Connect with us

Articles

യോഗയിലെ നിഗൂഢതകള്‍ ഒരു വിലയിരുത്തല്‍.

Published

on

യോഗയിലെ നിഗൂഢതകള്‍ ഒരു വിലയിരുത്തല്‍

വേദപുസ്തകം കൈയ്യിലെടുത്ത് സങ്കീര്‍ത്തനം,സദൃശ്യവാക്യങ്ങള്‍, യോഹന്നാന്‍റെ സുവിശേഷം എന്നിവ വായിക്കുക എന്നിട്ട് മുട്ടിന്‍മേല്‍ ഇരിക്കുക കണ്ണുകള്‍ അടച്ചു ഹൃദയം ശൂന്യമാക്കുക രണ്ട് കരങ്ങള്‍ ഉയര്‍ത്തിപ്പിടിക്കുക എന്നിട്ട് പത്ത് മിനിട്ട് സ്തുതിക്കുക.
യേശു പഠിപ്പിച്ച യോഗ ഇതാണെന്ന തലക്കെട്ടോടെ നവമാധ്യമങ്ങളില്‍ പ്രചരിക്കുന്ന വിചിത്രമായ പോസ്‌റ്റാണിത്.
വേദപുസ്തകം വായിച്ച് ധ്യാനിക്കാനും മുട്ടുമടക്കി പ്രാര്‍ത്ഥിക്കാനും ദൈവമക്കള്‍ക്ക്‌ യോഗയെകൂട്ടുപിടിക്കേണ്ട ആവശ്യമെന്താണ്? യോഗ എന്താണെന്ന് ശരിക്കും ഗ്രഹിക്കാതെ സ്നേഹിതര്‍ക്കും പരിചയക്കാര്‍ക്കുമെല്ലാം മേല്‍ പറഞ്ഞ സന്ദേശം അതേപടി അയച്ചുകൊടുക്കുന്നു. എന്താണ് യോഗയെന്നും യോഗദൈവമക്കള്‍ക്ക് അനുവര്‍ത്തിക്കാമോ എന്നും നാം മനസ്സിലാക്കണം. യോഗ എന്ന വാക്കിന്‍റെ അര്‍ത്ഥം തന്നെ ലയിക്കുക ബന്ധിപ്പിക്കുക എന്നൊക്കെയാണ്. ഹൈന്ദവ സങ്കല്‍പ്പത്തില്‍ യോഗ എന്നാല്‍ ബ്രഹ്മനില്‍ ലയിക്കുക എന്നാണ്. ധ്യാനമാണ് യോഗയില്‍ പ്രധാനം. വിഷ്ണുവുമായി നിത്യമായ ബന്ധത്തില്‍ വരുന്നതാണ് യോഗ എന്നാണ് വൈഷ്ണവമതം പറയുന്നത്. നമസ്തേ എന്ന് പറഞ്ഞുകൊണ്ടാണ് യോഗാക്ലാസ് ആരംഭിക്കുന്നത് നിന്നിലുള്ള ദൈവത്തെ വണങ്ങുന്നു എന്നതാണ് ഇതിന്‍റെ ശരിയായ അര്‍ത്ഥം. യോഗ അഭ്യസിക്കുന്നവരെ ഒരു പ്രത്യേക മാനസിക അവസ്ഥയില്‍ എത്തിക്കാന്‍ ശാന്തി മന്ത്രങ്ങളും വേദസൂക്തങ്ങളും അടങ്ങിയ സി.ഡികള്‍ തുടര്‍ച്ചയായി പ്ലേ ചെയ്യുന്നു അതിനോട് ചേര്‍ന്ന് ഓം ഓം എന്നും ഓം ശാന്തി എന്നും പറഞ്ഞു കൊണ്ടിരിക്കും.ശരീരത്തെ നിയന്ത്രണ വിധേയമാക്കി അതിലൂടെ മനസിനെ നിയന്ത്രിക്കുന്ന ചില ശാരീരിക അഭ്യാസങ്ങള്‍ക്കാണ് ആസനം എന്നു പറയുന്നത്. പത്മാസനം, ശീര്‍ഷാസനം, ശവാസനം എന്നിവയാണ് ഉദാഹരണം. നിയന്ത്രണവിധേയമായ ശ്വാസോച്ഛ്വാസത്തിനാണ് പ്രാണായാമമെന്ന് പറയുന്നത്.awakening-672x372
ഉന്മേഷവും ആയുസ്സും ആരോഗ്യവും പകരുന്നതിനാണ് യോഗാ പരിശീലനമെന്നാണ് പറയുന്നത്. ധാരാളം പേരെ ഇതിലേക്ക് ആകര്‍ഷിക്കുന്നതും ഈ ഘടകങ്ങളാണ്. എന്നാല്‍ ഇതിന്‍റെ ശരിയായ ലക്ഷ്യം ഹൈന്ദവ ദൈവസങ്കല്‍പ്പത്തില്‍ ബ്രഹ്മനില്‍ ലയിപ്പിക്കുക എന്ന ഏര്‍പ്പാടാണെന്ന് ബഹുഭൂരിപക്ഷത്തിനും അറിയില്ല. നട്ടെല്ലിന്‍റെ അടിയിലായി മൂലാധാരത്തില്‍ കുണ്ഡലിനി(പാമ്പ്) എന്നൊരു ശക്തി ഉറങ്ങികിടപ്പുണ്ടെന്നും അതിനെ യോഗയിലൂടെ ഉണര്‍ത്തി സുഷുമ്നാനാഡിയിലൂടെ മുകളില്‍ തലച്ചോറില്‍ കൊണ്ടുവന്ന് മരിക്കുമ്പോള്‍ തലപൊട്ടിപിളര്‍ന്ന് ബ്രഹ്മനില്‍ ലയിച്ചുചെചേരുമെന്നുമാണ് വിശ്വസിക്കപ്പെടുന്നത്.
യോഗയെ മാമോദീസാ മുക്കി ക്രൈസ്തവ വല്ക്കരിക്കാന്‍ ചില വൈദികര്‍ ശ്രെമിക്കുന്നുണ്ട്. അത് ജനത്തെ പിശാചിന്‍റെ അടിമത്വത്തിലേക്ക് അവര്‍ അറിയാതെ ബന്ധിപ്പിക്കുന്ന അപകടമാണെന്ന് അവര്‍ തിരിച്ചറിയാതെ പോകുന്നു. ഓം ശാന്തിക്കു പകരം ഹല്ലേലുയ്യായും ദേവ സ്തുതികള്‍ക്ക് പകരം ഗിരിപ്രഭാഷണത്തിലെ വാക്യങ്ങളും പത്തു കല്പനകളും പറഞ്ഞാല്‍ മതിയെന്ന് ഈ കൂട്ടര്‍ പഠിപ്പിക്കുന്നു പ്രകൃതിദത്തവും പാര്‍ശ്വഫലങ്ങള്‍ ഇല്ലാത്തതുമായ ആയുര്‍വേദ ചികിത്സ പോലെ പ്രാചീന ഭാരതത്തില്‍ നിലനിന്നിരുന്ന ഒരു ചികിത്സാരീതിയെന്നാണ് ഇതിന്‍റെ പ്രചാരകര്‍ പഠിപ്പിക്കുന്നത്‌. സൂര്യനമസ്കാരത്തോടെയാണ് മിക്ക യോഗാ ക്ലാസുകളും ആരംഭിക്കുന്നത്. യോഗയില്‍ നിന്ന് ഹിന്ദുആത്മീയതയെ വേര്‍തിരിക്കാന്‍ കഴിയില്ല. യോഗ ഹിന്ദുത്വത്തില്‍ അതിഷ്ടിതമാണ് യോഗ പ്രചരിപ്പിക്കുന്നതിലൂടെ ഹിന്ദുത്വത്തെ പ്രചരിപ്പിക്കുക എന്ന രഹസ്യ അജണ്ടയാണ് എന്നത് വ്യക്തമാണ്. അടുത്ത തലമുറയെ ഹിന്ദുത്വം പ്രചരിപ്പിക്കാന്‍ ഇപ്പോഴത്തെ കേന്ദ്രസര്‍ക്കാര്‍ സ്കൂളുകളില്‍ യോഗ ഒരു പാട്യവിഷയമാക്കി കഴിഞ്ഞു.
