Connect with us

Latest News

എന്നെ വീണ്ടും പ്രസിഡന്റാക്കുന്നില്ലെങ്കില്‍….

Published

on

വാഷിംഗ്ടണ്‍: അടുത്ത പ്രസിഡന്റ് തെരഞ്ഞെടുപ്പിലും തന്നെ തന്നെതെരഞ്ഞെടുക്കുന്നില്ലാ എങ്കില്‍ അമേരിക്കന്‍ സമ്പദ് ഘടനം തകരുമെന്ന് പ്രസിഡന്റ് ഡോണള്‍ഡ് ട്രംപ്.
2020ല്‍ നടക്കുന്ന തെരഞ്ഞെടുപ്പില്‍ തന്നെ വീണ്ടും പ്രസിഡന്റായി തെരഞ്ഞെടുത്തില്ലെങ്കില്‍ അമേരിക്കന്‍ ഓഹരി വിപണി തകര്‍ന്ന് തരിപ്പണമാവുമെന്നാണ് ട്രംപിന്റെ ഭീഷണി. ആ തകര്‍ച്ച ചരിത്രത്തില്‍ മുമ്പെങ്ങും കണ്ടിട്ടില്ലാത്ത വിധമുള്ളതായിരിക്കുമെന്നും ട്രംപ് മുന്നറിയിപ്പ് നല്‍കുന്നു. 61 ദശലക്ഷത്തിലേറെ വരുന്ന തന്റെ ട്വിറ്റര്‍ ഫോളോവേഴ്സ് മുമ്പാകെയാണ് അമേരിക്കന്‍ പ്രസിഡന്റ് ഇത്തരമൊരു മുന്നറിയിപ്പ് പങ്കുവച്ചത്.
റിപ്പബ്ലിക്കന്‍ സ്ഥാനാര്‍ഥി രണ്ടാമത് പ്രസിഡന്റ് സ്ഥാനത്തേക്ക് മല്‍സരിക്കുന്ന ട്രംപിന്റെ ഔദ്യോഗിക സ്ഥാനാര്‍ഥി പ്രഖ്യാപനത്തിനു മുന്നോടിയായാണിത്. ചൊവ്വാഴ്ച ഫ്ളോറിഡയിലെ ഓര്‍ലാന്റോയില്‍ വച്ചാണ് ട്രംപിന്റെ ഔദ്യോഗിക സ്ഥാനാര്‍ഥി പ്രഖ്യാപനം. ചൊവ്വാഴ്ച നടക്കുന്ന റിപ്പബ്ലിക്കന്‍ റാലിയില്‍ പങ്കെടുക്കാന്‍ വന്‍ജനാവലി തന്നെ എത്തിച്ചേരുമെന്നും ട്രംപ് ട്വീറ്റ് ചെയ്തു. 2018ല്‍ നാലു തവണയായി ഫെഡറല്‍ റിസര്‍വ് നികുതി നിരക്ക് വര്‍ധിപ്പിച്ചിരുന്നില്ലെങ്കില്‍ അമേരിക്കന്‍ ഓഹരി വിപണി 5000 മുതല്‍ 10,000 വരെ പോയിന്റ് ഉയരുമായിരുന്നുവെന്ന് കഴിഞ്ഞ ദിവസം ഒരു അഭിമുഖത്തില്‍ അദ്ദേഹം പറഞ്ഞിരുന്നു. സ്റ്റോക്ക് മാര്‍ക്കറ്റും താനുമായുള്ള ബന്ധത്തെ കുറിച്ച് ഇതാദ്യമായല്ല ട്രംപ് ഇത്തരം പ്രഖ്യാപനങ്ങള്‍ നടത്തുന്നത്. 2016ല്‍ തനിക്കു പകരം മറ്റാരെങ്കിലുമാണ് പ്രസിഡന്റായി തെരഞ്ഞെടുക്കപ്പെട്ടിരുന്നതെങ്കില്‍ ഓഹരി വിപണി 10,000 പോയിന്റ് താഴ്ചയിലേക്ക് പോവുമായിരുന്നുവെന്ന് ഇദ്ദേഹം നേരത്തേ പറഞ്ഞിരുന്നു. അമേരിക്കയില്‍ ഒരു സ്റ്റോക്ക് മാര്‍ക്കറ്റ് തകര്‍ച്ച കാണണമെങ്കില്‍ എന്നെ ഇംപീച്ച് ചെയ്യൂ എന്ന് കഴിഞ്ഞ ജനുവരിയിലാണ് അദ്ദേഹം വീമ്പിളക്കിയത്.
അതേസമയം, ചൈനയുമായുള്ള വ്യാപാര-വാണിജ്യ തര്‍ക്കങ്ങള്‍ രൂക്ഷമായി തുടരുന്ന സാഹചര്യത്തില്‍ അമേരിക്കന്‍ ഓഹരി വിപണി വന്‍ പ്രതിസന്ധിയെ നേരിടുന്ന സാഹചര്യത്തിലാണ് ട്രംപിന്റെ ഈ പ്രഖ്യാപനങ്ങളും ഭീഷണികളും.

