Connect with us

Latest News

ഇന്ത്യയില്‍ പണമിടപാട് വിപ്ലവം; മൊബൈല്‍ മുന്നില്‍

Published

on

ഇന്ത്യയിലെ ഡിജിറ്റല്‍ പണമിടപാട് വിപ്ലവം വ്യത്യസ്തമായൊരു പാതയിലൂടെയാണ് മുന്നേറുന്നത്. പണരഹിത ഇടപാടുകളുടെ ഏറ്റവും വലിയ ഉറവിടമായി മൊബൈല്‍ ഫോണുകള്‍ മാറിയിരിക്കുന്നു. ചില്ലറ ഇടപാടുകളില്‍പ്പോലും പോയിന്റ് ഓഫ് സേല്‍ (പിഒഎസ്) മെഷീനുകളില്‍ കാര്‍ഡുകള്‍ സൈ്വപ് ചെയ്യുന്നതിനേക്കാള്‍ മൊബൈല്‍ ഫോണുകളിലൂടെയാണ് കസ്റ്റമര്‍മാര്‍ പണം നല്‍കുന്നത്. നോട്ടു നിരോധനത്തേക്കാളുപരി ചരക്കുസേവന നികുതി (ജിഎസ്ടി) നടപ്പാക്കിയതാണ് ഇന്ത്യന്‍ സമ്പദ്ഘടനയില്‍ ഡിജിറ്റല്‍ പണമിടപാടുകള്‍ക്കുള്ള പ്രോത്സാഹനമായി മാറിയത്. നോട്ടുനിരോധനം ഉണ്ടായപ്പോള്‍ ദൈനംദിന ആവശ്യങ്ങള്‍ക്കായി ആളുകള്‍ പണരഹിത ഇടപാടുകളിലേക്കു മാറിയിരുന്നു.
ചില്ലറ ഇടപാടുകള്‍ക്ക് ഡിജിറ്റല്‍ രീതികളുടെ മൂല്യം വര്‍ധിച്ചപ്പോള്‍ എടിഎമ്മുകളില്‍ നിന്നുമുള്ള പണം പിന്‍വലിക്കല്‍ ഗണ്യമായി കുറഞ്ഞു. ഡിജിറ്റല്‍ രീതികളില്‍ പിഒഎസ് മെഷീനുകളിലൂടെ ക്രെഡിറ്റ്/ഡെബിറ്റ് കാര്‍ഡുകള്‍ ഉപയോഗിച്ചുള്ള പണം കൈമാറല്‍, യൂണിഫൈഡ് പേയ്‌മെന്റ്‌സ് ഇന്റര്‍ഫേസ് (യുപിഐ), അണ്‍സ്ട്രക്‌ചെഡ് സപ്ലിമെന്ററി സര്‍വീസ് ഡേറ്റ (യുഎസ്ഡിഡി), പ്രീപെയ്ഡ് പേയ്‌മെന്റ് ഇന്‍സ്ട്രുമെന്റസ് (പിപിഐ), മൊബൈല്‍ ബാങ്കിങ് എന്നിവ ഉള്‍പ്പെടുന്നു. എന്നാല്‍ പണം വീണ്ടും സുലഭമായതോടെ ഡിജിറ്റല്‍ പണമിടപാടുകളില്‍ കുറവ് സംഭവിച്ചു. 2017 ജൂലൈയില്‍ ഡിജിറ്റല്‍ പണമിടപാടുകളേക്കാള്‍ കൂടുതല്‍ എടിഎമ്മുകളില്‍നിന്നും പണം പിന്‍വലിക്കപ്പെട്ടു. ജിഎസ്ടി നടപ്പാക്കിയതും അതേ മാസത്തിലായിരുന്നു. 