സത്യത്തില്‍ ശാരീരിക ക്ഷമതയ്ക്കാണ് യോഗ എങ്കില്‍ ദൈവമക്കള്‍ എന്തിന് ഈ അപകടത്തില്‍ ചെന്നു ചാടണം. യോഗയ്ക്ക് പകരം ശരീരത്തിന് ഗുണം ചെയ്യുന്ന മറ്റ് വ്യായാമങ്ങള്‍ ചെയ്‌താല്‍ പോരെ? വ്യായാമത്തെയും ഹിന്ദു സങ്കല്‍പ്പങ്ങളുടെ കൂട്ടായ യോഗയും തരംതിരിച്ച് കാണാന്‍ കഴിയണം. മോക്ഷത്തെ(രക്ഷ) പ്പറ്റി ഒരു വികലമായ കാഴ്ചപ്പാടില്‍ ഉരുത്തിരിഞ്ഞുവന്ന പൈശാചിക സംവിധാനത്തെ നാം എന്തിനു പ്രോത്സാഹിപ്പിക്കണം.DevilYoga2
എന്തു കൊണ്ട് യോഗയെ ദൈവമക്കള്‍ എതിര്‍ക്കണം?
യേശുകര്‍ത്താവ്‌ മാത്രമാണ് രക്ഷാദായകന്‍ മറ്റൊന്നിനും രക്ഷ നല്‍കാന്‍ കഴിയില്ല. യേശു പറഞ്ഞു ഞാന്‍ തന്നെ വഴിയും, സത്യവും ,ജീവനും ആകുന്നു; ഞാന്‍ മുഖാന്തിരമല്ലാതെ ആരും പിതാവിന്‍റെ അടുക്കല്‍ എത്തുന്നില്ല (യോഹ:14:6), മറ്റൊരുത്തനിലും രക്ഷയില്ല നാം രക്ഷിക്കപ്പെടുവാന്‍ ആകാശത്തിന്‍റെ കീഴില്‍ മനുഷ്യരുടെ ഇടയില്‍ നല്‍കപ്പെട്ട വേറൊരു നാമവും ഇല്ല. രണ്ടാമത്ദൈവമക്കള്‍ ലോകത്തിനുള്ളവരല്ല. അവര്‍ ലോകത്തെ അനുകരിക്കുന്നവരല്ല. യോഗ എന്നാല്‍ മനസ്സിനെ ശൂന്യമാക്കുകയാണ് അതാണ്‌ യോഗയിലെ ഏറ്റവും വലിയ അപകടം. നമ്മുടെ മനസ്സ് ശൂന്യമാക്കപ്പെട്ടാല്‍ അവിടെ എന്തിനും കടന്നു കയറുവാന്‍ കഴിയും. ഭയം, ആശങ്ക, വിഷാദരോഗം, തെറ്റായ ചിന്തകള്‍, തെറ്റായ മതങ്ങള്‍ ഇവയെല്ലാം മനസ്സില്‍ നിറയും. ഒരിക്കലും മനസ്സിനെ ശൂന്യമാക്കരുത്. ദൈവവചനത്തെ മനസ്സില്‍ നിറയ്ക്കുക. ദൈവസാന്നിധ്യം മനസ്സില്‍ നിറഞ്ഞു നില്‍ക്കട്ടെ. ദൈവത്തെയും ദൈവവചനത്തെയും മാത്രമേ ധ്യാനിക്കാവൂ. സങ്കീ:63:5 എന്‍റെ കിടക്കയില്‍ നിന്നെ ഓര്‍ക്കുകയും ഞാന്‍ രാത്രിയാമങ്ങളില്‍ നിന്നെ ധ്യാനിക്കുകയും ചെയ്യുമ്പോള്‍ എന്‍റെ പ്രാണന് മജ്ജയും മേദസ്സും കൊണ്ടെന്നപോലെ തൃപ്തി വരുന്നു.Picture_kundalini
ദൈവത്തിന്‍റെ ജനമായ യിസ്രായേല്‍ ജനതയുടെ പരാജയ കാരണങ്ങളില്‍ പ്രധാനപ്പെട്ടത് ഇതരമതങ്ങളിലെ ആചാനുഷ്ടാനങ്ങള്‍ ബോധപൂര്‍വ്വമായോ അല്ലാതെയോ തങ്ങളുടെ ആരാധനയുടെ ഭാഗമാക്കിയതാണ് നിരുപദ്രവമെന്ന് തോന്നി പിന്‍പറ്റിയ പല തിന്മകള്‍ക്കുമെതിരെ വളരെ ശക്തമായിതന്നെ പ്രവാചകന്‍മാരിലൂടെ ശക്തമായി ദൈവം താക്കീത് ചെയ്തിട്ടും വിവേകം പ്രാപിക്കാതെ യിസ്രായേല്‍ ജനം നാശത്തിന്‍റെ പാത തിരഞ്ഞെടുത്തു. അത് അവര്‍ക്ക് കണിയായി ഭവിച്ചു.
യേശുകര്‍ത്താവ്‌ ഒരു യോഗയെയും ശുപാര്‍ശ ചെയ്തിട്ടില്ല. വിശുദ്ധതിരുവെഴുത്തുകളില്‍ അതിന് അടിസ്ഥാനങ്ങളുമില്ല. പിശാചിന് വ്യക്തികളുടെ ഉള്ളില്‍ കയറിപറ്റാനുള്ള വാതിലാണ് യോഗാഭ്യാസം. ശാന്തിമന്ത്രങ്ങളും ദേവസ്തുതികളും സാത്താന് കടക്കാനുള്ള വാതിലുകള്‍ ആണെന്ന് തിരിച്ചറിയാതെപോകരുത്. നമ്മുടെ തലമുറകള്‍ ഇതില്‍ ചെന്നുചാടാതെ പ്രത്യേകാല്‍ ശപിക്കുകയും അവരേ പ്രാര്‍ത്ഥനയുടെ കരങ്ങളില്‍ വഹിക്കുകയും ചെയ്യുക. “സാത്താന്‍ നമ്മെ തോല്‍പ്പിക്കരുത് അവന്‍റെ തന്ത്രങ്ങളെ നാം അറിയാത്തവരല്ലല്ലോ”(2കൊരി:2:11).

