Connect with us

Latest News

പാസ്റ്ററെ കൊലപ്പെടുത്തിയ പ്രതിയുടെ വധശിക്ഷ നടപ്പാക്കി.

Published

on


അലബാമ : കവര്‍ച്ചാശ്രമത്തിനിടയില്‍ ചര്‍ച്ച് ഓഫ് ക്രൈസ്റ്റ് പാസ്റ്റര്‍ ബില്‍ ലിന്നിനെ മുപ്പതിലധികം തവണ കുത്തി കൊലപ്പെടുത്തിയ പ്രതി ക്രിസ്റ്റഫര്‍ ലി പ്രൈസിന്റെ (46) വധശിക്ഷ മേയ് 30 വ്യാഴാഴ്ച രാത്രി 8.30 അലബാമ ഹോള്‍മാന്‍ ജയിലില്‍ നടപ്പാക്കി.

സംസ്ഥാനത്ത് രണ്ടാഴ്ചയ്ക്കുള്ളില്‍ നടപ്പാക്കുന്ന രണ്ടാമത്തെ വധശിക്ഷയാണിത്. ഒരു മാസം മുമ്പ് വധശിക്ഷക്കുള്ള തീയതി നിശ്ചയിച്ചിരുന്നുവെങ്കിലും നൈട്രജന്‍ ഗ്യാസ് ഉപയോഗിച്ച് ശിക്ഷ നടപ്പാക്കണമെന്ന പ്രതിയുടെ ആവശ്യത്തിന്മേല്‍ കോടതി തീരുമാനം വൈകിയതാണ് മേയ് 30 ലേക്ക് മാറ്റിയത്. അപേക്ഷ സമര്‍പ്പിക്കുന്നതിനുള്ള സമയം വൈകി പോയതായി കോടതി കണ്ടെത്തിയതിനെ തുടര്‍ന്ന് പ്രതിയുടെ അപേക്ഷ കോടതി തള്ളിയിരുന്നു.

1991 ഡിസംബര്‍ 22 നായിരുന്നു കേസിനാസ്പദമായ സംഭവം. പാസ്റ്ററും ഭാര്യയും പേരക്കുട്ടികള്‍ക്ക് ക്രിസ്മസ് സമ്മാനങ്ങള്‍ തയ്യാറാക്കുന്നതിനിടയില്‍ വൈദ്യുതി ബന്ധം നിലച്ചു. കാരണം കണ്ടെത്തുന്നതിന് പാസ്റ്റര്‍ പുറത്തിറങ്ങി. പുറത്തു പാസ്റ്ററുടെ നിലവിളി കേട്ട് ഭാര്യ നോക്കിയപ്പോള്‍ കറുത്ത വസ്ത്രം ധരിച്ച രണ്ടു പേരില്‍ ഒരാള്‍ അദ്ദേഹത്തെ നിര്‍ദയം വാളുകൊണ്ട് വെട്ടുന്നതും കുത്തുന്നതുമാണ് കണ്ടത്.

രക്തത്തില്‍ കുളിച്ചു കിടന്നിരുന്ന ഭര്‍ത്താവിനെ രക്ഷിക്കാന്‍ ശ്രമിച്ച ഭാര്യയേയും വെറുതെ വിട്ടില്ല. അവരേയും ആക്രമിച്ചു ആഭരണങ്ങള്‍ തട്ടിയെടുത്താണ് പ്രതികള്‍ രക്ഷപ്പെട്ടത്. ഇതില്‍ ഒരു പ്രതി കെല്‍വിന്‍ കോള്‍മാനെ നേരത്തെ ജീവപര്യന്തം ശിക്ഷിച്ചിരുന്നു. പ്രധാന പ്രതിയായി ജൂറി കണ്ടെത്തിയ ക്രിസ്റ്റഫറിനെ വധശിക്ഷക്കു വിധിക്കുകയായിരുന്നു.