Continue Reading
Click to comment

Leave a Reply

Your email address will not be published.

Latest News

തിങ്കളാഴ്ച മുതല്‍ ബാങ്കുകളില്‍ നിയന്ത്രണം

Published

on

By

തിരുവനന്തപുരം: ബാങ്കുകളില്‍ തിങ്കളാഴ്ച മുതല്‍ സേവിങ്ങ്‌സ് അക്കൗണ്ട് ഉടമകള്‍ക്ക് നിയന്ത്രണം. അക്കൗണ്ട് നമ്പറിനനുസരിച്ച് ബാങ്കില്‍ എത്താന്‍ സമയം നിശ്ചയിച്ച് സംസ്ഥാന തല ബാങ്കേഴ്‌സ് സമിതി സര്‍ക്കുലര്‍ ഇറക്കി. കോവിഡ് ജാഗ്രതയുടെ ഭാഗമായി, ഓണക്കാലത്തെ തിരക്ക് കുറയ്ക്കാനാണ് നടപടി.

0, 1, 2, 3 അക്കങ്ങളില്‍ അവസാനിക്കുന്ന സേവിങ്‌സ് അക്കൗണ്ട് ഉടമകള്‍ രാവിലെ പത്തിനും പന്ത്രണ്ടിനും ഇടയിലാണ് ബാങ്കില്‍ എത്തേണ്ടത്. 4, 5, 6, 7 അക്കങ്ങളില്‍ അക്കൗണ്ട് നമ്പര്‍ അവസാനിക്കുന്നവര്‍ പന്ത്രണ്ടിനും രണ്ടിനും ഇടയിലും 8,9 അക്കങ്ങളില്‍ അക്കൗണ്ട് നമ്പര്‍ അവസാനിക്കുന്നവര്‍ രണ്ടരയ്ക്കും നാലിനും ഇടയിലും ബാങ്കില്‍ എത്തണം.

സേവിങ്‌സ് അക്കൗണ്ടില്‍ നിന്ന് പണം പിന്‍വലിക്കുന്നതിനും നിക്ഷേപിക്കുന്നതിനും എത്തുന്നവര്‍ക്ക് നിയന്ത്രണം ബാധകമാണ്. മറ്റ് ബാങ്കിടപാടുകള്‍ക്കും വായ്പയുമായി ബന്ധപ്പെട്ട സേവനങ്ങള്‍ക്കും സമയ നിയന്ത്രണം ഇല്ല. അന്വേഷണങ്ങള്‍ക്ക് ബാങ്കിലേക്ക് ഫോണ്‍ ചെയ്താല്‍ മതി. തിങ്കള്‍ മുതല്‍ അടുത്ത മാസം 5 വരെ നിയന്ത്രണം തുടരും.

ഇടപാടുകാര്‍ ഡിജിറ്റല്‍ മാര്‍ഗങ്ങള്‍ കൂടുതല്‍ ഉപയോഗിക്കുകയും ബാങ്ക് സന്ദര്‍ശനം പരമാവധി കുറയ്ക്കുകയും വേണമെന്ന് എസ്എല്‍ബിസി അഭ്യര്‍ഥിച്ചു. കോവിഡ് പ്രതിരോധത്തിന് പ്രത്യേക നിയന്ത്രണങ്ങള്‍ ഉള്ള സ്ഥലങ്ങളില്‍ സമയത്തിന് മാറ്റമുണ്ട്. സമയക്രമം ശാഖകളില്‍ പ്രദര്‍ശിപ്പിക്കും.