ലേഖകന്‍: പാ.ജെയിംസ് മുളവന

 

Continue Reading
Click to comment

Leave a Reply

Your email address will not be published.

Articles

പഴയനിയമം അലര്‍ജിയായ അഭിഷിക്തന്‍മാര്‍

Published

on

പഴയനിയമ പുസ്തകങ്ങള്‍ ദൈവത്തില്‍ നി് ഉള്ളതല്ലയെും, മോശയും മറ്റ് പ്രവാചകന്മാരും എഴുതിയ ചെറുകഥകളാണെും യാതൊരു ശങ്കയുമില്ലാതെ പറയു ഭോഷ്‌കന്മാരുടെ കാലമാണിത്. ബൈബിള്‍ മുഴുവനും തിരുവെഴുത്താണെും ദൈവവിശ്വാസ്യമാണെും വിശ്വസിക്കുവര്‍ ഇതിനെതിരെ പ്രതികരിക്കും. മനുഷ്യര്‍ പറഞ്ഞതും, പിശാച് പറഞ്ഞതും ദൈവം സംസാരിച്ചതും, പൗലോസിനെ പോലുള്ളവരുടെ അഭിപ്രായങ്ങളും ഇതിലൂടെ അത് അംഗീകരിച്ച് കൊണ്ട് ത െപറയുു ”ബൈബിള്‍ മുഴുവനും ദൈവ നിശ്വാസ്യമാണ്”
സൃഷ്ടിയുടെ ആരംഭം, ഭൂമിയുടെ ഉല്പത്തി, മനുഷ്യവംശം, ജീവജാലങ്ങള്‍ തുടങ്ങിയവയുടെ ആരംഭം ഭൂമി പല ഭൂഖണ്ഡങ്ങളായി പിരിഞ്ഞത് എിങ്ങനെ സകലതും, മോശ എഴുതിയ ഉല്പത്തിയിലാണ്. ജീവജാലങ്ങളില്‍ ആണോ പെണ്ണോ ആദ്യം ഉണ്ടായത് എ് പറയുവാന്‍ പരിണാമ സിദ്ധാന്തത്തിന് കഴിയുില്ല. അതതു തരം എ ഉല്പത്തിയിലെ പ്രയോഗം ശ്രദ്ധിക്കുക. ഇത് ദൈവത്തിനല്ലാതെ ആര്‍ക്കും പറയുവാന്‍ കഴിയില്ല. ഇവയൊക്കെ മോശ എഴുതിയ ചെറുകഥകളാണെ് പറയുവനെ മണിയാശാന്റെ ഭാഷയില്‍ ഊളം പാറയില്‍ പോലും എടുക്കുവാന്‍ സാധ്യതയില്ല. വായിവരുതെന്തും വിളിച്ച് പറയു വിവരദോഷികള്‍. അമിതമായ വ്യക്തി ആരാധന കൊണ്ട് എന്തെല്ലാം വിവരകേടുകള്‍ പറഞ്ഞാലും വിശ്വസിക്കു പാവങ്ങള്‍. 40- ല്‍ അധികം വ്യക്തികള്‍ പല രാജ്യങ്ങളില്‍ ഇരു് എഴുതിയതാണെങ്കിലും സര്‍വ്വശക്തനായ ദൈവമാണ് ഇതിന്റെ എഴുത്തുകാരന്‍. ”ജ്ഞാനികളുടെ വചനങ്ങള്‍ മുടി കോല്‍ പോലെയും സഭാധിപന്മാരുടെ വാക്കുകള്‍ തറെച്ചിരിക്കു ആണികള്‍ പോലെയും ആകുു. അവ ഒരു ഇടയനാല്‍ നല്കപ്പെ’ിരിക്കുു.” (സഭാ പ്രസ.12:11)
യഹോവ എന്റെ ഇടയനാകുു. ആ നല്ല ഇടയനാല്‍ നല്കപ്പെ’താണ് മുഴുവന്‍ തിരുവെഴുത്തും എ സത്യം വിസ്മരിക്കരുത്. വിവരക്കേടുകള്‍ വിളമ്പരുത്.
എാല്‍ ന്യായപ്രമാണം എന്തിന് വാഗ്ദത്തം ലഭിച്ച സന്തതി വരുവോളം അത് ലംഘനങ്ങള്‍ നിമിത്തം കൂ’ിചേര്‍ത്തതും ദൂതന്മാര്‍ മുഖാന്തരം മദ്ധ്യസ്ഥന്റെ കയ്യില്‍ ഏല്പിച്ചതുമത്രേ. (ഗലാ. 3:19) പഴയനിയമത്തിന്റെ മദ്ധ്യസ്ഥനാണ് മോശ. ആരോ ഒരാള്‍ ഏല്പിച്ചതാണ്. ദൈവമോ, പിശാചോ? ദൈവത്തില്‍ നി് ഉള്ളതല്ല എ് പറയുമ്പോള്‍ പി െആരാണ് ഏല്പിച്ചത്. മോശ തന്റെ ഭാവനയില്‍ വതെല്ലാം എഴുതിയതല്ല. ”പി െയഹോവ മോശയോട് അരുളിചെയ്തത് എന്തൊല്‍” ആ പ്രയോഗം നോക്കുക. ഇതില്‍ പരം തെളിവ് വേണോ? ഒരിക്കല്‍ സുഗതന്റെ കെ’് പൊ’ിച്ചിരുവന്‍ എാേടു പറഞ്ഞു. എഫേസ്യ ലേഖനത്തില്‍ പൗലോസ് പഴയ നിമത്തിലെ ഉദ്ധരണികള്‍ ഉപയോഗിച്ചി’ില്ല. എഫെ.4:8 ല്‍ സങ്കീ. 68:18 ലെ വാക്യമാണ് ഉദ്ധരിച്ചിരിക്കുത്. കെ’് പൊ’ിക്കുതിനിടയില്‍ കാണാതെ പോയതാണ്.
