Connect with us

Highlights

തിന്നു തീര്‍ക്കുന്ന തീ

Published

on

ശസ്ത്രക്രിയ എന്നു കേട്ടാല്‍ മരിക്കുന്നതാണ് നല്ലത് എന്ന് അഥവാ ഇനി ആത്മഹത്യയാണ് അടുത്തപടി എന്ന് ചിന്തിച്ചിരുന്ന ഒരു കാലഘട്ടമായിരുന്നു 1846 വരെ ഏറ്റവും ചെറിയ ശസ്ത്രക്രിയക്ക് വരെ രോഗിയെ ബന്ധിക്കുന്നതിന് പുറമേ പത്തില്‍ അധികമാളുകള്‍ ബലമായി പിടിച്ചിരുന്നു വേദന മൂലമുള്ള അലര്‍ച്ച അവസാനിപ്പിച്ചിരുന്നത് രോഗി ക്ഷീണിച്ച് ബോധരഹിതനായതിന് ശേഷമോ മരണാവസ്ഥയില്‍ എത്തിയതിന് ശേഷമോ ആയിരിക്കും ഈ വേദനാ ജനകമായ അനുഭവത്തിന് അന്ത്യം കുറിച്ചത് ‘അനസ്‌തേഷ്യയുടെ’ കണ്ടുപുടിത്തത്തോടെയാണ്.
അനസ്‌തേഷ്യയുടെ പ്രയോഗത്തിന്റെ പരസ്യപ്രഖ്യാപനം ആദ്യമായി നടത്തിയത് അമേരിക്കന്‍ ദന്തരോഗ വിദഗ്ധനായ ഹൊറേസ് വെല്‍സാണ്, നൈട്രസ് ഓക്‌സൈഡ് വാതകം ശ്വസിക്കവേ തന്റെ കാലില്‍ ഒരു മുറിവ് വരുത്തുവാന്‍ താന്‍ ആവശ്യപ്പെട്ടു. താന്‍ വേദന അറിയുന്നില്ല എന്ന് വിളിച്ചു പറഞ്ഞെങ്കിലും രക്തം ഒഴുകുന്നതു കണ്ട ആളുകള്‍ അത് വിശ്വസിക്കുവാന്‍ തയ്യാര്‍ ആയില്ല. വെല്‍സണില്‍ നിന്ന് ലഭിച്ച ആശയത്തില്‍ സഹപ്രവര്‍ത്തകന്‍ വില്യം മോര്‍ട്ടന്‍ ഈഥര്‍ ഉപയോഗിച്ചുള്ള ശസ്ത്രക്രിയ വിജകരമാക്കാം എന്ന് കണ്ടുപിടിക്കുകയും പേറ്റന്റ് കരസ്ഥമാക്കുകയും ചെയ്തു. എന്നാല്‍ വെല്‍സ് അടങ്ങിയിരിക്കാന്‍ തയ്യാറായില്ല. ഈഥറിനേക്കാള്‍ മികച്ചത് താന്‍ കണ്ടുപിടിച്ച നൈട്രസ് ഓക്‌സൈഡാണ് എന്ന് പ്രഖ്യാപിച്ചു. ഈ പ്രഖ്യാപനം അംഗീകാരയോഗ്യമായില്ല. അദ്ദേഹം സുഹൃത്തിന്റെ ഉയര്‍ച്ചയില്‍ അസംത്യപ്തനായി പിന്നീട് ക്ലോറോഫാം വികസിപ്പിച്ചെടുക്കുകയും താന്‍ അതിന് അടിമയാകുകയും സ്വയംബോധം നഷ്ടപ്പെട്ട് 1848 – ല്‍ കാലിലെ ഞരമ്പ് മുറിച്ച് ആത്മഹത്യചെയ്തു. വില്യം മോര്‍ട്ടന്‍, ഹോറേസ് വെല്‍സ് എന്നിവരുടെ സുഹൃത്ത് വലയത്തില്‍പ്പെട്ട ചാള്‍സ് ജാക്‌സണ്‍ അനസ്‌തേഷ്യയ്ക്ക് ഈഥര്‍ ഉപയോഗിക്കാമെന്ന് മോര്‍ട്ടന് താനാണ് പറഞ്ഞു കൊടുത്തതെന്ന വാദവുമായി രംഗത്ത് വന്നു. വില്യം മോര്‍ട്ടന്‍ ജാക്‌സണുമായുള്ള തര്‍ക്കപോരാട്ടത്തില്‍ നിരാശനായി ന്യൂയോര്‍ക്കില്‍ വച്ച് ഒരു തടാകത്തില്‍ ചാടി മരിച്ചു. ജാക്‌സണ്‍ മാനസിക നില തെറ്റി ബോസ്റ്റണിലെ മാനസിക രോഗാശുപത്രിയില്‍ ഏഴു വര്‍ഷം ചികിത്സയില്‍ ആയിരുന്ന ശേഷം മരിച്ചു. ലോകത്താകമാനം ഉള്ള ജീവിതങ്ങളുടെ ജീവന്‍ രക്ഷിക്കുന്ന അനസ്‌തേഷ്യയുടെ ഉപജ്ഞാതാക്കളുടെ ദാരുണ അന്ത്യത്തിന് കാരണം സഹ പ്രവര്‍ത്തകരുടെ ഉയര്‍ച്ചയില്‍ ഉള്ള അസംത്യപ്തിയില്‍ ഉളവായ അസൂയയാണ്.
മനുഷ്യന്‍ പല കാര്യങ്ങളിലും ഏറ്റകുറച്ചില്‍ ഉള്ളവനായി ആണ് സൃഷ്ടിക്കപ്പെട്ടിരിക്കുന്നത് ഒരു വന്റെ ഉയര്‍ച്ചയില്‍ സന്തോഷിക്കാന്‍ കഴിയാത്തവരാണ് മനുഷ്യരില്‍ മിക്കവരും പേരറിയില്ലായിരുന്നെങ്കിലും ഈ ഭ്രാന്തന്‍ ചിന്താഗതി ആദ്യകാലം മുതലേ ദര്‍ശിക്കാന്‍ കഴിയും അസൂയ മുളനാമ്പ് നീട്ടിയത് പിശാചിലാണ്. ദൈവവും മനുഷ്യനും തമ്മിലുള്ള സംസര്‍ഗ്ഗം കണ്ട പിശാച് അതില്ലാതാക്കുവാന്‍ ശ്രമിക്കുകയും താന്‍ അതില്‍ വിജയിക്കുകയും ചെയ്തു. ദൈവീക സംസര്‍ഗ്ഗത്തില്‍ നില്ക്കുന്നതില്‍ പരാജിതനായ പിശാച് മനുഷ്യന്‍ ദൈവീക വിഷയത്തില്‍ വിജയിക്കുന്നതില്‍ അസൂയാലുവായി മനുഷ്യനെ പരാജയപ്പെടുത്തി അതൊരു തനിയാവര്‍ത്തനം ആക്കി. ആദ്യത്തെ കുലപാതകത്തിനു കാരണം ആരാധനയില്‍ ഉളവായ അസൂയയാണ് (കയീന്‍ ഹാബേലിനെ കൊന്നു). ലോക മഹായുദ്ധത്തിനു വഴിതെളിച്ച ഹൃദയസ്പന്ദനത്തിന് അസൂയ എന്ന പേര്‍ വിളിക്കാം. എല്ലാ അനൈക്യതയ്ക്കും പിന്നില്‍ അസൂയയാണ് നായകന്‍. തിരുവചനത്തിലെ അസൂയയ്ക്ക് ഉദാഹരണമായ താരം ശൌല്‍ തന്നെയാണ്. എന്തുകൊണ്ട് ശൗലിന്റെ ഹൃദയത്തില്‍ അസൂയ അംഗുരിച്ചു. വരും വരായ്കകള്‍ ചിന്തിക്കാത്ത യിസ്രായേല്യ സ്ത്രീകള്‍ അതില്‍ മുഖ്യ ഉത്തരവാദികളാണ്. രാജഭരണം നടത്തുന്ന രാജാവിനെ താഴ്ത്തി മറ്റൊരുവരെ ഉയര്‍ത്തി പറഞ്ഞാല്‍ ഉണ്ടാകാവുന്ന ഭവിഷ്യത്ത് ചിന്തിക്കാവുന്നതേ ഉള്ളു. സ്ഥലകാലബോധം കൂടാതെ പറയുന്ന ലഭിച്ച സ്ഥാനത്തെക്കുറിച്ചും മാനത്തെക്കുറിച്ചും പദവിയെക്കുറിച്ചുമുള്ള പ്രശംസാ വാക്കും, ഗര്‍വ്വരീതിയിലെ സംസാരവും നമ്മുടെ സഹപ്രവര്‍ത്തകരില്‍, സഹവിശ്വാസികളില്‍ കൂട്ടുകാരില്‍, അസൂയ ഉളവാക്കും.