Continue Reading

Latest News

സംസ്ഥാന പി.വൈ.പി.എ പ്രവർത്തകരുടെ വാഹനം അപകടത്തിൽപ്പെട്ടു. മരണത്തെ മുഖാമുഖമായി കണ്ട നിമിഷം

Published

on

By

പുനലൂർ:ഐ.പി.സി കുവൈറ്റ് പി.വൈ.പി.എ. സ്പോൺസർ ചെയ്ത ടെലിവിഷൻ സെറ്റുകൾ അഞ്ചൽ, തെന്മല തുടങ്ങിയ സ്ഥലങ്ങളിൽ വിതരണം ചെയ്യുന്നതിനായി രാവിലെ മണക്കാലയിൽ നിന്നാണ് പുറപ്പെട്ട സംസ്ഥാന പി.വൈ.പി.എ പ്രവർത്തകരാണ് തലനാരിഴയ്ക്ക് രക്ഷപെട്ടത്.
പി.വൈ.പി.എ സംസ്ഥാന സെക്രട്ടറി സുവി. ഷിബിൻ സാമുവേലിന്റെ വാഹനം ആണ് അപകടത്തിൽ പെട്ടത്. മൂന്നു കരണം മറിഞ്ഞവാഹനത്തിൽ നിന്നും അതിൽ സഞ്ചരിച്ച എല്ലാവരും അത്ഭുതകരമായി രക്ഷപ്പെട്ടു. കൂടെ വാഹനത്തിൽ ഉണ്ടായിരുന്ന സംസ്ഥാന പബ്ലിസിറ്റി കൺവീനർ പാസ്റ്റർ തോമസ് ജോർജ്ജ് കട്ടപ്പന, ജനറൽ ജോയിന്റ് കൺവീനർ ബിബിൻ കല്ലുങ്കൽ, കൊട്ടാരക്കര മേഖല ഉപാധ്യക്ഷൻ ബ്ലെസ്സൺ ബാബു എന്നിവരുമാണ് അത്ഭുതകരമായി രക്ഷപെട്ടത്. മരണത്തെ മുഖാമുഖമായി കണ്ട നിമിഷങ്ങൾ എന്നാണ് രക്ഷപെട്ടതിനു ശേഷം പ്രവർത്തകർ പങ്കുവച്ചത്. തൊട്ടു പുറകെ വാഹനത്തിൽ വന്ന കൂട്ട് പ്രവർത്തകരായ പാസ്റ്റർ ജെറി പൂവക്കാല, കോട്ടയം മേഖല അധ്യക്ഷൻ പാസ്റ്റർ ഷാൻസ് ബേബി, പത്തനംതിട്ട മേഖല അധ്യക്ഷൻ ബെൻസൺ തോമസ് റാന്നി എന്നിവരും നാട്ടുകാരും ചേർന്നാണ് രക്ഷാപ്രവർത്തനം നടത്തിയത്. വാഹനത്തിന് സാരമായ കേടുപാടുകളുണ്ട്.

Continue Reading

Latest News

പാസ്റ്ററുടെ പിതാവ് വൈദ്യുത ആഘാതമേറ്റ് നിത്യതയിൽ..

Published

on

By

പാസ്റ്ററുടെ പിതാവ് വൈദ്യുത ആഘാതമേറ്റ് നിത്യതയിൽ..

വൈദ്യുത ആഘാതമേറ്റ് നിത്യതയിൽ
പുനലൂർ: പേപ്പർമിൽ കാഞ്ഞിരമലയിൽ ബേസിൽ(60) ഇന്ന് (29-06-20)രാവിലെ വൈദ്യുതാഘാതമേറ്റ് നിര്യാതനായി.ഐ പി സി പുത്തൂർക്കര ചർച്ച് മെമ്പറും കൊല്ലം നോർത്ത് സെന്ററിലെ ശുശ്രൂഷകൻ സുവി ബാലാജി (ബൈജു )വിന്റെ പിതാവാണ് സംസ്കാര ശുശ്രൂഷ പിന്നീട്
സംസ്കാര ശുശ്രൂഷ ഇന്ന് 2 ന് ഭവനത്തിലെ ശുശ്രൂഷയ്ക്ക് ശേഷം പ്ലാച്ചേരി സെമിത്തേരിയിൽ
വാർത്ത: സാജൻ_ഈശോ_പ്ലാച്ചേരി

Continue Reading

Trending

Copyright © 2021 Faithtrack , Developed by CloudStorey