”നിങ്ങള്‍ക്ക് വരുവാനിരിക്കു കൃപയെക്കുറിച്ച് പ്രവചിച്ച പ്രവാചന്മാര്‍ ഈ രക്ഷയെ ആരാഞ്ഞു അന്വേഷിച്ചിരുു. അവരിലുള്ള ക്രിസ്തുവില്‍ ആത്മാവ് ക്രിസ്തുവിന് വരേണ്ടിയ കഷ്ടങ്ങളേയും പിന്‍ വരു മഹിമയേയും മുമ്പില്‍ സാക്ഷീകരിച്ചു.” (1പത്രൊ.1:10-11).
പഴയനിയമ പ്രവാചകന്മാര്‍ കെ’ുകഥ എഴുതിയതല്ല. അവരില്‍ വ്യാപരിച്ച ക്രിസ്തുവിന്റെ ആത്മാവ് അവരെക്കൊണ്ട് എഴുതിച്ചതാണ്. പഴയനിയമം അലര്‍ജിയുള്ള ഒരു മഹാന്‍ എാേട് ഇപ്രകാരം പറഞ്ഞു യേശു ക്രിസ്തു മരിച്ച് അടക്കപ്പെ’് ഉയര്‍ത്തെഴുേറ്റതിന് ശേഷമുള്ളതേ അവര്‍ അംഗീകരിക്കുകയുള്ളു. 66 പുസ്തകങ്ങളില്‍ നിും ഞാന്‍ വാക്യങ്ങള്‍ നിരത്തുമെ് ആദ്യമേ പറഞ്ഞിരുു. അംഗീകരിക്കില്ലെ് വപ്പോള്‍ പി െഅവരോട് സംസാരിക്കാന്‍ കഴിയില്ല. അതിന് ആവശ്യവുമില്ല.
അക്ഷര കൈരളിയുടെ നാ’ില്‍ മൊത്തമായും ചില്ലറയായും വിടുതല്‍ വ്യാപാരം നടത്തു നാരങ്ങാനം കാരന്റെ ശിങ്കിടിയാണ് കഥാപാത്രം. അതില്‍ നി് ഒരു കാര്യം മനസ്സിലാക്കി. ഈ കൂ’രൂടെ പല തെറ്റായ ഉപദേശങ്ങളുടെയും കടയ്ക്കല്‍ കത്തിവെയ്ക്കാന്‍ ഉചിതമായ തെളിവുകള്‍ അവയില്‍ ഉണ്ട്. അടുക്കിന് നിരത്തിയാല്‍ ഇവര്‍ അടിമറിയും അത് ഭയ് ആദ്യമേ അവ വായിക്കരുതെും, ദൈവത്തില്‍ നി് അല്ലെും പ്രഖ്യാപിക്കുകയാണ്. ചതിയില്‍ പെടരുത്. വസ്തുതകളെ വിവേചിക്കുക. വചനം വ്യക്തമായി പഠിക്കുക. ന്യായപ്രമാണം അരച്ച് കലക്കി കുടിച്ച് അതില്‍ അഗാധമായ പാണ്ഡിത്യം നേടിയ പൗലോസിനേക്കാള്‍ വലിയ പണ്ഡിതരാണ് ഇ് ഇറങ്ങിയിരിക്കുത്. ഇവര്‍ക്ക് മനസ്സില്‍ തോുതെല്ലാം ഉപദേശമാണ്.
– കാനം അച്ചന്റെ ഭാഷയില്‍
”ദാവീദിന്റെ സങ്കീര്‍ത്തനം പുതിയ നിയമസഭയ്ക്ക് ആവശ്യമില്ല എ് പറയു ചില അതിര്‍ കട ഭക്തന്‍മാര്‍ നമുക്ക ഉണ്ട്. ഇവരുടെ ചിന്തയില്‍ സഭ കൂടി വരുമ്പോള്‍ ഓരോരുത്തന് സങ്കീര്‍ത്തനമുണ്ട് എാണ് പറയാറുള്ളത്. ഇവരുടെ ന്യായം അനുസരിച്ച് പഴയനിയമം പോലും വര്‍ജ്ജിക്കേണ്ടി വരും. സങ്കീര്‍ത്തനം നീക്കി കളയു കൂ’ത്തില്‍ കാവ്യ പുസ്തകങ്ങളായ വിലാപങ്ങള്‍, ഉത്തമഗീതം സദൃശ്യവാക്യങ്ങള്‍ ഇവയെല്ലാം നീങ്ങി പോകണം. അങ്ങനെ വരുമ്പോള്‍ പഴയനിയമം പി െകണികാണാന്‍ കി’ുകയില്ല. കുറെ കഴിയുമ്പോള്‍ ഇവര്‍ പുതിയ ആശയങ്ങള്‍ കൊണ്ടുവരും. നാല് സുവിശേഷങ്ങള്‍ ചരിത്രം പഠിച്ച് എഴുതിയതാണ്. കൃപ പ്രാപിച്ച നമുക്ക് ചരിത്ര പഠനം ആവശ്യമില്ല എ് പറഞ്ഞേക്കാം. അപ്പോസ്തലന്മാരുടെ ലേഖനങ്ങള്‍ അവര്‍ ബുദ്ധി ഉപയോഗിച്ച് എഴുതിയതായതുകൊണ്ട് അതും ആവശ്യമില്ല. എ് പറയും.”