മാരകമായ വിഷം സിരകളിലേക്ക് പ്രവേശിപ്പിക്കുന്നതിനു മുമ്പു ചെയ്തു പോയ കുറ്റത്തിന് പാസ്റ്ററുടെ കുടുംബാംഗങ്ങളോടു പ്രതി മാപ്പപേക്ഷിച്ചിരുന്നു. 2018 ല്‍ അലബാമയില്‍ നൈട്രജന്‍ ഗ്യാസ് ഉപയോഗിച്ച് വധശിക്ഷ അംഗീകരിച്ചിരുന്നു. വിഷം കുത്തിവച്ചുള്ള വധശിക്ഷയ്‌ക്കെതിരെ പ്രതിഷേധം ഉയരുമ്പോഴും വധശിക്ഷ നടപ്പാക്കുന്നത് നിര്‍ബാധം തുടരും.

കടപ്പാട്‌:പി.പി. ചെറിയാന്‍.( usmalayali )

Continue Reading
Click to comment

Leave a Reply

Your email address will not be published.

Latest News

തിങ്കളാഴ്ച മുതല്‍ ബാങ്കുകളില്‍ നിയന്ത്രണം

Published

on

By

തിരുവനന്തപുരം: ബാങ്കുകളില്‍ തിങ്കളാഴ്ച മുതല്‍ സേവിങ്ങ്‌സ് അക്കൗണ്ട് ഉടമകള്‍ക്ക് നിയന്ത്രണം. അക്കൗണ്ട് നമ്പറിനനുസരിച്ച് ബാങ്കില്‍ എത്താന്‍ സമയം നിശ്ചയിച്ച് സംസ്ഥാന തല ബാങ്കേഴ്‌സ് സമിതി സര്‍ക്കുലര്‍ ഇറക്കി. കോവിഡ് ജാഗ്രതയുടെ ഭാഗമായി, ഓണക്കാലത്തെ തിരക്ക് കുറയ്ക്കാനാണ് നടപടി.

0, 1, 2, 3 അക്കങ്ങളില്‍ അവസാനിക്കുന്ന സേവിങ്‌സ് അക്കൗണ്ട് ഉടമകള്‍ രാവിലെ പത്തിനും പന്ത്രണ്ടിനും ഇടയിലാണ് ബാങ്കില്‍ എത്തേണ്ടത്. 4, 5, 6, 7 അക്കങ്ങളില്‍ അക്കൗണ്ട് നമ്പര്‍ അവസാനിക്കുന്നവര്‍ പന്ത്രണ്ടിനും രണ്ടിനും ഇടയിലും 8,9 അക്കങ്ങളില്‍ അക്കൗണ്ട് നമ്പര്‍ അവസാനിക്കുന്നവര്‍ രണ്ടരയ്ക്കും നാലിനും ഇടയിലും ബാങ്കില്‍ എത്തണം.

സേവിങ്‌സ് അക്കൗണ്ടില്‍ നിന്ന് പണം പിന്‍വലിക്കുന്നതിനും നിക്ഷേപിക്കുന്നതിനും എത്തുന്നവര്‍ക്ക് നിയന്ത്രണം ബാധകമാണ്. മറ്റ് ബാങ്കിടപാടുകള്‍ക്കും വായ്പയുമായി ബന്ധപ്പെട്ട സേവനങ്ങള്‍ക്കും സമയ നിയന്ത്രണം ഇല്ല. അന്വേഷണങ്ങള്‍ക്ക് ബാങ്കിലേക്ക് ഫോണ്‍ ചെയ്താല്‍ മതി. തിങ്കള്‍ മുതല്‍ അടുത്ത മാസം 5 വരെ നിയന്ത്രണം തുടരും.

ഇടപാടുകാര്‍ ഡിജിറ്റല്‍ മാര്‍ഗങ്ങള്‍ കൂടുതല്‍ ഉപയോഗിക്കുകയും ബാങ്ക് സന്ദര്‍ശനം പരമാവധി കുറയ്ക്കുകയും വേണമെന്ന് എസ്എല്‍ബിസി അഭ്യര്‍ഥിച്ചു. കോവിഡ് പ്രതിരോധത്തിന് പ്രത്യേക നിയന്ത്രണങ്ങള്‍ ഉള്ള സ്ഥലങ്ങളില്‍ സമയത്തിന് മാറ്റമുണ്ട്. സമയക്രമം ശാഖകളില്‍ പ്രദര്‍ശിപ്പിക്കും.