തെങ്ങില്‍ നിന്നു വീണു മരിച്ച അച്ഛന്റെ ശേഷക്രിയയുടെ പായസം കൂട്ടുകാര്‍ കാണ്‍കെ ആര്‍ക്കും കൊടുക്കാതെ കഴിച്ച കുട്ടിയോട് അസൂയ പൂണ്ട മറ്റൊരു കുട്ടി ഇപ്രകാരം പറഞ്ഞു. ”എന്റെ അച്ഛനും തെങ്ങില്‍ നിന്നു വീഴും എന്റെ അച്ഛനും മരിക്കും ശേഷക്രീയയുടെ പായസം ഞങ്ങളും വയ്ക്കും ആര്‍ക്കും തരില്ല’. കാര്യത്തിന്റെ ഗൗരവം അറിയാന്‍ പ്രാപ്തിയില്ലാത്ത ഒരു മനസ്സാണ് അസൂയക്ക് കാരണം. അമ്മയോട് ചേര്‍ന്നു നില്‍ക്കുന്ന മൂത്ത കുഞ്ഞിനെ അകറ്റുവാന്‍ കരഞ്ഞു നിലവിളിക്കുന്ന കുഞ്ഞില്‍ തുടങ്ങി അന്യവീട്ടില്‍ നിന്ന് മകന്റെ ഭാര്യപദവിയോടെ വീട്ടില്‍ വരുന്ന മരുമകളുടെ ചെയ്തികള്‍ ഒന്നും പിടിയ്ക്കാത്ത അമ്മായി അമ്മയുടെ ഉള്ളില്‍ വരെ അസൂയയുടെ അംശമാണ്.
ഉയര്‍ച്ചയുടെ പുറം ലോകത്തേയ്ക്ക് വരുന്നവന്റെ കുതികാല്‍ പിടിയ്ക്കുന്ന യാക്കോബ്മാരാണ് അധികവും. ഭുമിയുടെ ഉപരിതലത്തില്‍ നിന്ന് ഉയരത്തിലേക്ക് പറക്കുവാന്‍ ഉദ്ദേശിക്കുന്ന മിക്കവരും കോരഹിന്റെ കാലത്തെപ്പോലെ ഭുമി ഒരിക്കല്‍ കൂടി വായ് പിളര്‍ന്നാല്‍ അസൂയ എന്ന കാരണത്താല്‍ ഉയരത്തിലേക്ക് എന്നതിനു പകരം ഉള്ളിലേക്ക് എന്നതായിരിക്കും സ്ഥിതി. മിനക്കെട്ടു നടന്ന തൊഴിലാളികളെ കൂലി പറഞ്ഞ്‌തോട്ടത്തിലേക്ക് അയച്ചുശമ്പളം കൊടുത്തപ്പോള്‍ അവിടെ തുടങ്ങി പ്രശ്‌നം ഇവിടുത്തെ പ്രശ്‌നം വൈകിവന്നവനെയും നേരത്തേ വന്നവനേയും തുല്യരാക്കി എന്നതാണ്. തനിക്ക് അര്‍ഹതയുള്ളത് കിട്ടി എന്നാല്‍ അതല്ല പ്രശ്‌നം സഹപ്രവര്‍ത്തകനും തന്നെപ്പോലെ കിട്ടി എന്നതാണ് തന്നെപോലെ  മറ്റൊരാള്‍ പാടുന്നതും പ്രസംഗിക്കുന്നതും സഹിക്കാന്‍ കഴിയാത്ത വേദന ഉളവാക്കുന്നു എങ്കില്‍ അതിന് അസൂയ എന്ന പേര്‍ വിളിക്കാം. അവന്‍/അവള്‍ മിനഞ്ഞാന്ന് പെയ്ത മഴയില്‍ ഇന്നലെ മുളച്ച തകരയാണ് ഞാന്‍ അങ്ങനെ അല്ല. ഇത് പരീശന്‍മാരുടെ സ്വഭാവമാണ് ഈ ചിന്താഗതിക്കാരുടെ മുഖത്ത് തേനും മനസ്സില്‍ വിഷവുമാണ് സമീപനത്തില്‍ വെളിവാക്കാത്തത് പ്രവൃത്തിയില്‍ വെളിവാകും.
ഒരുവനിലെ ആത്മീക മനസ്സും നന്മയുടെ കണ്ണും തിന്നു തീര്‍ക്കുന്ന തീയാണ് അസൂയ.


