Connect with us

World News

നൂറുകണക്കിന് കുറ്റവാളികൾക്ക് ജയിൽ മോചനം

Published

on

ഓക്‌ലഹോമ ∙ അമേരിക്കയുടെ ചരിത്രത്തിലാദ്യമായി നൂറുകണക്കിന് കുറ്റവാളികൾക്ക് ഒരേ സമയം ശിക്ഷയിളവ് നൽകി. 462 തടവുകാരാണ് നവംബർ 4ന് ജയിൽ വിമോചിതരായത്. ഇതു സംബന്ധിച്ചു ഉത്തരവ് ഓക്‌ലഹോമ ഗവർണർ കെവിൻ സ്റ്റിറ്റ് ഒപ്പുവച്ചിരുന്നു.

527 പേരാണ് ശിക്ഷയിളവിന് അർഹരായത്. എന്നാൽ 65 പേരെ പിന്നീട് വിട്ടയക്കും. ഓക്‌ലഹോമ ജയിലിൽ വർധിച്ചു വരുന്ന പ്രതികളുടെ എണ്ണത്തിനനുസരിച്ച് ആവശ്യമായ താമസ സൗകര്യം ഇല്ലാത്തതാണ് ചെറിയ കുറ്റങ്ങൾക്ക് ശിക്ഷയനുഭവിച്ചിരുന്നവരെ വിട്ടയയ്ക്കാൻ തീരുമാനിച്ചത്.

സ്റ്റേറ്റ് പാർഡൻ ആന്റ് പരോൾ ബോർഡ് പ്രതികളുടെ കേസ് വിശദമായി പരിശോധിച്ചതിനുശേഷമാണ് ശിക്ഷയിളവിന് നിർദേശിച്ചത്. ചെറിയ തോതിൽ മയക്കുമരുന്ന് കൈവശം വച്ചവർ, ഭവനഭേദനം നടത്തിയവർ എന്നിവരാണ് ജയിൽ വിമോചിതരായി പുറത്തിറങ്ങിയത്.

പുറത്തിറങ്ങിയവരിൽ 75 ശതമാനം പുരുഷന്മാരും, 25 ശതമാനം സ്ത്രീകളുമാണ്.

Continue Reading
Click to comment

Leave a Reply

Your email address will not be published.

World News

ടെക്‌സാസ് സംസ്ഥാനത്തെ റിപ്പബ്ലിക്കന്‍ പാര്‍ട്ടിയുടെ ഔദ്യോഗിക ഭരണസമിതിയിലേയ്ക്ക് എബ്രഹാം ജോര്‍ജ്ജ് തിരഞ്ഞെടുക്കപ്പെട്ടു.

Published

on

By

അമേരിക്കന്‍ റിപ്പബ്ലിക്കന്‍ പാര്‍ട്ടി ഓഫ് ടെക്‌സാസ് സെനറ്റ് ഡിസ്ട്രിക്ട് 8 ന്റെ ഔദ്യോഗിക ഭരണസമിതി അംഗമായി. ഡാളസ്-പാര്‍ക്കര്‍ എബ്രഹാം ജോര്‍ജ്ജ് വിവിധ മലയാളി പെന്തക്കോസ്ത് സംഘടനകളുടെ നേതൃത്വ നിരയില്‍ പ്രവര്‍ത്തിച്ചിട്ടുണ്ട്. 31 സ്റ്റേറ്റ് സെനറ്റ് ഡിസ്ട്രിക്ടുകളുള്ള ടെക്‌സാസ് സംസ്ഥാനത്തിലെ ഡാളസ്, കോളിന്‍ കൗണ്ടികള്‍ ഉള്‍പ്പെടുന്നതാണ് ഡിസ്ട്രിക്ട് 8. കഴിഞ്ഞ വാരത്#ില്‍ നടന്ന പാര്‍ട്ടിയുടെ സ്റ്റേറ്റ് കണ്‍വന്‍ഷനില്‍ വെച്ച് തിരഞ്ഞെടുക്കപ്പെട്ട പ്രതിനിധി സംഘത്തില്‍ നിന്നാണ് തിരഞ്ഞെടുപ്പ് നടന്നത്. 2 വര്‍ഷമാണ് നിയമനത്തിന്റെ കാലാവധി.