2018 മെയ് ആയപ്പോഴേക്കും വീണ്ടും എടിഎം പിന്‍വലിക്കലിനേക്കാള്‍ ഡിജിറ്റല്‍ പണമിടപാടുകള്‍ മുന്നിലെത്തി. ഇന്ത്യയുടെ ഡിജിറ്റല്‍ പണമിടപാടില്‍ത്തന്നെ സംഭവിക്കുന്ന മാറ്റങ്ങളാണ് അതിലും കൗതുകകരം. 2011-12ല്‍ പിഒഎസ് മെഷീനുകളില്‍ ക്രെഡിറ്റ്കാര്‍ഡ് ഉപയോഗിച്ച് നടത്തിയ ഇടപാടുകളുടെ മൂല്യം 60%ത്തില്‍ കൂടുതലായിരുന്നു. ക്രെഡിറ്റ് കാര്‍ഡുകള്‍ പൊതുവില്‍ സാമ്പത്തികമായി മെച്ചപ്പെട്ടവരാണ് ഉപയോഗിക്കുന്നത്. ക്രെഡിറ്റ് കാര്‍ഡ് ലഭിക്കണമെങ്കില്‍ നല്ല വരുമാനം ആവശ്യമാണ്. ഏറ്റവുമൊടുവില്‍ ലഭ്യമായ 2018 ഓഗസ്റ്റിലെ കണക്കുകള്‍ പ്രകാരം ഡിജിറ്റല്‍ പണമിടപാടുകളില്‍ ക്രെഡിറ്റ് കാര്‍ഡുകള്‍ മുഖേനയുള്ളത് 18.3%മായി കുറഞ്ഞു. നോട്ടുനിരോധനത്തിന് മുമ്പുള്ള മാസമായ 2016 ഒക്ടോബറില്‍ 17.4% മൂല്യത്തിന്റെ ഇടപാടുകളായിരുന്നു ക്രെഡിറ്റ് കാര്‍ഡ് ഉപയോഗിച്ച് നടന്നത്.
പണരഹിത ഇടപാടുകളില്‍ തുടരെയുണ്ടാകുന്ന ഈ മാറ്റങ്ങള്‍ക്ക് കാരണം അതിനായി മെച്ചപ്പെട്ട മാര്‍ഗങ്ങള്‍ തേടുന്നതാണ്. ഇവിടെയാണ് മൊബൈല്‍ ഫോണുകള്‍ അവയുടെ പങ്ക് വഹിക്കുന്നത്. പണരഹിത ഇടപാടുകള്‍ കൂടുതലും പിഒഎസ് ഇതര മാര്‍ഗങ്ങളിലേക്കു മാറുകയാണ്. ഡെബിറ്റ്/ക്രെഡിറ്റ് കാര്‍ഡുകള്‍ ഉപയോഗപ്പെടുത്തി പിഒഎസ് മെഷീനുകളിലൂടെ നടത്തുന്നതിന്റെ ഇരട്ടി മൂല്യത്തിലുള്ള തുകയുടെ ഇടപാടുകളാണ് പിഒഎസ് ഇതര മാര്‍ഗങ്ങളില്‍ നടക്കുന്നത്. ഈയൊരു മാറ്റത്തിന്റെ പ്രധാന കാരണം ഓണ്‍ലൈന്‍ പേമെന്റ് ഉള്‍പ്പടെയുള്ള ഇവാണിജ്യത്തിന്റെ വളര്‍ച്ചയാണ്. കൂടുതല്‍ കൂടുതല്‍ സ്ഥാപനങ്ങള്‍ ഡിജിറ്റല്‍ പേയ്‌മെന്റ് രംഗത്തേക്ക് കടന്നുവരുമ്പോള്‍ ലഭിക്കുന്ന ക്യാഷ് ഇന്‍സെന്റീവുകളും ഗണ്യമായി വര്‍ദ്ധിക്കുന്നു.