Continue Reading

Latest News

സംസ്ഥാന പി.വൈ.പി.എ പ്രവർത്തകരുടെ വാഹനം അപകടത്തിൽപ്പെട്ടു. മരണത്തെ മുഖാമുഖമായി കണ്ട നിമിഷം

Published

on

By

പുനലൂർ:ഐ.പി.സി കുവൈറ്റ് പി.വൈ.പി.എ. സ്പോൺസർ ചെയ്ത ടെലിവിഷൻ സെറ്റുകൾ അഞ്ചൽ, തെന്മല തുടങ്ങിയ സ്ഥലങ്ങളിൽ വിതരണം ചെയ്യുന്നതിനായി രാവിലെ മണക്കാലയിൽ നിന്നാണ് പുറപ്പെട്ട സംസ്ഥാന പി.വൈ.പി.എ പ്രവർത്തകരാണ് തലനാരിഴയ്ക്ക് രക്ഷപെട്ടത്.
പി.വൈ.പി.എ സംസ്ഥാന സെക്രട്ടറി സുവി. ഷിബിൻ സാമുവേലിന്റെ വാഹനം ആണ് അപകടത്തിൽ പെട്ടത്. മൂന്നു കരണം മറിഞ്ഞവാഹനത്തിൽ നിന്നും അതിൽ സഞ്ചരിച്ച എല്ലാവരും അത്ഭുതകരമായി രക്ഷപ്പെട്ടു. കൂടെ വാഹനത്തിൽ ഉണ്ടായിരുന്ന സംസ്ഥാന പബ്ലിസിറ്റി കൺവീനർ പാസ്റ്റർ തോമസ് ജോർജ്ജ് കട്ടപ്പന, ജനറൽ ജോയിന്റ് കൺവീനർ ബിബിൻ കല്ലുങ്കൽ, കൊട്ടാരക്കര മേഖല ഉപാധ്യക്ഷൻ ബ്ലെസ്സൺ ബാബു എന്നിവരുമാണ് അത്ഭുതകരമായി രക്ഷപെട്ടത്. മരണത്തെ മുഖാമുഖമായി കണ്ട നിമിഷങ്ങൾ എന്നാണ് രക്ഷപെട്ടതിനു ശേഷം പ്രവർത്തകർ പങ്കുവച്ചത്. തൊട്ടു പുറകെ വാഹനത്തിൽ വന്ന കൂട്ട് പ്രവർത്തകരായ പാസ്റ്റർ ജെറി പൂവക്കാല, കോട്ടയം മേഖല അധ്യക്ഷൻ പാസ്റ്റർ ഷാൻസ് ബേബി, പത്തനംതിട്ട മേഖല അധ്യക്ഷൻ ബെൻസൺ തോമസ് റാന്നി എന്നിവരും നാട്ടുകാരും ചേർന്നാണ് രക്ഷാപ്രവർത്തനം നടത്തിയത്. വാഹനത്തിന് സാരമായ കേടുപാടുകളുണ്ട്.

Continue Reading

Latest News

പാസ്റ്ററുടെ പിതാവ് വൈദ്യുത ആഘാതമേറ്റ് നിത്യതയിൽ..

Published

on

By

പാസ്റ്ററുടെ പിതാവ് വൈദ്യുത ആഘാതമേറ്റ് നിത്യതയിൽ..

വൈദ്യുത ആഘാതമേറ്റ് നിത്യതയിൽ
പുനലൂർ: പേപ്പർമിൽ കാഞ്ഞിരമലയിൽ ബേസിൽ(60) ഇന്ന് (29-06-20)രാവിലെ വൈദ്യുതാഘാതമേറ്റ് നിര്യാതനായി.ഐ പി സി പുത്തൂർക്കര ചർച്ച് മെമ്പറും കൊല്ലം നോർത്ത് സെന്ററിലെ ശുശ്രൂഷകൻ സുവി ബാലാജി (ബൈജു )വിന്റെ പിതാവാണ് സംസ്കാര ശുശ്രൂഷ പിന്നീട്
സംസ്കാര ശുശ്രൂഷ ഇന്ന് 2 ന് ഭവനത്തിലെ ശുശ്രൂഷയ്ക്ക് ശേഷം പ്ലാച്ചേരി സെമിത്തേരിയിൽ
വാർത്ത: സാജൻ_ഈശോ_പ്ലാച്ചേരി

Continue Reading

Trending

Copyright © 2021 Faithtrack , Developed by CloudStorey