ബോബന്‍ ക്ലീറ്റസ്

Continue Reading

Highlights

ഫെയ്‌സ് ബുക്കിലെ 8.70 കോടി അക്കൗണ്ടുകളിലെ വ്യക്തിഗത വിവരങ്ങള്‍ ചോര്‍ന്നു

Published

on

By

ന്യൂയോര്‍ക്ക്: ഫേസ്ബു്ക്കിലെ 8.70 കോടി അക്കൗണ്ടുകളുടെ വ്യക്തിഗത വിവരങ്ങള്‍ ചോര്‍ന്നതായി വെളിപ്പെടുത്തല്‍.
ഫെയ്‌സ് ബുക്ക് സിഇഒ സക്കര്‍ബര്‍ഗ് നേരത്തെ അറിയിച്ചിരുന്നത് 5 കോടി അക്കൗണ്ടുകള്‍ ചോര്‍ന്നു എന്നായിരുന്നു. എന്നാല്‍ 3.70 കോടി അക്കൗണ്ടുകള്‍ കൂടി ലണ്ടന്‍ ആസ്ഥാനമായി പ്രവര്‍ത്തിക്കുന്ന കേംബ്രിജ് അനലിറ്റിക്ക ചോര്‍ത്തി എന്ന് ഫേസ്ബുക്ക് ചീഫ് ടെക്‌നോളജി ഓഫീസറാണ് പുതുതായി വെളിപ്പെടുത്തിയത്.
വ്യക്തിഗത വിവരങ്ങള്‍ ചോര്‍ന്നതില്‍ 11 ലക്ഷം അക്കൗണ്ടുകള്‍ യുകെയില്‍ നിന്നുള്ളതാണെന്നാണ് പുറത്ത് വരുന്ന വിവരം. ഉപഭോക്താക്കളുടെ വ്യക്തി വിവരങ്ങള്‍ ചോര്‍ന്ന സാഹചര്യത്തില്‍ സുരക്ഷാ സംവിധാനങ്ങള്‍ മെച്ചപ്പെടുത്തി ക്രമീകരിക്കാന്‍ കുറച്ച് വര്‍ഷങ്ങളെടുക്കുമെന്ന് ഫേസ്ബുക്ക് സ്ഥാപകന്‍ മാര്‍ക്ക് സക്കര്‍ബര്‍ഗ് നേരത്തെ അറിയിച്ചിട്ടുണ്ട്. അതേ സമയം തന്റെ കമ്പനി തേഡ് പാര്‍ട്ടിയുമായി ഉപയോക്താക്കളുടെ വിവരങ്ങള്‍ പങ്കുവെച്ചതിന് വിമര്‍ശനം നേരിട്ടുകൊണ്ടിരിക്കുന്നതിനിടയില്‍ തനിക്ക് ഒരു അവസരം കൂടി നല്‍കണമെന്ന അപേക്ഷയുമായി മാര്‍ക്ക് സക്കര്‍ബര്‍ഗ് രംഗത്ത് വന്നു.
വലിയ തെറ്റാണ് ചെയ്തത്. പക്ഷെ തെറ്റില്‍ നിന്നുമാണ് നാം പാഠങ്ങള്‍ പഠിക്കുക. ഭാരിച്ച ഉത്തരവാദിത്തങ്ങളെക്കുറിച്ച് വിശാലമായ കാഴ്ചപ്പാടല്ല തങ്ങള്‍ വെച്ചുപുലര്‍ത്തിയിരുന്നത് എന്ന് ഇപ്പോള്‍ മനസിലാക്കുന്നുവെന്നും അദ്ദേഹം പറഞ്ഞു.
അനലിറ്റിക്ക വിവാദവുമായി ബന്ധപ്പെട്ട് സിഇഒ സ്ഥാനത്തു നിന്നും സക്കര്‍ ബര്‍ഗ് മാറി നില്‍ക്കണമെന്ന് ബോര്‍ഡ് ആവശ്യപ്പെട്ടുവെന്ന വാര്‍ത്ത നേരത്തെ വന്നിരുന്നു. എന്നാല്‍ ഇത് അടിസ്ഥാന രഹിതമാണെന്നാണ് അദ്ദേഹം പറയുന്നത്.
ചോര്‍ച്ചാ വിഷയത്തില്‍ വിശദീകരണം നല്‍കാന്‍ സക്കന്‍ബര്‍ഗ് ഈ മാസം പതിന്നൊന്നിന് യുഎസ് പ്രതിനിധി സഭയ്ക്ക് മുമ്പാകെ ഹാജരാകുന്നുണ്ട്. ഈ സാഹചര്യത്തിലാണ് കുറ്റം ഏറ്റുപറഞ്ഞ് കമ്പനി സി.ഇ.ഒ തന്നെ രംഗത്തെത്തിയത്.
എന്നാല്‍ സമിതിക്ക് മുമ്പില്‍ താന്‍ ഹാജരാകില്ലെന്നു ഫെയ്‌സ്ബുക്കിന്റെ മറ്റൊരു പ്രതിനിധിയായിരിക്കും ഹാജരാകുകയെന്നും സക്കര്‍ബര്‍ഗ് അറിയിച്ചിട്ടുണ്ട്. യൂറോപ്യന്‍ സ്വകാര്യത നിയമം അനുശാസിക്കുന്ന മുഴുവന്‍ സംവിധാനങ്ങളും എല്ലാ ഉപഭോക്താക്കള്‍ക്കും ലഭ്യമാക്കുമെന്നും സക്കര്‍ബര്‍ഗ് വ്യക്തമാക്കിയിട്ടുണ്ട്.