പാര്‍ട്ടിയുടെ സംസ്ഥാനത്തെ ദൈനംദിനമായ പ്രവര്‍ത്തനങ്ങളുടെ മേല്‍നോട്ടം, നയപരമായ പദ്ധതികളുടെ നിര്‍മ്മാണം,നടപ്പാക്കല്‍,സ്ഥാനാര്‍ത്ഥി നിര്‍ണ്ണയം,പാര്‍ട്ടി പെരുമാറ്റ സംഹിതയുടെ പ്രചരണം, അതിന്റെ നടത്തിപ്പ് എന്നിവയില്‍ മേല്‍നോട്ടം വഹിക്കുക എന്നതാണ് ഭരണസമിതിയുടെ ചുമതലകള്‍.

കഴിഞ്ഞ 25 വര്‍ഷമായി ഡാളസില്‍ താമസിക്കുന്ന എബ്രഹാം ജോര്‍ജ്ജ് കേരളത്തില്‍ കോട്ടയം നരിമറ്റത്ത് കുടുംബാംഗമാണ്. ഡാളസ് ഐ പി സി ഹെബ്രോന്‍ സഭാംഗം ആയ ഇദ്ദേഹം പാലക്കാട് ശാലേം ബൈബിള്‍ കോളേജ് ഡയറക്ടര്‍ പാസ്റ്റര്‍ ജോര്‍ജ്ജ് എന്‍ എബ്രഹാമിന്റെ മകനാണ്. കോട്ടയം സ്വദേശിയായ ജീന എബ്രഹാം ആണ് ഭാര്യ. ടെക്‌സാസ് സംസ്ഥാനത്തെ റിപ്പബ്ലിക്കന്‍ പാര്‍ട്ടിയുടെ ഔദ്യോഗിക ഭരണസമിതിയിലേയ്ക്ക് തിരഞ്ഞേടുക്കപ്പെടുന്ന ആദ്യ ഇന്ത്യക്കാരനാണ് എഹ്രഹം. 2008 മുതല്‍ പാര്‍ട്ടിയുടെ പ്രാഥമികാഗംത്വം സ്വീകരിച്ച് പാര്‍ട്ടിയുടെ വിവിധ നിലകളില്‍ പ്രവര്‍ത്തിച്ച് വരികയാണ്.

Continue Reading

World News

ആരാധനാ സ്വാതന്ത്ര്യം കാത്തുസൂക്ഷിക്കുന്നതിൽ വളരെ പുറകിൽ ഇന്ത്യയെ ബ്ളാക്ക് ലിസ്റ്റിൽ ഉൾപ്പെടുത്തണമെന്ന് യു.എസ് .സി.ഐ.ആർ എഫ്‌

