Connect with us

Latest News

ചര്‍ച്ച് ഓഫ് ഗോഡ് കേരളാ സ്റ്റേറ്റ് ഓവര്‍സിയറായി റവ.സി.സി തോമസ് തുടരും

Published

on

മുളക്കുഴ: ചര്‍ച്ച് ഓഫ് ഗോഡ് കേരളാ സ്റ്റേറ്റ് ഓവര്‍സിയറായി റവ.സി.സി തോമസ് തുടരും. 2020 ജനുവരി 7-ാം തീയതി സഭാ ആസ്ഥാനമായ മുളക്കുഴ സീയോന്‍ കുന്നില്‍ നടന്ന ഓവര്‍സിയര്‍ പ്രിഫറന്‍സില്‍ 667 (74.4%) വോട്ട് നേടിയാണ് റവ.സി.സി തോമസ് അതിന് അര്‍ഹനായത്. നിലവിലുള്ള ഓവര്‍സിയറെ വിലയിരുത്താനും തുടരണമോ വേണ്ടയോ എന്ന തീരുമാനമെടുക്കുവാനും ശുശ്രൂഷകന്മാര്‍ക്ക് ലഭിക്കുന്ന അവസരമാണ് ഓവര്‍സിയര്‍ പ്രിഫറന്‍സ് ബാലറ്റ്. ചര്‍ച്ച് ഓഫ് ഗോഡിന്റെ അന്തരാഷ്ട്ര പോളിസിക്കും ജനറല്‍ അസംബബ്ലി മിനിട്‌സിനും അനുസരിച്ചാണ് 4 വര്‍ഷത്തിലൊരിക്കല്‍ എല്ലാ ഓവര്‍സിയര്‍മാരും ഓവര്‍സിയര്‍ പ്രിഫറന്‍സ് നേരിടുന്നത്.ഇന്‍ഡ്യയിലെ 8 ഓവര്‍സിയര്‍മാരും 2020 ജൂലൈയ് 21 മുതല്‍ 24 വരെ അമേരിക്കയിലെ ഇന്‍ഡ്യാന സംസ്ഥാനത്തിലെ ഇന്‍ഡ്യാനപോളിസില്‍ നടക്കുന്ന 78-ാമത് ജനറല്‍ അസംബ്ലിക്ക് മുന്നമെ വിവിധ സമയങ്ങളില്‍ പ്രിഫറന്‍സിനെ നേരിടേണം. 4 വര്‍ഷത്തിലൊരിക്കല്‍ നടക്കുന്ന പ്രിഫറന്‍സ് ബാലറ്റില്‍ നിലവിലുള്ള ഓവര്‍സിയര്‍ തുടരണമെങ്കില്‍ പാസ്റ്റര്‍മാരുടെ 66 ശതമാനം വോട്ട് നേടണം. ചര്‍ച്ച് ഓഫ് ഗോഡ് കേരളാ സ്റ്റേറ്റില്‍ നടന്ന ഓവര്‍സിയര്‍ പ്രിഫറന്‍സില്‍ ആകെ 933 പാസ്റ്റര്‍മാര്‍ പ്രിഫറന്‍സ് രേഖപ്പെടുത്തി. 33 വോട്ടുകള്‍ അസാധുവായി. സാധുവായ വോട്ടുകളില്‍ 667 ശുശ്രൂഷകന്മാര്‍ റവ.സി.സി തോമസ് തുടരണം എന്ന് രേഖപ്പെടുത്തി. പ്രിഫറന്‍സ് ബാലറ്റിന് ഏഷ്യന്‍ സൂപ്രണ്ട് റവ കെന്‍ ആന്‍ഡേഴ്‌സനു വേണ്ടി വേള്‍ഡ് മിഷന്‍ പ്രതിനിധി റവ. എബനേസര്‍ സെല്‍വരാജ് നേതൃത്വം കൊടുത്തു.
ചര്‍ച്ച് ഓഫ് ഗോഡ് കേരളാ സ്‌റ്റേറ്റ് 97-ാമത് ജനറല്‍
കണ്‍വന്‍ഷന്‍ ജനവരി 20 മുതല്‍ 26 വരെ
വാര്‍ത്ത: ചര്‍ച്ച് ഓഫ് ഗോഡ് മീഡിയാ ഡിപ്പാര്‍ട്ട്‌മെന്റ്
മുളക്കുഴ: ചര്‍ച്ച് ഓഫ് ഗോഡ് കേരളാ സ്‌റ്റേറ്റ് 97ാമത് ജനറല്‍ കണ്‍വന്‍ഷന്‍ 2020 ജനുവരി 20 മുതല്‍ 26 വരെ തിരുവല്ലായിലുള്ള ചര്‍ച്ച് ഓഫ് ഗോഡ് കണ്‍വന്‍ഷന്‍ സ്‌റ്റേഡിയത്തില്‍ വച്ച് നടക്കുന്നതിനുള്ള ഒരുക്കങ്ങള്‍ പുരോഗമിക്കുന്നു. കണ്‍വന്‍ഷന്റെ വിജയകരമായ നടത്തിപ്പിനായി പാസ്റ്റര്‍ സി. സി തോമസ് ജനറല്‍ കണ്‍വീനറായും, പാസ്റ്റര്‍മാരായ വൈ. റെജിയും, ജെ. ജോസഫും ജോയിന്റ് ജനറല്‍ കണ്‍വീനര്‍മാരായും പ്രവര്‍ത്തിക്കുന്ന വിവിധ കമ്മറ്റികള്‍ പ്രവര്‍ത്തനം ആരംഭിച്ചു.
