ഹോട്ടലുകളില്‍ പോയി പലപ്പോഴും പലരും വാങ്ങിക്കഴിക്കാറുള്ള വിഭവമാണ് ചിക്കന്‍ 65. ഈ പേരിനു പിന്നിലൊരു കഥയുണ്ട്. 1965ലാണ് പ്രമുഖ ഹോട്ടലായിരുന്ന ബുഹാരി ഈ വിഭവം ആദ്യമായി ഉണ്ടാക്കിയത്. ഇതുകൊണ്ടാണ് 65 എന്ന പേരില്‍ ഇത് അറിയപ്പെടുന്നതും. ഇതിനോടനുബന്ധിച്ച് മറ്റു കഥകളും നിലവിലുണ്ട്.
ചിക്കന്‍ 65 നമുക്കു തന്നെ ഉണ്ടാക്കാവുന്നതേയുള്ളൂ.
എല്ലില്ലാത്ത ചിക്കന്‍-അരക്കിലോ
മുട്ട-1
അരിപ്പൊടി, മൈദ, കോണ്‍ഫ്‌ളോര്‍-2 സ്പൂണ്‍
മുളകുപൊടി-2 സ്പൂണ്‍
ഗ്രാമ്പൂ-2
കറുവാപ്പട്ട
ഏലയ്ക്ക-2
ഇഞ്ചി, വെളുത്തുള്ളി പേസ്റ്റ്-അര സ്പൂണ്‍
പച്ചമുളക്-5
തൈര്-2 കപ്പ്
നാരങ്ങാനീര്
ഉപ്പ്
എണ്ണ
മല്ലിയില
സവാള വറുത്തത് (അലങ്കാരത്തിന്)
മുട്ട, ധാന്യ, മസാലപ്പൊടികളെല്ലാം കൂട്ടി യോജിപ്പിക്കുക. ഇതിലേക്ക് ഗ്രാമ്പൂ, കറുവാപ്പട്ട, എലയ്ക്ക എന്നിവ പൊടിച്ചതും ഇഞ്ചി, വെളുത്തുള്ളി പേസ്റ്റും ആവശ്യത്തിന് ഉപ്പും ചേര്‍ക്കുക. വെള്ളം ചേര്‍ത്ത് ഇത് കുഴമ്പുരൂപത്തിലാക്കുക. ഇതിലേക്ക് ചിക്കന്‍ കഷ്ണങ്ങള്‍ ചേര്‍ത്തിളക്കി അര മണിക്കൂര്‍ വയ്ക്കുക.
ഒരു പാത്രത്തില്‍ എണ്ണ ചൂടാക്കി ഈ ചിക്കന്‍ കഷ്ണങ്ങള്‍ ബ്രൗണ്‍ നിറമാകുന്നതു വരെ വറുത്തു കോരിയെടുക്കണം.
മറ്റൊരു പാത്രത്തില്‍ എണ്ണ ചൂടാക്കി അതിലേക്ക് പച്ചമുളക്, തൈര് എന്നിവയും ചിക്കന്‍ കഷ്ണങ്ങളും ചേര്‍ത്ത് ഇളക്കുക. ഇത് ചിക്കനില്‍ നല്ലപോലെ ചേര്‍ന്നു കഴിയുമ്പോള്‍ വാങ്ങി മല്ലിയിലയും വറുത്തു വച്ചിരിക്കുന്ന സവാളയും ചേര്‍ത്ത് അലങ്കരിക്കാം.ഹോട്ടലുകളില്‍ നിന്നു വാങ്ങുന്ന ചിക്കന്‍ 65 ചുവന്ന നിറത്തിലിരിക്കും. ഈ നിറം വേണമെന്നുള്ളവര്‍ക്ക് റെഡ് ഫുഡ് കളര്‍ അല്‍പം ഇറച്ചിയില്‍ പുരട്ടി വയ്ക്കാം

വളരെ എളുപ്പത്തിൽ ചില്ലി ചിക്കൻ ഉണ്ടാക്കുന്ന വിധം.

കാപ്സികം മൂന്ന്എണ്ണം,
സവാള മൂന്ന് എണ്ണം,
മുട്ട മൂന്ന് എണ്ണം,
കോണ്‍ഫ്ലോര്‍ അഞ്ചു ടി സ്പൂണ്‍,
തക്കാളി സോസ് അമ്പതു മില്ലി,
സോയ സോസ് നൂറു മില്ലി,
ചില്ലി സോസ് ആവശ്യത്തിന്,
ചിക്കന്‍ വളരെ ചെറുതായി നുറുക്കിയത് അരകിലോ,
ഫുഡ്‌ കളര്‍ ചുമപ്പ്,
മൈദാ മാവ്.