Continue Reading

Highlights

ധ്യാനം:ദൈവത്താല്‍ ലഭിക്കുന്ന ഉന്നതികള്‍

Published

on

ദൈവത്താല്‍ ലഭിക്കുന്ന ഉന്നതികള്‍
ധ്യാനം: യെശ 58:14
പാസ്റ്റ്ര്‍: ബോബന്‍ ക്ലീറ്റസ്
ഒരു പറ്റം അറബി സുഹൃത്തക്കളോടൊപ്പം പ്രശസ്ത വേട്ടക്കാരനും സഞ്ചാരിയുമായ ഡോ.സൈറസ് ഹാംലിന്‍ ബാബിലോണിന്റെ ചരിത്ര ഭൂമി സന്ദര്‍ശിച്ചു. നാശാവശിഷ്ടങ്ങള്‍ക്കിടയിലൂടെ അവര്‍ കാഴ്ചകള്‍ കണ്ടു നടന്നു.വൈകുന്നേരം ആയപ്പോള്‍ അറബികള്‍ മടങ്ങിപ്പോകുവാന്‍ തിടുക്കം കൂട്ടി. ഡോ.സൈറസ് ഹാംലിന്‍ അവരോട് കാര്യം തിരക്കി അവര്‍ പറഞ്ഞത് അറബികളായ ഞങ്ങള്‍ ഒരിക്കലും ബാബിലോണില്‍ രാപാര്‍ക്കുകയില്ല.കാരണം നാശത്തിന്റെ പ്രതീകമായി നിലകൊള്ളുന്ന ഈ ബാബിലോണിന്റെ പെട്ടെന്നുള്ള വീഴ്ചയ്ക്ക് കാരണമായ ചില ശക്തികളുടെ കടന്നാക്രമണം ഞങ്ങള്‍ക്ക് ഉണ്ടാകും എന്ന് ഞങ്ങള്‍ ഭയപ്പെടുന്നു.
നൂറ്റാണ്ടുകള്‍ക്ക് മുമ്പ് വിശുദ്ധവേദപുസ്തകം ഇതിനെക്കുറിച്ച് പ്രതിപാദിച്ചിട്ടുണ്ട് ബാബിലോണില്‍ ഒരു നാളും കുടിപാര്‍പ്പുണ്ടാകയില്ല.തലമുറതലമുറയോളം അതില്‍ ആരും വസിക്കയുമില്ല.അറബിക്കാരന്‍ അവിടെ കൂടാരം അടിക്കയില്ല.(യെശ:13;20) ദൈവത്തെ മറന്ന ബാബിലോണിന്റെ അധ:പതനം ചരിത്രം സാക്ഷിയായതാണ്. വീഴ്ചയ്ക്ക് മുന്‍പ് ഉന്നതഭാവം എന്ന തിരുവചനം പറയുന്നത് തന്നെത്താന്‍ ഉയര്‍ത്തുന്നവനെല്ലാം തന്നെത്താന്‍ താഴ്ത്തപ്പെടും. യിസ്രായേലിന്റെ ഒന്നാമത്തെ രാജാവായ ശൗല്‍ എല്ലാവരെക്കാളും തോളു മുതല്‍ പൊക്കമുള്ളവനായിരുന്നു. (1ശമു:10:23)ദൈവം അവനെ ഉയര്‍ത്തി എന്നാല്‍ ദൈവത്തെ മറന്ന് അഹങ്കാരിയായി തീര്‍ന്നപ്പോള്‍ തകര്‍ച്ച തുടങ്ങി. അതുപോലെ തന്നെ ദൈവം ഉയര്‍ത്തുന്നവനെ ആര്‍ക്കും താഴ്ത്തുവാന്‍ കഴിയില്ല. സ്വപ്നക്കാരനായ യോസേഫിനെ പൊട്ടക്കിണറിനോ അടിമച്ചന്തയ്‌ക്കോ പൊത്തീഫറിന്റെ വീടിനോ കാരാഗൃഹത്തിനോ ഒതുക്കുവാന്‍ കഴിഞ്ഞില്ല. ദൈവം ഉയര്‍ത്താന്‍ തീരുമാനിച്ചതിനെ താഴ്ത്തുവാന്‍ സാധ്യമല്ല.
