Connect with us

Uncategorized

ഐ.പി.സി കുടുംബ സംഗമത്തിന്റെ യോഗവും സംഗീത സായ്ഹാനവും

Published

on

ഒര്‍ലാന്റോ : 2019 ജൂലൈ 25 മുതല്‍ 28 വരെ ഫ്‌ലോറിഡയിലെ ഒര്‍ലാന്റോ പട്ടണത്തില്‍ വെച്ച് നടത്തപ്പെടുന്ന പതിനോഴാമത് നോര്‍ത്ത് അമേരിക്കന്‍ ഐ.പി.സി കുടുംബ സംഗമത്തിന്റെ പ്രമോഷണല്‍ യോഗങ്ങളുടെ ഭാഗമായുള്ള രജിസ്‌ട്രേഷന്‍ സ്വീകരിക്കലും സംഗീത ശുശ്രൂഷയും മാര്‍ച്ച് 24ന് ഞായറാഴ്ച വൈകിട്ട് 5 ന് ഐ.പി.സി ഫിലദല്‍ഫിയ ദൈവസഭയില്‍ വെച്ച് നടത്തപ്പെടും. അനുഗ്രഹീത പ്രഭാഷകരായ പാസ്റ്റര്‍ സിബി വര്‍ഗീസ്, സുവിശേഷകന്‍ ജോബി വര്‍ഗീസ് എന്നിവര്‍ ദൈവവചന പ്രഭാഷണം നടത്തും. രാജേഷ് ചെങ്ങന്നൂരിന്റെ നേതൃത്വത്തില്‍ ഐ.പി.സി ക്വയര്‍ ഗാനങ്ങള്‍ ആലപിക്കും. ദേശീയ ഭാരവാഹികളായ പാസ്റ്റര്‍ ആന്റണി റോക്കി (ചെയര്‍മാന്‍), ബ്രദര്‍ സി.എം. ഏബ്രഹാം (സെക്രട്ടറി), ബ്രദര്‍ ജോണ്‍സണ്‍ ഏബ്രഹാം (ട്രഷറാര്‍), ഫിന്‍ലി വര്‍ഗീസ് (യൂത്ത് കോര്‍ഡിനേറ്റര്‍), എന്നിവര്‍ കോണ്‍ഫ്രന്‍സിന്റെ ഇതുവരെയുള്ള പ്രവര്‍ത്തന പദ്ധതികള്‍ വിശദികരിച്ച് സംസാരിക്കും. സംസ്ഥാന പ്രതിനിധി വര്‍ഗീസ് പ്ലാമൂട്ടില്‍, പാസ്റ്റര്‍ തോമസ് മാത്യൂ, സുനില്‍ സാമുവേല്‍, ബെല്‍വിന്‍ ചാക്കോ തുടങ്ങിയവര്‍ നേതൃത്വം നല്‍കും. എല്ലാ വ്യാഴാഴ്ചകളിലും 9 വൈകിട്ട് 10 വരെ (EST) പ്രത്യേക പ്രാര്‍ത്ഥനയ്ക്കായി വേര്‍തിരിച്ചിട്ടുണ്ട്. 16054725249 എന്ന ഫോണ്‍ നമ്പറിലൂടെ 790379 എന്ന ആക്‌സസ് കോഡ് നല്‍കി പ്രാര്‍ത്ഥനാ ലൈനില്‍ പ്രവേശിക്കാം. കൂടുതല്‍ വിവരങ്ങള്‍ക്കും രജിസ്‌ട്രേഷനും www.ipcfamilyconference.org എന്ന വെബ്‌സൈറ്റ് സന്ദര്‍ശിക്കാവുന്നതാണ്. ഏപ്രില്‍ 25 നകം രജിസ്റ്റര്‍ ചെയ്യുന്നവര്‍ക്ക് കുറഞ്ഞ നിരക്കുകള്‍ ലഭ്യമായിരിക്കുമെന്ന് ഭാരവാഹികള്‍ അറിയിച്ചു.

Continue Reading
Click to comment

Leave a Reply

Your email address will not be published.