2020 ജനുവരി 20-ാം തീയതി തിങ്കളാഴ്ച വൈകിട്ട് 5.30 ന് നടക്കുന്ന ഉദ്ഘാടന സമ്മേളനത്തില്‍ സ്റ്റേറ്റ് ഓവര്‍സീയര്‍ റവ.സി.സി. തോമസ് കണ്‍വന്‍ഷന്‍ ഉത്ഘാടനം ചെയ്യും. വിശ്വാസത്തില്‍ നിലനില്പില്‍ എന്നതാണ് ഈ വര്‍ഷത്തെ കണ്‍വന്‍ഷന്‍ തീം. എല്ലാ ദിവസവും വൈകിട്ട് പൊതുയോഗം ഉണ്ടായിരിക്കും. വൈ.പി.ഇ., സണ്‍ഡേസ്‌കൂള്‍, എല്‍.എം. സമ്മേളനം, ബൈബിള്‍ സ്‌കൂള്‍ ഗ്രാജുവേഷന്‍, മിഷന്‍ സമ്മേളനങ്ങള്‍, പാസ്‌റ്റേഴ്‌സ് കോണ്‍ഫ്രന്‍സുകള്‍ തുടങ്ങി വിവിധ ഡിപ്പാര്‍ട്ട്‌മെന്റുകളുടെ പ്രോഗ്രാമുകള്‍ ഉണ്ടായിരിക്കും. കണ്‍വന്‍ഷനില്‍ വലിയ ആത്മീക പകര്‍ച്ചയും വിടുതലകളും ഉണ്ടാകേണ്ടതിനായി ദിവസവും രണ്ടു പേര്‍ വീതം ഉപവസിച്ച് പ്രാര്‍ത്ഥിക്കുന്നു. 2020 ജനുവരി 6 മുതല്‍ 11 വരെ വിവിധ ഡിസ്ട്രിക്ടുകളുടെ നേതൃത്വത്തില്‍ ഉപവാസ പ്രാര്‍ത്ഥന നടക്കും. ജനുവരി 13 മുതല്‍ 18 കണ്‍വന്‍ഷന്‍ സ്‌റ്റേഡിയത്തില്‍ ഉപവാസ പ്രാര്‍ത്ഥന നടത്തുന്നതിനുള്ള ക്രമീകരണവും ചെയ്തു വരുന്നു.എല്ലാ ദിവസവും ഭക്ഷണക്രമീകരണവും ഉണ്ടായിരിക്കും. സ്വദേശത്തും വിദേശത്തുമുള്ള ദൈവദാസന്മാര്‍ ഈ പ്രാവശ്യത്തെ കണ്‍വന്‍ഷനില്‍ ദൈവവചനം ശുശ്രൂഷിക്കുന്നതായിരിക്കും.
ചര്‍ച്ച് ഓഫ് ഗോഡ് കേരളാ സ്റ്റേറ്റ് കൗണ്‍സില്‍ അംഗങ്ങളെ തിരഞ്ഞെടുത്തു;
പാസ്റ്റര്‍ വൈ റെജി ഒന്നാമത്
മുളക്കുഴ: ചര്‍ച്ച് ഓഫ് ഗോഡ് കേരളാ സ്റ്റേറ്റ് 2020-2022 വര്‍ഷത്തേക്കുള്ള 15 അംഗ കൗണ്‍സില്‍ അംഗങ്ങളെ തിരഞ്ഞെടുത്തു. 2020 ജനുവരി 7-ാം തീയതി സഭാ ആസ്ഥാനമായ മുളക്കുഴ സീയോന്‍കുന്നില്‍ നടന്ന കൗണ്‍സില്‍ തിരഞ്ഞെടുപ്പില്‍ പാസ്റ്റര്‍മാരായ വൈ റെജി, പി. സി ചെറിയാന്‍, പി. എ ജെറാള്‍ഡ്, റ്റി. എം മാമച്ചന്‍, ബെന്‍സ് ഏബ്രഹാം, വൈ ജോസ്, റ്റി എ ജോര്‍ജ്, കെ ജി ജോണ്‍, സജി ജോര്‍ജ്, ബാബു ചെറിയാന്‍, ഷിജു മത്തായി, വി.പി തോമസ്, എം ജോണ്‍സന്‍, വൈ മോനി, എ. പി അഭിലാഷ് എന്നിവരാണ് തിരഞ്ഞെടുക്കപ്പെട്ടത്. ആകെ 33 സ്ഥാനാര്‍ത്ഥികളാണ് മത്സര രംഗത്ത് ഉണ്ടായിരുന്നത്. 933 ശുശ്രൂഷകന്മാര്‍ തങ്ങളുടെ സമ്മതിദാനാവകാശം വിനിയോഗിച്ചു 12 വോട്ടുകള്‍ അസാധുവായി. ഓവര്‍സിയര്‍ റവ.സി.സി തോമസ് ഇലക്ഷന്‍ കമ്മീഷണറായി പ്രവര്‍ത്തിച്ചു.