ഉണ്ടാക്കുന്ന വിധം

കാപ്സികം ,സവാള എന്നിവ തുല്യ വലിപ്പത്തില്‍ മുറിക്കുക, ചതുരത്തില്‍ആയാല്‍ വളരെ നന്ന് സവാള പാളികളായി പൊളിച്ചാല്‍ വളരെ എളുപ്പത്തില്‍ നല്ല ആകൃതിയില്‍ കട്ട്‌ ചെയ്ത് എടുക്കാം
അതിനു ശേഷം ഒരു ചെറിയ പാത്രത്തില്‍ മുട്ടകള്‍ പൊട്ടിച്ചു കോണ്‍ ഫ്ലോറും മൈദയും ചേര്‍ത്ത് നന്നായി മിക്സ്‌ ചെയ്യുക
ചുമന്ന കളര്‍ചേര്‍ത്ത്അതിനകത്ത് ചെറുതായി നുറുക്കിയ ചിക്കെന്‍ കഷണങ്ങള്‍ ഇട്ടു വയ്കുക
കുറച്ചു സമയത്തിന് ശേഷം മുക്കിവെച്ച ചിക്കന്‍ തിളച്ച എണ്ണയില്‍ വറുത്തു കോരി മാറ്റി വെക്കുക
അതിനു ശേഷം മുറിച്ചു വച്ച കാപ്സികം ഒരു ഫ്രയിംഗ് പാനില്‍ കുറച്ചു എന്നയെടുത്തു വഴറ്റി എടുക്കുക കാപ്സികം ചെറുതായി ഒന്ന് വാടുക മാത്രമേ ചെയ്യാവൂ
അതിനു ശേഷം സവാളയും ഇത് പോലെതന്നെ വഴറ്റി എടുക്കുക
ഇനി വലിയ ഒരു പാത്രത്തില്‍ നാനൂറു മില്ലി വെള്ളമെടുത്തു അതില്‍ അഞ്ചു ടേബിള്‍ സ്പൂണ്‍ കോണ്‍ ഫ്ലോര്‍ ചേര്‍ത്ത് തീയില്‍ വച്ചു ഇളക്കി ക്കൊണ്ടിരിക്കുക അത് ചെറുതായി കുറുകാന്‍ തുടങ്ങുമ്പോള്‍ വറുത്തു മാറ്റി വച്ചിരിക്കുന്ന ചിക്കെന്‍ അതിലേക്കു ഇടുക ശേഷം മാറ്റി വച്ചിരുക്കുന്ന കാപ്സിക്കവും സവാളയും അതില്‍ ചേര്‍ത്ത് മെല്ലെ ഇളക്കുക
ഇനി ഇതിനകത്ത് ചില്ലി സോസ് ,സോയ സോസ് ,തക്കാളി സോസ് എന്നിവ ചേര്‍ത്ത് ഒന്നുകൂടി മിക്സ്‌ ചെയ്യുക ,ഉപ്പു പോരെങ്ങില്‍ ആവശ്യത്തിന് ഉപ്പ് ചേര്ക്ക

പാവയ്ക്കകൊണ്ടും പപ്പായകൊണ്ടുമൊക്കെ പച്ചടിയുണ്ടാക്കാം. എന്നാല്‍ അല്പം മധുരമുള്ള പച്ചടി ഇഷ്ടമുള്ളവര്‍ക്കോ. അവര്‍ക്ക് പൈനാപ്പിള്‍ കൊണ്ടൊരു പച്ചടി തയ്യാറാക്കാം.
പഴുത്ത പൈനാപ്പിള്‍ ചെറുതായി മുറിച്ചത് 2 കപ്പ്
മഞ്ഞള്‍പ്പൊടി 1/2 ടീസ്പൂണ്‍
മുളകുപൊടി 1/2 ടീസ്പൂണ്‍
വെള്ളം ആവശ്യത്തിന്
തേങ്ങ ചുരണ്ടിയത്1/2 കപ്പ്
ജീരകം 1 നുള്ള്
കടുക് 1/2 ടീസ്പൂണ്‍
പച്ചമുളക്1
അധികം പുളിയില്ലാത്ത തൈര് 1 /4 കപ്പ്
എണ്ണ 1 ടേബിള്‍ സ്പൂണ്‍
കടുക്1/2 ടീസ്പൂണ്‍
കറിവേപ്പില
ഉണക്ക മുളക് 2 ,3
തയ്യാറാക്കുന്ന വിധം:
പൈനാപ്പിളില്‍ മുളക് പൊടിയും, മഞ്ഞള്‍പ്പൊടിയും ആവശ്യത്തിനു വെള്ളവും ചേര്‍ത്തു വേവിക്കുക.
വെന്തതിനു ശേഷം 3/4 ഭാഗം നന്നായി ഉടക്കുക. വെള്ളം നന്നായി വറ്റണം.
തേങ്ങയും കടുകും ജീരകവും പച്ചമുളകും സ്മൂത്തിയായി അരക്കുക. ഇത് പൈനപ്പിളില്‍ ചേര്‍ത്ത് ചെറിയ തീയില്‍ വേവിക്കുക…
പിന്നീട് തൈര് ചേര്‍ത്ത് ചെറുതായി ചൂടാക്കുക. തിളക്കുന്നതിനു മുമ്പ് ഇറക്കിവെക്കാം.
പാന്‍ ചൂടാക്കി എണ്ണ ഒഴിച്ച് കടുകിട്ട് പൊട്ടിയാല്‍ കറിവേപ്പിലയും ചുവന്ന മുളകും താളിച്ച് കറിയില്‍ ഒഴിക്കുക.
പൈനാപ്പിളിന് മധുരം കുറവാണെങ്കില്‍,പഞ്ചസാരരയോ,ശര്‍ക്കരയോ ചേര്‍ക്കണം.