Uncategorized

*ഓൺലൈൻ മീറ്റിംഗ്*justin george kayamkulam

Published

on

By

കൂടുതൽ ആളുകളെ ഉൾക്കൊള്ളിച്ചു കൊണ്ട് പേർസണൽ ലൈവ് ആയി മീറ്റിംഗ് നടത്താനുള്ള ആധുനിക രീതി ഈ കാലഘട്ടത്തിൽ വളരെ പ്രയോജനപ്പെടുന്നുണ്ട്.
എല്ലാവർക്കും ഒന്നിച്ചു കൂടാൻ കഴിയാത്ത സ്ഥിതിക്ക് അത് ഉപയോഗിക്കുന്നതിൽ തെറ്റുമില്ല. സാങ്കേതിക വിദ്യയുടെ നല്ല വശങ്ങൾ പരമാവധി ഉപയോഗപ്പെടുത്തുക.

പലരും കുറ്റപ്പെടുത്തുന്നത് കണ്ടു. വീട്ടിൽ ഇരുന്നു പ്രാർത്ഥിച്ചാൽ പോരെ? ആത്മീയ അന്തരീക്ഷം കിട്ടുമോ? , ഓൺ ചെയ്തിട്ട് മീൻ നോക്കാൻ പോകും, ശ്രദ്ധിക്കില്ല എന്നൊക്കെ.
അതിപ്പോൾ സഭാഹാളിൽ കൂടി വന്നാലും ഇരുന്നു ഉറങ്ങുന്നവർ, ഫോണിൽ കളിക്കുന്നവർ, ശ്രദ്ധിക്കാതെ വർത്തമാനം പറയുന്നവർ, കുഞ്ഞുങ്ങളെ കളിപ്പിക്കുന്നവർ, ഇടയ്ക്ക് പുറത്തിറങ്ങി വെള്ളം കുടിക്കാനും പോകുന്നവർ ഒക്കെയുണ്ടല്ലോ.
അങ്ങനെയുള്ള ചിലർ ഇതിലും അത് പിന്തുടരും അത്രേയുള്ളൂ

എന്നാൽ ആവലോടെ ശ്രദ്ധിക്കുന്നവർ ഫോൺ അല്ലെങ്കിൽ കംപ്യൂട്ടറിൽ എല്ലാവരെയും കാണാം എന്ന് ചിന്തിക്കുകയും ദൈവസാന്നിധ്യത്തിൽ ആയിരിക്കുകയും ചെയ്യുന്നുണ്ട്. പ്രാർത്ഥിക്കുന്നുണ്ട്, ദൈവവചനം കേൾക്കുന്നുണ്ട്.
മറ്റാർക്കും ശല്യം ഇല്ലാതെ, നാട്ടുകാരെ വെറുപ്പിക്കാതെ ഓരോ ലോക്കൽ സഭകളിലെയും വിശ്വാസികൾ മാത്രമുള്ള ഓൺലൈൻ മീറ്റിങ്ങുകൾ ഫലവത്താണ്.
ആരൊക്കെ വിമർശിച്ചാലും അത് ചെയ്യുന്നവർ തുടരുക.

പിന്നെ 24 മണിക്കൂറും ആരും ഓൺലൈൻ മീറ്റിങ്ങിൽ അല്ല. ഏറിയാൽ ഒന്ന് അല്ലെങ്കിൽ രണ്ട് മണിക്കൂർ. ബാക്കി സമയങ്ങൾ വ്യക്‌തിപരമായ പ്രാർത്ഥനയ്ക്കും, ധ്യാനത്തിനും, ദൈവത്തോട് അടുക്കുവാനും ഒക്കെ കഴിയും.

ഹാക്ക് ചെയ്തു കൊണ്ട് പോകാൻ അന്താരഷ്ട്ര രഹസ്യ സ്വഭാവങ്ങൾ ഉള്ള കാര്യങ്ങൾ അല്ലല്ലോ നമ്മൾ ചെയ്യുന്നത്.
Zoom അല്ലെങ്കിൽ മറ്റ് ഏത് അപ്ലിക്കേഷൻ വേണമെങ്കിലും നമ്മുടെ ഫോണിലെ വിവരങ്ങൾ ചോർത്തിയേക്കാം. ഈ കാലത്ത് ഒന്നും സുരക്ഷിതമല്ല. അല്ലെങ്കിൽ തന്നെ മടിയിൽ കനമില്ലാത്തവർ വഴിയിൽ പേടിക്കേണ്ട കാര്യവുമില്ല.

അത് കൊണ്ട് കിട്ടുന്ന അവസരം ദൈവമക്കൾക്ക് ഒന്നിച്ചു കാണാനും, സംസാരിക്കാനും, കൂട്ടായ്മ കൂടാനുമുള്ള ഇന്നത്തെ സാങ്കേതിക വിദ്യകൾ പരമാവധി ഉപയോഗിക്കുക.