Continue Reading
Click to comment

Leave a Reply

Your email address will not be published.

Latest News

തിങ്കളാഴ്ച മുതല്‍ ബാങ്കുകളില്‍ നിയന്ത്രണം

Published

on

By

തിരുവനന്തപുരം: ബാങ്കുകളില്‍ തിങ്കളാഴ്ച മുതല്‍ സേവിങ്ങ്‌സ് അക്കൗണ്ട് ഉടമകള്‍ക്ക് നിയന്ത്രണം. അക്കൗണ്ട് നമ്പറിനനുസരിച്ച് ബാങ്കില്‍ എത്താന്‍ സമയം നിശ്ചയിച്ച് സംസ്ഥാന തല ബാങ്കേഴ്‌സ് സമിതി സര്‍ക്കുലര്‍ ഇറക്കി. കോവിഡ് ജാഗ്രതയുടെ ഭാഗമായി, ഓണക്കാലത്തെ തിരക്ക് കുറയ്ക്കാനാണ് നടപടി.

0, 1, 2, 3 അക്കങ്ങളില്‍ അവസാനിക്കുന്ന സേവിങ്‌സ് അക്കൗണ്ട് ഉടമകള്‍ രാവിലെ പത്തിനും പന്ത്രണ്ടിനും ഇടയിലാണ് ബാങ്കില്‍ എത്തേണ്ടത്. 4, 5, 6, 7 അക്കങ്ങളില്‍ അക്കൗണ്ട് നമ്പര്‍ അവസാനിക്കുന്നവര്‍ പന്ത്രണ്ടിനും രണ്ടിനും ഇടയിലും 8,9 അക്കങ്ങളില്‍ അക്കൗണ്ട് നമ്പര്‍ അവസാനിക്കുന്നവര്‍ രണ്ടരയ്ക്കും നാലിനും ഇടയിലും ബാങ്കില്‍ എത്തണം.

സേവിങ്‌സ് അക്കൗണ്ടില്‍ നിന്ന് പണം പിന്‍വലിക്കുന്നതിനും നിക്ഷേപിക്കുന്നതിനും എത്തുന്നവര്‍ക്ക് നിയന്ത്രണം ബാധകമാണ്. മറ്റ് ബാങ്കിടപാടുകള്‍ക്കും വായ്പയുമായി ബന്ധപ്പെട്ട സേവനങ്ങള്‍ക്കും സമയ നിയന്ത്രണം ഇല്ല. അന്വേഷണങ്ങള്‍ക്ക് ബാങ്കിലേക്ക് ഫോണ്‍ ചെയ്താല്‍ മതി. തിങ്കള്‍ മുതല്‍ അടുത്ത മാസം 5 വരെ നിയന്ത്രണം തുടരും.

ഇടപാടുകാര്‍ ഡിജിറ്റല്‍ മാര്‍ഗങ്ങള്‍ കൂടുതല്‍ ഉപയോഗിക്കുകയും ബാങ്ക് സന്ദര്‍ശനം പരമാവധി കുറയ്ക്കുകയും വേണമെന്ന് എസ്എല്‍ബിസി അഭ്യര്‍ഥിച്ചു. കോവിഡ് പ്രതിരോധത്തിന് പ്രത്യേക നിയന്ത്രണങ്ങള്‍ ഉള്ള സ്ഥലങ്ങളില്‍ സമയത്തിന് മാറ്റമുണ്ട്. സമയക്രമം ശാഖകളില്‍ പ്രദര്‍ശിപ്പിക്കും.