സുവിശേഷ വേലയോടൊപ്പം ജോലി ചെയ്തു എന്ന കാരണം പറഞ്ഞും കണ്ണിന്റെ കാഴ്ച ശക്തി കുറവാണ് എന്ന കാരണത്താലും കാരാഗൃഹവാസം അനുഷ്ഠിച്ചു എന്നാരോപിച്ചും തന്റെ പ്രസംഗത്തിനിടയില്‍ ഒരാള്‍ ഉറങ്ങി താഴെ വീണു മരിച്ചു എന്നും അങ്ങനെ പലതും പറഞ്ഞു അപ്പോസ്തല പ്രമുഖനായ പൗലോസിനെപ്പോലും ഈ ലോകം അയോഗ്യനായി എണ്ണുമായിരുന്നു. അങ്ങനെ അക്കാലത്ത് ചിന്തിച്ച ചിലരോടാണ് പൗലോസ് ഞാന്‍ അപ്പോസ്തലന്‍മാരില്‍ ഒട്ടും കുറഞ്ഞവനല്ല എന്ന് പറഞ്ഞത്.
ദൈവഹിതമല്ലാത്തതും അര്‍ഹതയില്ലാത്തതുമായ സ്ഥാനത്തിനായി കഠിനാധ്വാനം ചെയ്യുന്നത് വൃഥാവാണ്.യോഹന്നാന്‍ സ്‌നാപകനോട് ജനങ്ങള്‍ ചോദിച്ചു നീ ക്രിസ്തുവാണോ? ഏലിയാവാണോ? ആ പ്രവാചകനാണോ? (യോഹ:19:23) ആ ചോദ്യങ്ങള്‍ ഉന്നയിച്ച പേരില്‍ ആരെങ്കിലും ആണ് പറഞ്ഞിരുന്നെങ്കില്‍ ഇപ്പോള്‍ ഉള്ളതിലും മാന്യതയും അംഗീകാരവും ലഭ്യമാകുമായിരുന്നു. എന്നാല്‍ യോഹന്നാന്‍ പറഞ്ഞു ഞാന്‍ ഇതൊന്നുമല്ല.ഞാന്‍ യഥാര്‍ത്ഥമായവന്റെ ശബ്ദം മാത്രമാകുന്നു.
ദൈവം ഒരുവനെ ഉയര്‍ത്തുന്നത് ചിന്തിക്കുന്നതിലും അപ്പുറമാണ് ഞാന്‍ ഒന്നും അല്ല ഏതുമല്ല എന്ന് ചിന്തിക്കുമ്പോള്‍ മനസിലാക്കുക ദൈവം മനുഷ്യന്റെ പുറമേയുള്ളത് നോക്കുന്നില്ല. പാവപ്പെട്ട ഖനിത്തൊഴിലാളിയായ മാര്‍ട്ടിന്‍ ലൂഥറിനെയാണ് നവോത്ഥാനത്തിന്റെ തിരികൊളുത്തുവാന്‍ ദൈവം ഉപയോഗിച്ചത്. സഞ്ചി തുടങ്ങി കുടില്‍ വ്യവസായിയുടെ കൊച്ചുമകനായിരുന്നു മറ്റൊരു നവോത്ഥാന നായകന്‍ കാല്‍വിന്‍ സ്‌കോട്ട്‌ലന്റെിലെ ഒരു സാധാരണ സര്‍ക്കാര്‍ ജോലിക്കാരനായിരുന്ന ഉണര്‍വ്വിന്റെ തിരികത്തിച്ച ജോണ്‍ നോക്‌സ്.തെരുവീഥികളില്‍ മദ്യലഹരിയില്‍ ഉറങ്ങിയ മനുഷ്യനായിരുന്നു പിന്നീട് സുവിശേഷപ്രസംഗങ്ങളിലൂടെ യൂറോപ്പിനേയും അമേരിക്കയേയും പിടിച്ച് കുലുക്കിയ ജോണ്‍ പി ഗഫ്. ഇന്ത്യയെ സുവിശേഷ ആത്മാവില്‍ നേടിയ വില്യം കേറി ഇംഗ്ലണ്ടിലെ ഒരു ചെരുപ്പു കുത്തിയായിരുന്നു.പൗലോസിന്റെ പിന്‍ഗാമി എന്നറിയപ്പെടുന്ന ഡി.എല്‍ മൂഡി ഒരു കടയില്‍ കുറഞ്ഞ ശമ്പളത്തില്‍ ജോലി ചെയ്തിരുന്ന വ്യക്തിയായിരുന്നു.ഇന്നും ദൈവം തന്റെ ഭക്തന്മാരെ ഉയര്‍ത്തുന്നു. ഉയര്‍ത്തപ്പെടുവാന്‍ നാം ചെയ്യേണ്ടത് തന്നെത്താന്‍ താഴ്ത്തുക.(1ശമു2:10,1പത്രോ5:6,ഇയ്യോ 36:22,സദൃശ്യ14:29).