പല സഭകളും ഇപ്പോൾ എല്ലാ ദിവസവും അല്പം സമയം എങ്കിലും ഓൺലൈൻ മീറ്റിങ്ങുകൾ നടത്താറുണ്ട്. അത് അവർക്ക് ആത്മീയ സന്തോഷം നൽകുകയും സ്നേഹ ബന്ധം ഊട്ടിയുറപ്പിക്കാൻ കാരണം ആവുകയും ചെയ്യുന്നുണ്ട്.

Nb. ഈ സാങ്കേതിക വിദ്യകൾ തെറ്റാണെന്നു പറയുന്നവർ ഇതേ സാങ്കേതിക വിദ്യയിലുള്ള സോഷ്യൽ മീഡിയയിൽ കൂടി അത് വിമർശിക്കുന്നതും, ഉപയോഗിക്കുന്നതും കൂടെ നിർത്തി മാതൃക കാണിച്ചെങ്കിൽ നല്ലതായിരുന്നു.

✍️ 𝑬𝒗𝒈. 𝑱𝒖𝒔𝒕𝒊𝒏 𝑮𝒆𝒐𝒓𝒈𝒆 𝑲𝒂𝒚𝒂𝒎𝒌𝒖𝒍𝒂𝒎

Continue Reading

Latest News

ദുരുപദേശക്കാരെ പടിയ്ക്ക് പുറത്ത് നിർത്തു… ഐ.പി.സി. ജനറൽ കൗൺസിൽ

Published

on

By

ദുരുപദേശക്കാരെ പടിയ്ക്ക് പുറത്ത് നിർത്തു… ഐ.പി.സി. ജനറൽ കൗൺസിൽ

Continue Reading

Uncategorized

ഐ.പി.സി ഫാമിലി കോൺഫറൻസിൽ കുട്ടികൾക്കായി “ROAR ” വിബിഎസ്

Published

on

By

ഫ്ളോറിഡ: ജൂലൈ 25 മുതൽ 28 വരെ ഒർലാന്റോ ഡബിൾ ട്രീ ഹോട്ടൽ സമുച്ചയത്തിൽ വെച്ച് നടത്തപ്പെടുന്ന ഇന്ത്യാ പെന്തക്കോസ്ത് ദൈവസഭയുടെ കുടുംബ സംഗമത്തോടനുബദ്ധിച്ച് 17 മത് ഐപിസി ഫാമിലി കോൺഫറൻസിൽ ചിൽഡ്രൻസ് മിനിസ്ട്രിയുടെ നേത്യത്വത്തിൽ കുട്ടികൾക്കായി “ROAR ” എന്ന വിബിഎസ് തീം സെഷനുകൾ നടത്തുമെന്ന് കോർഡിനേറ്റർ ജിനോ സ്റ്റീഫൻ അറിയിച്ചു.

ജീവിതം വന്യമാണ്, ദൈവം നല്ലവനാണ്! എന്നതായ വിഷയത്തെ ആസ്പദമാക്കിയുള്ള ഓരോ സെഷനും ജൂലൈ 25 വ്യാഴാഴ്ച വൈകുന്നേരം മുതൽ 28 ഞായറാഴ്ച രാവിലെ വരെ മലയാളം പ്രധാന സെക്ഷനു അനുസൃതമായി നടക്കും. 5 മുതൽ 10 വയസ്സുവരെയുള്ള കുട്ടികൾക്ക് ഓരോ സെഷനിലും പങ്കെടുക്കാം. ഐപിസി ഫാമിലി കോൺഫറൻസ് വെബ്സൈറ്റ് വഴി മുൻകൂട്ടി രജിസ്ട്രേഷൻ ലഭ്യമാണ്. ശനിയാഴ്ച പകൽ “ഇഗ്നൈറ്റ് യുവർ ലൈറ്റ് കിഡ്സ്” എന്ന പ്രത്യേക വിനോദ പരിപാടികളും ഉണ്ടായിരിക്കുമെന്ന് ടീം കോർഡിനേറ്റർ അറിയിച്ചു.

കൂടുതൽ വിവരങ്ങൾക്ക്: https://ipcfamilyconference.org/

വാർത്ത: നിബു വെള്ളവന്താനം

Continue Reading

Trending

Copyright © 2021 Faithtrack , Developed by CloudStorey