Continue Reading
Click to comment

Leave a Reply

Your email address will not be published.

Latest News

തിങ്കളാഴ്ച മുതല്‍ ബാങ്കുകളില്‍ നിയന്ത്രണം

Published

on

By

തിരുവനന്തപുരം: ബാങ്കുകളില്‍ തിങ്കളാഴ്ച മുതല്‍ സേവിങ്ങ്‌സ് അക്കൗണ്ട് ഉടമകള്‍ക്ക് നിയന്ത്രണം. അക്കൗണ്ട് നമ്പറിനനുസരിച്ച് ബാങ്കില്‍ എത്താന്‍ സമയം നിശ്ചയിച്ച് സംസ്ഥാന തല ബാങ്കേഴ്‌സ് സമിതി സര്‍ക്കുലര്‍ ഇറക്കി. കോവിഡ് ജാഗ്രതയുടെ ഭാഗമായി, ഓണക്കാലത്തെ തിരക്ക് കുറയ്ക്കാനാണ് നടപടി.

0, 1, 2, 3 അക്കങ്ങളില്‍ അവസാനിക്കുന്ന സേവിങ്‌സ് അക്കൗണ്ട് ഉടമകള്‍ രാവിലെ പത്തിനും പന്ത്രണ്ടിനും ഇടയിലാണ് ബാങ്കില്‍ എത്തേണ്ടത്. 4, 5, 6, 7 അക്കങ്ങളില്‍ അക്കൗണ്ട് നമ്പര്‍ അവസാനിക്കുന്നവര്‍ പന്ത്രണ്ടിനും രണ്ടിനും ഇടയിലും 8,9 അക്കങ്ങളില്‍ അക്കൗണ്ട് നമ്പര്‍ അവസാനിക്കുന്നവര്‍ രണ്ടരയ്ക്കും നാലിനും ഇടയിലും ബാങ്കില്‍ എത്തണം.

സേവിങ്‌സ് അക്കൗണ്ടില്‍ നിന്ന് പണം പിന്‍വലിക്കുന്നതിനും നിക്ഷേപിക്കുന്നതിനും എത്തുന്നവര്‍ക്ക് നിയന്ത്രണം ബാധകമാണ്. മറ്റ് ബാങ്കിടപാടുകള്‍ക്കും വായ്പയുമായി ബന്ധപ്പെട്ട സേവനങ്ങള്‍ക്കും സമയ നിയന്ത്രണം ഇല്ല. അന്വേഷണങ്ങള്‍ക്ക് ബാങ്കിലേക്ക് ഫോണ്‍ ചെയ്താല്‍ മതി. തിങ്കള്‍ മുതല്‍ അടുത്ത മാസം 5 വരെ നിയന്ത്രണം തുടരും.

ഇടപാടുകാര്‍ ഡിജിറ്റല്‍ മാര്‍ഗങ്ങള്‍ കൂടുതല്‍ ഉപയോഗിക്കുകയും ബാങ്ക് സന്ദര്‍ശനം പരമാവധി കുറയ്ക്കുകയും വേണമെന്ന് എസ്എല്‍ബിസി അഭ്യര്‍ഥിച്ചു. കോവിഡ് പ്രതിരോധത്തിന് പ്രത്യേക നിയന്ത്രണങ്ങള്‍ ഉള്ള സ്ഥലങ്ങളില്‍ സമയത്തിന് മാറ്റമുണ്ട്. സമയക്രമം ശാഖകളില്‍ പ്രദര്‍ശിപ്പിക്കും.

