയാണ് ഫലപ്രഖ്യാപനം നടത്തിയത്. ജെയിംസ് ജോര്‍ജ്ജ് വേങ്ങൂര്‍ (ഇലക്ഷന്‍ കമ്മീഷണര്‍), ജോജി ഐപ്പ് മാത്യൂസ്, സജി മത്തായി കാതേട്ട് (റിട്ടേണിങ്ങ് ഓഫീസര്‍മാര്‍) എന്നിവര്‍ തിരഞ്ഞെടുപ്പ് ക്രമീകരണങ്ങള്‍ക്ക് നേതൃത്വം നല്‍കി.
ആലപ്പുഴ വെസ്റ്റ് സെന്ററിലെ ഐപിസി ചെട്ടിയാട് സഭയുടെ പാസ്റ്റര്‍ തോമസ് ബാബുവിന്റെ ഭാര്യയാണ് പ്രസിഡന്റായ ആനി തോമസ്. തിരുവല്ല സെന്ററിലെ ആനപ്രമ്പാല്‍ സഭയുടെ പാസ്റ്റര്‍ രാജു ജോണിന്റെ ഭാര്യയാണ് സെക്രട്ടറി ജയമോള്‍ രാജു. പന്തളം സെന്ററിലെ ഐപിസി കാരയ്ക്കാട് സഭാംഗമാണ് ട്രഷററായ ജോയമ്മ ബേബി.
അനുമോദന സമ്മേളനത്തില്‍ ജെയിംസ് ജോര്‍ജ് വേങ്ങൂര്‍ അധ്യക്ഷത വഹിച്ചു. ഐപിസി സംസ്ഥാന പ്രസിഡന്റ് പാസ്റ്റര്‍ കെ.സി.തോമസ് ഉദ്ഘാടനം ചെയ്തു. സജി മത്തായി കാതേട്ട്, ജോജി ഐപ്പ് മാത്യുസ്, ഐപിസി സംസ്ഥാന വൈസ് പ്രസിഡന്റ് പാസ്റ്റര്‍ ഏബ്രഹാം ജോര്‍ജ്, ജോയിന്റ് സെക്രട്ടറി പാസ്റ്റര്‍ രാജു ആനിക്കാട്, പാസ്റ്റര്‍ ജോണ്‍ റിച്ചാര്‍ഡ്, പാസ്റ്റര്‍ സാം പി ജോസഫ്, ഫിന്നി പി. മാത്യു എന്നിവര്‍ പ്രസംഗിച്ചു. പുതിയ ഭാരവാഹികള്‍ ചുമതല ഏറ്റെടുത്തു.

Send by Joji Iype Mathews- 9446392303
(Returning Officer)