Published

on

By

ന്യൂയോർക്ക്: ആരാധനാ സ്വാതന്ത്ര്യം കാത്തുസൂക്ഷിക്കുന്നതിൽ വളരെ പുറകിൽ നിൽക്കുന്ന രാജ്യങ്ങളുടെ പട്ടികയിൽ ഇന്ത്യയെ ഉൾപ്പെടുത്തണമെന്ന് യു.എസ് കമ്മീഷൻ ഓൺ ഇന്റർനാഷണൽ റിലീജിയസ് ഫ്രീഡം ,യു എസ് സ്റ്റേറ്റ് ഡിപ്പാർട്മെന്റിന് നിർദ്ദേശം നൽകി.
ഗ്ളോബൽ റിലിജിയസ് ഫ്രീഡം നയരൂപീകരണത്തിന് 1998-ൽ കോൺഗ്രസ് നിയോഗിച്ചതാണ് ഇൻറർനാഷണൽ റിലിജിയസ് ഫ്രീഡം കമ്മീഷൻ.
ഏപ്രിൽ 28 നാണ് കമ്മീഷന്റെ നിർദ്ദേശങ്ങൾ പുറത്തുവിട്ടത്.ഈയിടെ ഇന്ത്യയിൽ നിലവിൽ വന്ന ന്യൂ സിറ്റിസൺഷിപ്പ് ലോ ,മുസ്ളീം ഉൾപ്പെടെയുള്ള ന്യൂനപക്ഷങ്ങളെ നിരാശയിലാഴ്ത്തിയതായി കമ്മീഷൻ കണ്ടെത്തി.
ഇപ്പോൾ ബ്ളാക്ക് ലിസ്റ്റിൽ സ്ഥാനം പിടിച്ചിരിക്കുന്ന സുഡാൻ, ഉസ്ബകിസ്ഥാൻ എന്നീ രാജ്യങ്ങളെ ഈ പട്ടികയിൽ നിന്നും ഒഴിവാക്കണമെന്നും കമ്മീഷൻ നിർദ്ദേശിച്ചിട്ടുണ്ട്.
യു.എസ് കമ്മീഷന്റെ ഈ റിപ്പോർട്ടിനെതിരെ ഇന്ത്യൻ വിദേശകാര്യ വകുപ്പ് വക്താവ് അനുരാഗ് ശ്രീവാസ്തവ ശക്തമായ പ്രതിഷേധവുമായി രംഗത്തെത്തി.

Continue Reading

World News

ഐ.പി.സി.ഫാമിലി കോൺഫറൻസ് ഉപവാസ പ്രാർത്ഥനാ ആരംഭിച്ചു.

Published

on

By

ഒക്കലഹോമ: വടക്കേ അമേരിക്കയിലും കാനഡയിലുമുള്ള ഇന്ത്യാ പെന്തക്കോസ്ത് ദൈവസഭയുടെ 18 മത് കുടുംബ സംഗമത്തിന്റെ സുഗമമായ നടത്തിപ്പിനായു0 അനുഗ്രഹത്തിനായു0 ആദ്യഘട്ടമായി 40 ദിവസത്തെ ഉപവാസ പ്രാർത്ഥന നവംബർ 1ന് ആരംഭിച്ചു. ഡിസംബർ 10 വരെ ആയിരിക്കും ഒന്നാം ഘട്ട ഉപവാസ പ്രാർത്ഥനകൾ.

രണ്ടാമത്തെ ഉപവാസ പ്രാർത്ഥന തീയതികൾ പിന്നീട് പ്രഖ്യാപിക്കും. പ്രാദേശിക പ്രാർത്ഥന കോർഡിനേറ്റർ പാസ്റ്റർ പി. സി. മാത്യുവിനൊപ്പം ദേശീയ പ്രാർത്ഥന കോർഡിനേറ്റർ പാസ്റ്റർ പി വി മമ്മനും പ്രാർത്ഥനകൾ ഏകോപിപ്പിക്കും. പ്രാർത്ഥനയ്ക്കായുള്ള സൈൻ അപ്പ് ഷീറ്റുകൾ രണ്ട് കോർഡിനേറ്റർമാരിൽ നിന്നും ലഭ്യമാണ്. ഉപവാസ പ്രാർത്ഥനയിൽ പങ്കെടുക്കുവാൻ താല്പര്യമുള്ളവർ പാസ്റ്റർ പി. വി. മമ്മൻ (586-549-7746), പി. സി. മാത്യു (405-822-07250) എന്നിവരുമായി ബന്ധപ്പെടേണ്ടതാണ്.