Continue Reading

Latest News

സംസ്ഥാന പി.വൈ.പി.എ പ്രവർത്തകരുടെ വാഹനം അപകടത്തിൽപ്പെട്ടു. മരണത്തെ മുഖാമുഖമായി കണ്ട നിമിഷം

Published

on

By

പുനലൂർ:ഐ.പി.സി കുവൈറ്റ് പി.വൈ.പി.എ. സ്പോൺസർ ചെയ്ത ടെലിവിഷൻ സെറ്റുകൾ അഞ്ചൽ, തെന്മല തുടങ്ങിയ സ്ഥലങ്ങളിൽ വിതരണം ചെയ്യുന്നതിനായി രാവിലെ മണക്കാലയിൽ നിന്നാണ് പുറപ്പെട്ട സംസ്ഥാന പി.വൈ.പി.എ പ്രവർത്തകരാണ് തലനാരിഴയ്ക്ക് രക്ഷപെട്ടത്.
പി.വൈ.പി.എ സംസ്ഥാന സെക്രട്ടറി സുവി. ഷിബിൻ സാമുവേലിന്റെ വാഹനം ആണ് അപകടത്തിൽ പെട്ടത്. മൂന്നു കരണം മറിഞ്ഞവാഹനത്തിൽ നിന്നും അതിൽ സഞ്ചരിച്ച എല്ലാവരും അത്ഭുതകരമായി രക്ഷപ്പെട്ടു. കൂടെ വാഹനത്തിൽ ഉണ്ടായിരുന്ന സംസ്ഥാന പബ്ലിസിറ്റി കൺവീനർ പാസ്റ്റർ തോമസ് ജോർജ്ജ് കട്ടപ്പന, ജനറൽ ജോയിന്റ് കൺവീനർ ബിബിൻ കല്ലുങ്കൽ, കൊട്ടാരക്കര മേഖല ഉപാധ്യക്ഷൻ ബ്ലെസ്സൺ ബാബു എന്നിവരുമാണ് അത്ഭുതകരമായി രക്ഷപെട്ടത്. മരണത്തെ മുഖാമുഖമായി കണ്ട നിമിഷങ്ങൾ എന്നാണ് രക്ഷപെട്ടതിനു ശേഷം പ്രവർത്തകർ പങ്കുവച്ചത്. തൊട്ടു പുറകെ വാഹനത്തിൽ വന്ന കൂട്ട് പ്രവർത്തകരായ പാസ്റ്റർ ജെറി പൂവക്കാല, കോട്ടയം മേഖല അധ്യക്ഷൻ പാസ്റ്റർ ഷാൻസ് ബേബി, പത്തനംതിട്ട മേഖല അധ്യക്ഷൻ ബെൻസൺ തോമസ് റാന്നി എന്നിവരും നാട്ടുകാരും ചേർന്നാണ് രക്ഷാപ്രവർത്തനം നടത്തിയത്. വാഹനത്തിന് സാരമായ കേടുപാടുകളുണ്ട്.

Continue Reading

Latest News

പാസ്റ്ററുടെ പിതാവ് വൈദ്യുത ആഘാതമേറ്റ് നിത്യതയിൽ..

Published

on

By

പാസ്റ്ററുടെ പിതാവ് വൈദ്യുത ആഘാതമേറ്റ് നിത്യതയിൽ..

വൈദ്യുത ആഘാതമേറ്റ് നിത്യതയിൽ
പുനലൂർ: പേപ്പർമിൽ കാഞ്ഞിരമലയിൽ ബേസിൽ(60) ഇന്ന് (29-06-20)രാവിലെ വൈദ്യുതാഘാതമേറ്റ് നിര്യാതനായി.ഐ പി സി പുത്തൂർക്കര ചർച്ച് മെമ്പറും കൊല്ലം നോർത്ത് സെന്ററിലെ ശുശ്രൂഷകൻ സുവി ബാലാജി (ബൈജു )വിന്റെ പിതാവാണ് സംസ്കാര ശുശ്രൂഷ പിന്നീട്
സംസ്കാര ശുശ്രൂഷ ഇന്ന് 2 ന് ഭവനത്തിലെ ശുശ്രൂഷയ്ക്ക് ശേഷം പ്ലാച്ചേരി സെമിത്തേരിയിൽ
വാർത്ത: സാജൻ_ഈശോ_പ്ലാച്ചേരി

Continue Reading

Trending

Copyright © 2021 Faithtrack , Developed by CloudStorey