Breaking

കേരളാ സംസ്ഥാന പി വൈ പി എ യുടെ ‘നിറവ് 2023’ നാളെ കൊട്ടാരക്കരയിൽ

Published

2 months ago

September 27, 2023

Boban Cleetus

കൊട്ടാരക്കര: കേരളാ സംസ്ഥാന പി. വൈ. പി. എ. വിവിധ മേഖലകളുമായി സഹകരിച്ച് നടത്തി വരുന്ന നിറവ് 2023 എന്ന ആത്മീയ സംഗമം നാളെ കൊട്ടാരക്കരയിൽ. കൊട്ടാരക്കര മേഖല പി. വൈ. പി. എ യുടെ സഹകരണത്തോടെ, നാളെ രാവിലെ 9 മണി മുതൽ വൈകിട്ട് 6 വരെ കൊട്ടാരക്കര കേരളാ തിയോളജിക്കൽ സെമിനാരിയിൽ വെച്ചാണ് നിറവ് നടത്തപ്പെടുന്നത്.ആത്മശക്തിയാൽ നിറയുവാനും കൃപാവരങ്ങൾ പ്രാപിക്കുവാനും കർത്താവിനെ ആത്മാവിൽ ആരാധിക്കുവാനും ദൈവ വചനത്തിന്റെ ആഴങ്ങൾ ഗ്രഹിക്കുവാനുമുള്ള അസുലഭ നിമിഷങ്ങൾ നിറഞ്ഞ ഒൻപത് മണിക്കൂറുകളാണ് നിറവിൻ്റെ പ്രത്യേകത.നാളെ നടക്കുന്ന ആത്മീയ സംഗമത്തിൽ പാസ്റ്റർ ബെഞ്ചമിൻ വർഗീസ്, പാസ്റ്റർ സാം ജോർജ്, പാസ്റ്റർ റെജി ശാസ്താംകോട്ട, പാസ്റ്റർ അനീഷ് കാവാലം, പാസ്റ്റർ അനീഷ് കൊല്ലം, പാസ്റ്റർ മനോജ് കുഴിക്കാല, ബ്രദർ ജോൺ മാത്യു എന്നിവർ ദൈവവചനം സംസാരിക്കും. പാസ്റ്റർ വിൽസൺ സാമുവേൽ, ബ്രദർ ജോൺസൺ ഡേവിഡ്, ബ്രദർ ബിജോയ് തമ്പി, ബ്രദർ സ്റ്റാൻലി സാം വയല, ബ്രദർ സൈലസ് കെ. ദേവസ്യ, ബ്രദർ ബ്ലെസ്സൻ കെ. ആർ., ബ്രദർ ജോസ് കലയപുരം, സിസ്റ്റർ ഇവാജ്ഞലിൻ ജോൺസൺ മേമന എന്നിവർ ആരാധനയ്ക്ക് നേതൃത്വം നൽകും.

Breaking

യുവജന സമ്മേളനങ്ങൾ

Published

3 months ago

September 20, 2023

Mathew John

തിരുവല്ല: എക്സൽ മിനിസ്ട്രീസിന്റെ യുവജന വിഭാഗമായ എക്സൽ യൂത്തും പ്രമുഖ ക്രൈസ്തവ മാസികയായ ഹാലേലുയ്യയും ചേർന്ന് ഒരുക്കുന്ന “സഫല്‍” “ഫലമുള്ളവരാകുക” എന്ന പേരിൽ കേരളത്തിലെ 14 ജില്ലകളിൽ യുവജനങ്ങളുടെ ആത്മീക മുന്നേറ്റത്തിന് വേണ്ടി ഏകദിന യുവജന ക്യാമ്പുകൾ നടക്കുന്നു. പ്രസ്തുത മീറ്റിങ്ങുകളിൽ യുവജനങ്ങൾക്കുള്ള പ്രത്യേക കൗൺസിലിംഗ്, തീരുമാനങ്ങൾ എടുക്കുമ്പോൾ അറിയേണ്ട കാര്യങ്ങൾ, ലഹരിക്കെതിരെ ജാഗ്രത, പ്രണയചതിക്കുഴികൾ തുടങ്ങിയ വിഷയങ്ങളെപ്പറ്റി പ്രഗൽഭരായവർ ക്ലാസുകൾ നയിക്കുന്നു. 15 വയസ്സിനും 30 വയസ്സിനും ഇടയിൽ പ്രായമുള്ളവർക്ക് മുൻകൂട്ടി രജിസ്റ്റർ ചെയ്ത പങ്കെടുക്കാവുന്നതാണ്.

കോട്ടയം ജില്ലയിലെ യുവജനങ്ങൾക്ക് വേണ്ടി 2023 സെപ്റ്റംബർ 27 ാം തീയതി ബുധനാഴ്ച രാവിലെ 9.30 മുതൽ വൈകിട്ട് 4 മണി വരെ കോട്ടയം സുവാർത്ത ചർച്ചിൽ വച്ച് നടത്തപ്പെടുന്നു. വർക്കി എബ്രഹാം കാച്ചാണത്ത് ഉത്ഘാടനം നിർവ്വഹിക്കും. പാസ്റ്റർ ബിനു വടശേരിക്കര, ഗ്ലാഡ്സൻ ജയിംസ് എന്നിവർ ക്ലാസുകൾ നയിക്കും. ജസ്റ്റിൻ ജോസ് ആരാധനക്കു നേതൃത്വം നല്കും. കൂടുതൽ വിവരങ്ങൾക്ക്. 95444 63176