2020 മാർച്ച് 1 ന് ദേശീയ പ്രാർത്ഥന ദിനമായി വേർതിരിക്കും. സഭകളിലെ ആരാധന വേളയിൽ കുറച്ച് സമയം നീക്കിവയ്ക്കാനും സമ്മേളനത്തിന്റെ അനുഗ്രഹത്തിനായി പ്രാർത്ഥിക്കുവാനും ഒരു പ്രത്യേക സ്തോത്ര കാഴ്ച എടുത്ത് സഹായിക്കുവാനും എല്ലാ അംഗ സഭകളും ഉത്സാഹം കാണിക്കണമെന്ന് ഭാരവാഹികൾ അറിയിച്ചു.

വിവിധ നഗരങ്ങളിൽ പ്രമോഷൻ മീറ്റിംഗുകൾ നടത്തുവാൻ ദേശീയ കമ്മറ്റി തീരുമാനിച്ചു. ന്യൂയോർക്ക് – ന്യൂജേഴ്സി യോഗം നവംബർ 17 ന് ഞായറാഴ്ച വൈകുന്നേരം 5 മണിക്ക് ഇന്ത്യ ക്രിസ്ത്യൻ അസംബ്ലി ചർച്ചിലും ഡാളസ് പ്രമോഷൻ യോഗം ഡിസംബർ 8 ഞായറാഴ്ച വൈകുന്നേരം 5 മണിക്ക് ഐപിസി ഹെബ്രോൺ ഡാളസ് സഭയിലും, അറ്റ്ലാന്റ – ചാറ്റനൂഗ യോഗം ഏപ്രിൽ 19 നും ഏപ്രിൽ 26 ന് ഹ്യൂസ്റ്റണിലും മെയ് 3 ന് ചിക്കാഗോയിലും വെച്ച് നടത്തപ്പെടും.

2020 ജൂലൈ 30 വ്യാഴം മുതൽ ആഗസ്റ്റ് 2 ഞായർ വരെ ഒക്കലഹോമ നോർമൻ എംബസി സ്യുട്ട് ഹോട്ടൽ സമുച്ചയത്തിൽ വെച്ച് നടത്തപ്പെടുന്ന ദേശീയ കോൺഫ്രൻസിന്റെ ചിന്താവിഷയം “അതിരുകളില്ലാത്ത ദർശനം” എന്നതായിരിക്കും. വിശുദ്ധി, ദൗത്യം, നിത്യത എന്നിവയിലേക്കുള്ള ദർശനമായിരിക്കും ഉപവിഷയങ്ങൾ.

കോൺഫ്രൻസിന്റെ നാഷണൽ ഭാരവാഹികളായി പാസ്റ്റർ പി.സി.ജേക്കബ് (നാഷണൽ ചെയർമാൻ), ബ്രദർ ജോർജ് തോമസ് ( നാഷണൽ സെക്രട്ടറി), ബ്രദർ തോമസ് കെ. വർഗീസ് (നാഷണൽ ട്രഷറാർ), സിസ്റ്റർ ഗ്രേസ് സാമുവേൽ (ലേഡീസ് കോർഡിനേറ്റർ), ബ്രദർ ജസ്റ്റിൻ ഫിലിപ്പ് ( യൂത്ത് കോർഡിനേറ്റർ) എന്നിവർ പ്രവർത്തിക്കുന്നു.

എല്ലാ ചൊവ്വാഴ്ചകളിലും സെൻട്രൽ സമയം 8 മണിക്ക് 605 – 313 – 5111 എന്ന നമ്പരിൽ പ്രയർ ലൈൻ ഉണ്ടായിരിക്കും. 171937 # എന്ന ആക്സസ് നമ്പറിലൂടെ ഫോൺ ലൈനിൽ പ്രവേശിക്കാവുന്നതാണ്

വാർത്ത: നിബു വെള്ളവന്താനം
ലോക്കൽ മീഡിയ കോർഡിനേറ്റർ : ബൈജു യാക്കോബ്

Continue Reading

Trending

Copyright © 2021 Faithtrack , Developed by CloudStorey