2 കൊരി. 3-ാം അധ്യായം വായിച്ചി’് വിമര്‍ശിച്ചാല്‍ മതി പോലും ആ ഭാഗങ്ങള്‍ മനസ്സിരുത്തി വായിക്കുക. പഴയനിയമത്തിലെ പുസ്തകങ്ങള്‍ ദൈവത്തില്‍ നി് ഉള്ളതല്ല എ് അവിടെ പറയുില്ല. അരി ആഹാരം കഴിക്കു ആര്‍ക്കും മനസ്സിലാകും. അത് വായിക്കുമ്പോള്‍ മൂടുപടം കിടക്കുു. മോശ തന്റെ മുഖത്ത് മൂടുപടം ഇ’ു. ആ മൂടുപടം അവരുടെ ഹൃദയത്തില്‍ കിടക്കുു. അ് നല്കിയതും തേജസ്സുള്ളതായിരുു. എാല്‍ പുതിയനിയമത്തിന്റെ ശുശ്രൂഷ അധികം തേജസ്സുള്ളതാണ്. എ് സ്ഥാപിക്കുു. (3:9-11). ദൈവത്തില്‍ നി് അല്ലെങ്കില്‍ തേജസ്സുകളെതാകുമോ? അത്തെ പ്രമാണം കല്പലകയില്‍ എഴുതിയതാണ്. അക്ഷരത്തിന്റെ ശുശ്രൂഷയാണ്. മരണ ശുശ്രൂഷയാണ്. അത് യിസ്രയേല്‍ ജനത്തിന് നല്‍കിയതാണ്. ക്രിസ്തു അത് നീക്കുവാനല്ല വത് മറിച്ച് നിവര്‍ത്തിപ്പാനാണ്. അപ്പോള്‍ പൊരുള്‍ വെളിപ്പെ’ു വു. നമുക്കു ലഭിച്ച അധികം തേജസ്സുള്ളതിന്റെ മഹത്വം അറിയുവാന്‍ പഴയതുമായ പൗലോസ് താരതമ്യം ചെയ്യുകയാണ്. അത് വായിക്കാതെ എങ്ങനെ മനസ്സിലാകും. 1 കൊരി.10:6 നോക്കുക ”ഇത് നമുക്ക് ദൃഷ്ടാന്തമായി സംഭവിച്ചു. അവര്‍ മോഹിച്ചതുപോലെ നാമും ദുര്‍മോഹികള്‍ ആകാതിരിക്കേണ്ടതിന് ത.േ”
അവരെപ്പോലെയുള്ള ചില ദുര്‍മോഹികള്‍ ഈ കാലഘ’ത്തിലും പറയുു. അത് വായിക്കേണ്ട ഞങ്ങള്‍ക്ക് കേള്‍ക്കേണ്ട. ഈ കൂ’ര്‍ ഒരു കാര്യം ഓര്‍ക്കണം. പഴയനിയമത്തിലും പുതിയനിയമത്തിലും ദൈവത്തിന് ഒരു മാറ്റവും ഇല്ല. ക്രിസ്തുവില്‍ സ്വാതന്ത്ര്യം എ് പറഞ്ഞ് സകലത്തിനും കൂ’ുനില്ക്കുമെ് വിചാരിക്കരുത്. ഇവിടുത്തെ ജനപ്രിയര്‍ പറയുതു പോലെ ക്രിസ്തുവിന്റെ ക്രൂശുമരണത്തിന് ശേഷം പാപത്തിന് അര്‍ത്ഥ വ്യത്യാസം വി’ില്ല. പാപം ചെയ്യു ദേഹി മരിക്കും. എാല്‍ പാപിയെ വീണ്ടെടുക്കു രീതിയ്ക്ക് വ്യത്യാസം വു. നമ്മുടെ ദൈവം ദഹിപ്പിക്കു അഗ്നിയല്ലോ?
ഇത് പുതിയനിയമത്തിലെ വാക്യമാണ് (എബ്രാ.12:29). പൗലോസിന്റെ പതിനാല് ലേഖനങ്ങളില്‍ നല്ലഭാഗം പഴയനിമയത്തിലെ ഉദ്ധരണികള്‍ ഉണ്ട്. അത് ഇവര്‍ വെ’ികളയുമോ ആവോ? വരുവാനുള്ള ക്രിസ്തുവിനെ മുന്‍കൂ’ി വിളിച്ച് പറയു പഴയനിയമ പുസ്തകങ്ങള്‍ വായിക്കരുതെ് പഠിപ്പിക്കു പിശാചിന്റെ ഏജന്റ്മാരെ സൂക്ഷിക്കുക.