Continue Reading

Latest News

സംസ്ഥാന പി.വൈ.പി.എ പ്രവർത്തകരുടെ വാഹനം അപകടത്തിൽപ്പെട്ടു. മരണത്തെ മുഖാമുഖമായി കണ്ട നിമിഷം

Published

on

By

പുനലൂർ:ഐ.പി.സി കുവൈറ്റ് പി.വൈ.പി.എ. സ്പോൺസർ ചെയ്ത ടെലിവിഷൻ സെറ്റുകൾ അഞ്ചൽ, തെന്മല തുടങ്ങിയ സ്ഥലങ്ങളിൽ വിതരണം ചെയ്യുന്നതിനായി രാവിലെ മണക്കാലയിൽ നിന്നാണ് പുറപ്പെട്ട സംസ്ഥാന പി.വൈ.പി.എ പ്രവർത്തകരാണ് തലനാരിഴയ്ക്ക് രക്ഷപെട്ടത്.
പി.വൈ.പി.എ സംസ്ഥാന സെക്രട്ടറി സുവി. ഷിബിൻ സാമുവേലിന്റെ വാഹനം ആണ് അപകടത്തിൽ പെട്ടത്. മൂന്നു കരണം മറിഞ്ഞവാഹനത്തിൽ നിന്നും അതിൽ സഞ്ചരിച്ച എല്ലാവരും അത്ഭുതകരമായി രക്ഷപ്പെട്ടു. കൂടെ വാഹനത്തിൽ ഉണ്ടായിരുന്ന സംസ്ഥാന പബ്ലിസിറ്റി കൺവീനർ പാസ്റ്റർ തോമസ് ജോർജ്ജ് കട്ടപ്പന, ജനറൽ ജോയിന്റ് കൺവീനർ ബിബിൻ കല്ലുങ്കൽ, കൊട്ടാരക്കര മേഖല ഉപാധ്യക്ഷൻ ബ്ലെസ്സൺ ബാബു എന്നിവരുമാണ് അത്ഭുതകരമായി രക്ഷപെട്ടത്. മരണത്തെ മുഖാമുഖമായി കണ്ട നിമിഷങ്ങൾ എന്നാണ് രക്ഷപെട്ടതിനു ശേഷം പ്രവർത്തകർ പങ്കുവച്ചത്. തൊട്ടു പുറകെ വാഹനത്തിൽ വന്ന കൂട്ട് പ്രവർത്തകരായ പാസ്റ്റർ ജെറി പൂവക്കാല, കോട്ടയം മേഖല അധ്യക്ഷൻ പാസ്റ്റർ ഷാൻസ് ബേബി, പത്തനംതിട്ട മേഖല അധ്യക്ഷൻ ബെൻസൺ തോമസ് റാന്നി എന്നിവരും നാട്ടുകാരും ചേർന്നാണ് രക്ഷാപ്രവർത്തനം നടത്തിയത്. വാഹനത്തിന് സാരമായ കേടുപാടുകളുണ്ട്.

Continue Reading

Latest News

പാസ്റ്ററുടെ പിതാവ് വൈദ്യുത ആഘാതമേറ്റ് നിത്യതയിൽ..

Published

on

By

പാസ്റ്ററുടെ പിതാവ് വൈദ്യുത ആഘാതമേറ്റ് നിത്യതയിൽ..

വൈദ്യുത ആഘാതമേറ്റ് നിത്യതയിൽ
പുനലൂർ: പേപ്പർമിൽ കാഞ്ഞിരമലയിൽ ബേസിൽ(60) ഇന്ന് (29-06-20)രാവിലെ വൈദ്യുതാഘാതമേറ്റ് നിര്യാതനായി.ഐ പി സി പുത്തൂർക്കര ചർച്ച് മെമ്പറും കൊല്ലം നോർത്ത് സെന്ററിലെ ശുശ്രൂഷകൻ സുവി ബാലാജി (ബൈജു )വിന്റെ പിതാവാണ് സംസ്കാര ശുശ്രൂഷ പിന്നീട്
സംസ്കാര ശുശ്രൂഷ ഇന്ന് 2 ന് ഭവനത്തിലെ ശുശ്രൂഷയ്ക്ക് ശേഷം പ്ലാച്ചേരി സെമിത്തേരിയിൽ
വാർത്ത: സാജൻ_ഈശോ_പ്ലാച്ചേരി

Continue Reading

Trending

Copyright © 2021 Faithtrack , Developed by CloudStorey