Continue Reading

Highlights

ത്രിത്വവാദികളെ ഇതിലെ….ഇതിലെ….

Published

on

By

ദൈവം ഏകനാണ് എന്നതിന് സന്ദേഹം ആര്‍ക്കും അംശം പോലും ഇല്ല. ഇവിടെ പിതാവ്,പുത്രന്‍, പരിശുദ്ധാത്മാവ് എന്ന ത്രിത്വം വലിയ ചര്‍ച്ചാവിഷയമാകുകയാണ്. ദൈവീക മര്‍മ്മത്തെയാണ് ഇവിടെ വിശകലനം ചെയ്യാന്‍ നോക്കുന്നത്. സാമാന്യ ബുദ്ധിയില്‍ ദൈവത്വം മനസ്സിലാക്കുവാന്‍ കഴിയില്ല. മാനുഷിക ജ്ഞാനങ്ങള്‍ പഞ്ചേന്ദ്രിയങ്ങള്‍ കൊണ്ടാണ് അപ്പോള്‍ തന്നെ അതിനപ്പുറം അഞ്ജാതമായിരിക്കുന്നവ ഇന്നും ഏറെയാണ് അതുകൊണ്ടാണ് അന്വേഷണവും കണ്ടെത്തലുകള്‍ക്കും ശ്രമം മുറയ്ക്ക് നടന്ന് വരുന്നത്. അപ്പോള്‍ മനുഷ്യന് ദൈവത്വം വ്യാഖ്യാനിച്ചും വിശകലനം ചെയ്തും തീര്‍പ്പ് കല്‍പ്പിക്കാന്‍ കഴിയുമോ? നിങ്ങളുടെ ചിന്തയ്ക്ക് വിടുന്നു.
പരിമിതനായ മനുഷ്യന്‍
വിവേചന ശക്തി വിവേകം, പുരോഗമനം തുടങ്ങിയ വിഷയങ്ങളില്‍ മറ്റ് ജീവികളില്‍ നിന്ന് വേരിട്ടവനാണ് മനുഷ്യന്‍ മാംസചഷസ്സുകള്‍ക്ക് അപ്രമേയമായവയെ പ്രമേയമാക്കാന്‍ ശ്രമിക്കുന്നവന്‍ അദൃശ്യമായതിനെ അന്വേഷിച്ചറിയുവാന്‍ വെമ്പല്‍ കൊള്ളുന്നവനാണ് മനുഷ്യന്‍. അന്വേഷണത്തിന്റെ തീവ്രശ്രമം മനുഷ്യന് മാത്രമേയുള്ളൂ. പലപ്പോഴും മനുഷ്യന്റെ അന്വേഷണത്തിലെ അല്‍പ്പത്വം(അജ്ഞാനം) പുതുതലമുറയെ വഴിതെറ്റിക്കുകയും ആശയകുഴപ്പം ഉണ്ടാക്കുകയും ചെയ്തിട്ടുണ്ട്. പരിണാമ സിദ്ധാന്തം ഒരു ഉദാഹരണമാണ്. മനുഷ്യ അസ്ഥികൂടവും ജന്തുക്കളുടെ അസ്ഥിയും തമ്മിലുള്ള ആന്തരിക സാമ്യം കൊണ്ട് മനുഷ്യന്‍ ഒരു പരിണാമത്തില്‍ ഉളവായതെന്ന് പറഞ്ഞത് പോലെ തന്നെ കണ്ണിന് തോന്നിയ സാമ്യങ്ങള്‍ നിരത്തി ദൈവത്തെ മൂന്നായി പിരിച്ച് ഒന്ന് ഒന്നിനെക്കാള്‍ വലുത് എന്ന് പറയുവാന്‍ തോന്നിയതില്‍ ലജ്ജിക്കുന്നു. വലിയ അറിവുള്ളവന്‍ എന്ന് പൊതുസമൂഹത്തെ ധരിപ്പിരിപ്പിക്കുവാന്‍ പലരും നടത്തുന്ന ശ്രമമായി മാത്രമേ ഇതിനെ കാണാന്‍ കഴിയൂ. എന്താണ് മുഷ്യന്റെ അറിവ്; ദിവസവും കിടന്ന് ഉറങ്ങുന്ന ബഡ്‌റൂമിന്റെ ജനലിലെ കമ്പികളുടെ എണ്ണംചോദിച്ചാല്‍ പെട്ടെന്ന് ഒന്ന് എണ്ണിനോക്കാതെ എത്രപേര്‍ പറയും എന്നും കയറി ഇറങ്ങുന്ന ഓഫീസിന്റെ പടവുകളുടെ പടികള്‍ എത്രയെന്ന് പെട്ടെന്ന് എണ്ണാതെ പറയാമോ?എന്തിനേറെ എല്ലാം കാണുന്ന കണ്ണിന്റെ കണ്‍പോളയിലെ പീലികള്‍ എത്രയുണ്ടെന്ന് പറയാമോ? അറിയില്ല, കഴിയില്ല ഇങ്ങനെ എന്തെല്ലാം. ആ മനുഷ്യനാണ് ദൈവത്തെക്കുറിച്ച് പറഞ്ഞും എഴുതിയും തര്‍ക്കിച്ചും ബലഹീന വിശ്വാസിയെയും പുതുതലമുറയെയും വഴിതെറ്റിക്കുന്നത്. കര്‍ത്താവിനെ അവന്റെ മഹത്വം തിരിച്ചറിഞ്ഞ ഭക്തന്‍ പറയുന്നത്. നീ..അനാദിയായും ശാശ്വതമായും ദൈവമാകുന്നു.(സങ്കീ 90:2) തീര്‍ന്നില്ല മനുഷ്യന്റെ അജ്ഞതയുടെ ആഴം മനസ്സിലാക്കിയ ഭക്തന്‍ പാടുന്നു. എന്റെ ബുദ്ധിക്കത്താത്ത വങ്കാര്യങ്ങളിലും അത്ഭുത വിഷയങ്ങളിലും ഞാന്‍ഇടപെടുന്നതുമില്ല. (സങ്കീ 131:1) മനുഷ്യപുത്രന്മാരെ തിരികെ വരുവിന്‍…… ദൈവത്വത്തിന് കസേര പണിയാതെ തിരികെ വരുവിന്‍.