Johnson Samuel Kannur

Continue Reading

Articles

“വിശ്വസ്ഥയായ രൂത്ത്”.രൂത്ത് എന്ന പേരിന്റെ അര്‍ത്ഥം സ്‌നേഹിത എന്നാണ്.സിസ്റ്റര്‍ ഒമേഗ സുനില്‍

Published

on

By

വിശ്വസ്ഥയായ രൂത്ത്.
രൂത്ത് എന്ന പേരിന്റെ അര്‍ത്ഥം സ്‌നേഹിത എന്നാണ്. ന്യായാധിപന്മാരുടെ കാലത്ത് അഭയാര്‍ത്ഥികളായി മോഖാബ് ദേശത്തുപോയി താമസിച്ച എലീമലേക്കിന്റെയും നവോമിയുടെയും മൂത്തമകനായ മഹ്ലോന്റെ ഭാര്യയാണ് രൂത്ത്. ന്യായാധിപ ഭരണകാലത്തിന്റെ ഇരുളടഞ്ഞ പശ്ചാത്തലത്തില്‍ നിര്‍വ്യാജ സ്‌നേഹത്തിന്റെ യഥാര്‍ത്ഥ ചിത്രമാണ് രൂത്ത്.
പാലസ്തീന്‍ നാടിന്റെ തെക്കുഭാഗത്തായി സ്ഥിതി ചെയ്യുന്ന യെഹൂദയില്‍ നിന്നുള്ളവരാണ് ഈ കുടുംബം. ബെത്‌ലഹേമില്‍ നിന്നും യാത്ര തിരിച്ച് യിസ്രായേലിന്റെ ഒരു അയല്‍ രാജ്യമായ മോവാബില്‍ എത്തി. മെഡിറ്ററേനിയന്‍ സമനിരപ്പില്‍ നിന്നും മൂവായിരം അടി ഉയരത്തിലാണ് മോവാബ് സമഭൂമി സ്ഥിതി ചെയ്യുന്നത്. ബേത്‌ലഹേമില്‍ ക്ഷാമം ഉണ്ടായപ്പോള്‍ എലീമേലക്കും കുടുംബവും സമൃദ്ധമായ മോവാബിലേക്ക് കുടിയേറി പാര്‍ക്കാന്‍ പോയി. എന്നാല്‍ അത് അവര്‍ക്ക് നഷ്ടത്തിന് കാരണമായി. ദൈവഹിതപ്രകാരമല്ലാത്ത എല്ലാ യാത്രകളും നേട്ടങ്ങളുമെല്ലാം തീരാ നഷ്ടത്തില്‍ കലാളിക്കുമെന്നുള്ളതാണ് യാഥാര്‍ത്ഥ്യം. പുറം ജാതിക്കാര്‍ എന്നുവിളിച്ച് അകറ്റി നിര്‍ത്തപ്പെട്ട പശ്ചാത്തലത്തിലുള്ള ഒരു സ്ത്രീ യേശുവിന്റെ വംശാവലിയില്‍ കയറി കൂടിയ വിജയ കഥയാണ് രൂത്തിന് പറയാനുള്ളത്.
1. വ്യക്തി ജീവിതത്തില്‍ വിശ്വസ്ഥയായിരുന്നു.
മോവാബിലെത്തിയ എലീമേലക്കും കുടുംബവും ബേത്‌ലഹേമിലെ ക്ഷാമത്തിന്റെ ക്ഷീണം മാറിയവരായി പുഷ്ടി പ്രാപിച്ചു. മക്കളായ മഹ്ലോനും കില്യോനും മോവാബ്യരായ രണ്ട് സ്ത്രീകളെ വിവാഹം കഴിച്ചു. എല്ലാം കൊണ്ടും അനുഗ്രഹിക്കപ്പെട്ട സ്ഥലത്താണ് എത്തിയത് എന്ന് ചിന്തിച്ചു. എന്നാല്‍ ചില്ലുകൊട്ടാരം പോലെ അവരുടെ എല്ലാപ്രതീക്ഷകളും തകരുകയായിരുന്നു. അപ്രതീക്ഷിതമായി കുടുംബനാഥനായ എലീമേലക്ക് മരിച്ചു. അതിന്റെ ആഘാതത്തില്‍ നിന്നും മോചിക്കപ്പെടുന്നതിന് മുന്‍പ് മക്കളായ മഹ്ലോനും കില്യോനും മരിച്ചു. അമ്മയായ നവോമിയും മരുമക്കളായ ഓര്‍പ്പയും രൂത്തും മാത്രം അവശേഷിച്ചു. ഓര്‍പ്പയോടും രൂത്തിനോടും അവരവരുടെ വീട്ടില്‍ പൊയ്‌ക്കൊള്ളാന്‍ നവോമി ആവശ്യപ്പെട്ടു. ഓര്‍പ്പ അമ്മായിഅമ്മയെ കെട്ടിപ്പിടിച്ച് ചുംബിച്ച് പിരിഞ്ഞു. എന്നാല്‍ രൂത്ത് അമ്മായിഅമ്മയെ പിരിയുവാന്‍ തയ്യാറായില്ല. (രൂത്ത്:1: 16,17) രൂത്ത് നവോമിയോടൊപ്പം പോകുവാന്‍ പ്രേരിപ്പിച്ച ഒത്തിരി കാര്യങ്ങള്‍ കാണാം. എന്നാല്‍ പ്രധാനപ്പെട്ടതായി എനിക്ക് ബോധ്യപ്പെട്ടത് വ്യക്തി ജീവിതത്തിലെ അവളുടെ വിശ്വസ്ഥതയാണ്. കൂടെയുള്ളവര്‍ അവിശ്വസ്തരായി പിരിഞ്ഞപ്പോള്‍ രൂത്തിനെ നിലനിര്‍ത്തിയത് അവളുടെ വിശ്വസ്ഥതയായിരുന്നു. വിശ്വസ്ഥതയില്ലാത്തവര്‍ സാഹചര്യത്തിന് അനുസരിച്ച് മാറികൊണ്ടിരിക്കും. രൂത്തിന്റെ അതേ അനുഭവവും സാഹചര്യവും ഉള്ള ഓര്‍പ്പ പിരിഞ്ഞുപോയി. എന്നാല്‍ രൂത്തിന്റെ വിശ്വസ്ഥത അവളെ നിലനിര്‍ത്തി. കൂടെ ആരാധിക്കുന്നവരും കൂടെ പാര്‍ക്കുന്നവരുമൊക്കെ അവിശ്വസ്തരായി മാറിയേക്കാം. എന്നാല്‍ ഇത് നമ്മുടെ വ്യക്തിപരമായി നമ്മളിലുള്ള വിശ്വസ്ഥതയെ ബാധിക്കരുത്.
2.കുടുംബ ജീവിതത്തില്‍ വിശ്വസ്ഥയായിരുന്നു.
വ്യക്തി ജീവിതത്തിലെ വിശ്വസ്ഥത കുടുംബ ജീവിതത്തിലേക്കും കൂടി വ്യാപിക്കുകയാണ്. നവോമിയോടൊപ്പം രൂത്ത് ബേത്‌ലഹേമിലെത്തി. അവിടെ എത്തിയ രൂത്ത് അമ്മാവിയമ്മയായ നവോമിയുടെ അനുവാദത്തോടെ വയലില്‍ കതിര്‍പെറുക്കുവാന്‍ പോയി(രൂത്ത്:2:2,3) അന്യനാട്ടില്‍ ആദ്യമായി വന്നതാണ്. പരിചിതര്‍ ആരുമില്ല ഭര്‍ത്താവ് മരിച്ചുപോയ ചെറുപ്പക്കാരിയാണ് ഇങ്ങനെയുള്ള പരിമിതികള്‍ ഒന്നും വകവയ്ക്കാതെ അവള്‍ കുടുംബത്തിന്റെ ഉത്തരവാദിത്വം ഏറ്റെടുത്ത് ജോലിക്കിറങ്ങി. ഇതിനു കാരണം കുടുംബജീവിതത്തില്‍ അവള്‍ വിശ്വസ്ഥയായിരുന്നതുകൊണ്ടാണ്.
വിശ്വസ്ഥത പുലര്‍ത്താന്‍ ഭര്‍ത്താവ് ഇല്ലെങ്കിലും അവള്‍ അവളെ സൂക്ഷിക്കാന്‍ തീരുമാനിച്ചു. രൂത്ത് 3:10 ല്‍ ബോവസ് രൂത്തിനോട് പറയുകയാണ്. ദരിദ്രന്മാരോ ധനവാന്മാരോ ആയ ബാല്യക്കാരെ നീ പിന്‍തുടരാതിരുന്നതുകൊണ്ട് ആദ്യത്തേതിനേക്കാള്‍ അധികം ദയ ഒടുവില്‍ കാണിച്ചിരിക്കുന്നു. അവിടെ അവളെ സൂക്ഷിക്കാന്‍ ആരുമില്ല. ബാല്യക്കാരുടെ പിന്നാലെ പോകുവാനുള്ള സാഹചര്യം ഉണ്ട്. എന്നാല്‍ വിശ്വസ്ഥത അവളെ നിലനിര്‍ത്തി. നമ്മെ സൂക്ഷിക്കുവാനോ സംരക്ഷിക്കുവാനോ ആരുമില്ലെങ്കിലും നാം വിശ്വസ്ഥരാണെങ്കില്‍ അത് എല്ലാ മേഖലയിലും പ്രകടമാകും. ധാര്‍മ്മിക മൂല്യങ്ങള്‍ക്ക് ശോഷണം സംഭവിച്ചുകൊണ്ടിരിക്കുന്ന ഈ കാലഘട്ടത്തില്‍ രൂത്ത് നമുക്ക് ഒരു മാതൃകയായിരിക്കട്ടെ.
3. ഔദ്യോഗിക ജീവിതത്തില്‍ വിശ്വസ്ഥയായിരുന്നു.
വ്യക്തി ജീവിതത്തിലും കുടുംബജീവിതത്തിലും മാത്രമല്ല ഔദ്യോഗിക ജീവിതത്തിലും രൂത്ത് വിശ്വസ്ഥയായിരുന്നു. വയലില്‍ പുതുതായി കാലാപെറുക്കുവാന്‍ വന്ന രൂത്തിനെ കണ്ട ബോവസ് കൊയ്ത്തുകാരുടെ മേലാളായ ഭൃത്യനോട് ഇവളെപ്പറ്റി അന്വേഷിച്ചു. ഭ്യത്യന്‍ പറഞ്ഞു. ഇവള്‍ നവോമിയോടൊപ്പം വന്നതാണ്. കാലത്ത് വന്നപ്പോള്‍ മുതല്‍ ഇതുവരെ പെറുക്കികൊണ്ടിരിക്കയാണ് വീട്ടില്‍ അല്പനേരമേ താമസിച്ചുള്ളൂ. രൂത്തിനെപ്പറ്റി ഒരു നല്ല സാക്ഷ്യം ഭ്യത്യന് പറയുവാനുണ്ടായിരുന്നു. അവള്‍ അലസയാണെന്നല്ല മറിച്ച് ഉല്‍സാഹവും ഊര്‍ജ്ജസ്വലതയും കൃത്യനിഷ്ഠയും ഉള്ളവള്‍ എന്നാണ് ഭ്യത്യന്‍ രൂത്തിനെപ്പറ്റി ബോവസിനോട് പറഞ്ഞത്.
നമ്മുടെ ഔദ്യോഗിക ജീവിതത്തില്‍ നാം എത്രമാത്രം വിശ്വസ്ഥരെന്ന് ചിന്തിക്കുന്നത് നന്നായിരിക്കും. ഒരു പക്ഷെ ചെറുതോ വലുതോ ആയ ജോലി മേഖലയില്‍ ആകാം. എന്തുമാകട്ടെ എത്രമാത്രം ഉല്‍സാഹത്തോടെ പ്രവര്‍ത്തിക്കുവാന്‍ നമുക്ക് സാധിക്കുന്നുണ്ട്. ഔദ്യോഗിക ജീവിതത്തില്‍ നാം വിശ്വസ്ഥരാണോ? വ്യക്തി ജീവിതത്തിലും കുടുംബജീവിതത്തിലും ഔദ്യോഗിക ജീവിതത്തിലും വിശ്വസ്ഥരായവര്‍ക്ക് എല്ലാ നിലയിലും ഉയര്‍ച്ചയുടെ പടികള്‍ ചവിട്ടി കയറുവാന്‍ സാധിക്കും എന്നത് രൂത്തിന്റെ അനുഭവത്തില്‍ നിന്നും മനസ്സിലാക്കാം.
സിസ്റ്റര്‍ ഒമേഗ സുനില്‍