ദൈവശാസ്ത്രത്തിന് അപ്പുറം.
മൂലഭാഷയായ ഗ്രീക്കില്‍ നിന്ന് ഉദയം കൊണ്ട പദമാണ് ദൈവശാസ്ത്രം അഥവാ തിയോളജി ഗ്രീക്കില്‍ തിയോസ് എന്നാണ് ഉച്ചരിക്കുന്നത്. ലോഗോസ് എന്നാല്‍ ശബ്ദം എന്നാണ് എന്നതില്‍ സംശയമില്ലല്ലോ. വചനത്തെ അഥവാ ശബ്ദത്തെ അറിയാന്‍ ശ്രമിച്ചവര്‍ പുരോഗമിച്ച് ദൈവത്വത്തെ വ്യാഖ്യാനിക്കാന്‍മുതിരുകയാണ്. ദൈവശാസ്ത്ര പഠനം കൊണ്ട് ദൈവത്വത്തെ ആര്‍ക്കും നിര്‍വ്വചിക്കുവാന്‍ കഴിയില്ല.
ദൈവത്തെ കാണണം എന്ന് കുട്ടിയെപ്പോലെ വാശി പിടിച്ച മോശയോട് ദൈവം എന്താപറഞ്ഞത് എന്താ ചെയ്തത് ദൈവത്തെ ആര്‍ക്കും കാണുവാന്‍ കഴിയില്ല. മോശയെ തേജസ്സുമാത്രം കാട്ടികൊടുത്തു. വിവിധ പേരുകളിലാണ് സൃഷ്ടാവിനെ സൃഷ്ടിയ്ക്ക് വെളിപ്പെടുത്തി കൊടുത്തത്. വീരനാം ദൈവം, നിത്യപിതാവ്, സമാധാന പ്രഭു അങ്ങനെ ഏതെല്ലാം പദപ്രയോഗങ്ങളില്‍ അതിനെല്ലാം വ്യാഖ്യാനം കൊടുക്കാന്‍ തുനിയുന്ന മാനുഷിക വ്യഗ്രത കഷ്ടം തന്നെ. ദൈവം മനുഷ്യരുടെ ഭാഷയില്‍ സംസാരിച്ചത് മനുഷ്യന് മനസ്സിലാകുവാനാണ് അല്ലാതെ അത് വ്യാഖ്യാനിച്ച് ദൈവത്തെ പിരിക്കുവാനല്ല. യുക്തി കൊണ്ട് ദൈവത്തെ പിരിച്ച് പഠിപ്പിക്കുന്നവരെയും നമുക്ക് യുക്തി വാദികള്‍ എന്ന് വിളിക്കാം. ബുദ്ധികൊണ്ടൊന്നും ബന്ധനല്ല ദൈവം.. ജ്ഞാനികള്‍ പരിജ്ഞാനം അടക്കി വെയ്ക്കുന്നു ഭോഷന്റെ വായോ അടുത്തിരിക്കുന്ന നാശം മേല്‍ ഉദ്ധരിച്ച കാര്യങ്ങള്‍ കൊണ്ട് മനുഷ്യന് ദൈവത്തെ മനസ്സിലാക്കുവാന്‍ കഴിയില്ല എന്നല്ല ദൈവത്തെ സമ്പൂര്‍ണ്ണമായി മനസ്സിലാക്കുവാന്‍ കഴിയില്ല എന്നതാണ് മനസ്സിലാക്കേണ്ടത്. ദൈവവചനത്തെ ഒരു വിഷയമാക്കാം പക്ഷെ ദൈവത്തെ ഒരു വിഷയം ആക്കരുത്. അത് ഭൗമിക മേഖലയല്ല. ശ്രമിച്ചാലും സാധ്യമല്ല. മുഷ്ടി ചുരുട്ടിയാല്‍ ലഭിക്കുന്ന വലിപ്പം മാത്രമുള്ള മസ്തിഷ്‌കം കൊണ്ട് തെളിയിക്കുവാന്‍ സാധ്യമല്ലയെന്ന് തെളിയിക്കപ്പെട്ട സത്യമാണ് ദൈവം. വെറും പബ്ലിസിറ്റിയ്ക്ക് വേണ്ടി നവമാധ്യമങ്ങളില്‍ ഇരുന്ന് ലൈവും കമന്റും ഇടുന്നവര്‍ അറിയണം നിങ്ങള്‍ നിങ്ങളുടെ ഉറപ്പില്ലാത്ത ജീവിതം കൊണ്ട് ദൈവത്തെ വിശകലനം ചെയ്ത് ഉറപ്പിക്കാന്‍ ശ്രമിച്ച് പലരുടെയും വിശ്വാസത്തെ മറിച്ച് കളയരുത്. ഇതെല്ലാം കാണുമ്പോള്‍ ദൈവജനം മനസ്സിലാക്കേണ്ടത് ഇത് അന്ത്യകാലമാണ് ഇവിടെ പലരുടെയും വിശ്വാസത്തെ മറിച്ച് കളയുവാന്‍ സഭയ്ക്കുള്ളില്‍ പലരും നുഴഞ്ഞ് കയറിയിരിക്കുകയാണ്. ജാഗ്രത…….ഒന്ന് ചിന്തിക്കുവ്യര്‍ത്ഥ വാദങ്ങളില്‍ നിന്ന് ഒഴിഞ്ഞ് ഇരിക്കു

ബോബന്‍ ക്ലീറ്റസ്

boban eee copy

Continue Reading

Trending

Copyright © 2021 Faithtrack , Developed by CloudStorey