Continue Reading

Articles

പറയാതിനി വയ്യ:എതിരില്ലാതെയല്ല എതിരില്ലാതാക്കി ജയിച്ചവര്‍.

Published

on

By

പറയാതിനി വയ്യ.

എതിരില്ലാതെയല്ല എതിരില്ലാതാക്കി ജയിച്ചവര്‍.

പെന്തക്കോസ്ത് സമൂഹത്തില്‍ വച്ച് ഏറെ ചര്‍ച്ചചെയ്യപ്പെടുന്ന ഇലക്ഷനാണ് ഐ.പി.സി യുടെ ഇലക്ഷന്‍. ഈ തിരഞ്ഞെടുപ്പ് സംവിധാനം തന്നെയാണ് സഭയുടെ തകര്‍ച്ചയ്ക്ക് ഒരു പ്രധാന കാരണവും. ഐ.പി.സി സംസ്ഥാന ഇലക്ഷനില്‍ ഒരു പാനല്‍ മുഴുവന്‍ തിരഞ്ഞെടുക്കപ്പെട്ടത് ഏറെ ശ്രേദ്ധേയമായിരുന്നു. മണ്ധലാടിസ്ഥാനത്തില്‍ തിരഞ്ഞെടുപ്പ് നടക്കുമ്പോള്‍ പാനലിന്‍റെ വാശിയും ചേരിതിരിവും ഇല്ലാതെയാകും എന്ന് ആഗ്രഹിച്ചവരെ അന്ധാളിപ്പിക്കും വിധത്തിലുള്ള കാര്യപരിപാടികളായിരുന്നു അരങ്ങേറിയത്.

എതിരില്ലാതാക്കി ജയിച്ചവര്‍.

പാസ്റ്റര്‍ ജേക്കബ്‌ ജോണ്‍ പ്രസിഡന്‍റായും പാസ്റ്റര്‍ കെ.സി.ജോണ്‍ സെക്രട്ടറിയായും പാസ്റ്റര്‍ തോമസ്‌ ഫിലിപ്പ് വെണ്മണി ജോയിന്‍റ് സെക്രട്ടറിയായും എതിരില്ലാതെ തിരഞ്ഞെടുക്കപ്പെട്ടതായി പ്രഖ്യാപിക്കുമ്പോള്‍ ഒരു സംശയം ആര്‍ക്കാണ് ഇവിടെ എതിരില്ലാതിരുന്നത്? പാസ്റ്റര്‍ ജേക്കബ്‌ ജോണിനെതിരെ മത്സരിക്കാന്‍ അഥവാ പ്രസിഡന്‍റ് സ്ഥാനത്തേയ്ക്ക് മത്സരിക്കാന്‍ പാസ്റ്റര്‍ വത്സന്‍ ഏബ്രഹാമും പാസ്റ്റര്‍ ബേബി വര്‍ഗീസും മനസ്സുകൊണ്ട് തയ്യാറായിരുന്നു. ലഭിച്ച കാലംകൊണ്ട് ജനകീയനായി മാറുവാന്‍ പാസ്റ്റര്‍ ജേക്കബ്‌ ജോണിന് കഴിഞ്ഞതിനാല്‍ അദ്ധേഹത്തെ എതിര്‍ത്ത് ജയിക്കുക എന്നത് പ്രയാസമേറിയ കാര്യമായിരുന്നു എന്നതാണ് സത്യം. ഒരു പ്രാവശ്യം കൂടെ പ്രസിഡന്‍റായി തുടരണം എന്ന് താല്പര്യം ഉണ്ടായിരുന്ന പാസ്റ്റര്‍ ജേക്കബ്‌ ജോണ്‍ കൂടുതല്‍ ജനകീയനാകാനും ആത്മീയ പ്രതിച്ഛായ നിലനിര്‍ത്താനും ഏറെ ശ്രെമിച്ചതിന്‍റെ ഫലമാണ് എതിരില്ലാതായത്. വിയോജിത നിലപാടുകാര്‍ ഇല്ലാത്തതിനാല്‍ അല്ല ലഭിച്ച സമയംകൊണ്ട് എതിരില്ലാതാക്കുകയായിരുന്നു.
സെക്രട്ടറി സ്ഥാനം തിരികെപിടിച്ച പാസ്റ്റര്‍ കെ.സി ജോണ്‍ ചില്ലറ പ്രതികൂലമല്ല കഴിഞ്ഞകാലത്ത് അനുഭവിച്ചത്. ശത്രുക്കള്‍ കുറച്ച് ഉണ്ട് കേട്ടോ…. അത് ലോകം അറിഞ്ഞത് കോടതി വിധിയിലൂടെ സ്ഥാനഭ്രെംശം ഉണ്ടായപ്പോഴാണ്. നഷ്ടപ്പെട്ട സ്ഥാനത്ത് തിരികെ വരാനുള്ള തന്‍റെ ശ്രെമത്തിന്‍റെ ഭാഗമായി ഓരോ എതിരുകളെയും ഇല്ലാതാക്കി പാസ്റ്റര്‍ സാം ജോര്‍ജിനെ സെക്രട്ടറി സ്ഥാനമെന്ന ചിന്തയില്‍ നിന്ന് സൌഹൃദംപൂര്‍വ്വം മാറ്റി കളം ക്ലിയറായി എന്ന് ഏകദേശം ഉറച്ചപ്പോള്‍ ഇതാ മറ്റൊരു പ്രതിയോഗി പാസ്റ്റര്‍ ഫിലിപ്പ് പി തോമസ്‌. വൈസ് പ്രസിഡന്‍റായി നില്‍ക്കുന്നു എന്ന് അതുവരെ പറഞ്ഞയാള്‍ പെട്ടെന്ന് ജനറല്‍ സെക്രട്ടറി സ്ഥാനത്തേയ്ക്ക്. ഈ ബഹുമാനപ്പെട്ട ദൈവദാസന്‍റെ ഈ അടുത്ത കാലത്തെ പ്രശ്നം ഇതുതന്നെയിരുന്നു. ജനറല്‍ വേണോ സ്റ്റേറ്റില്‍ വേണോ എന്നുചിന്തിച്ച് കാലംകളഞ്ഞു. കൂടെ കൂടിയ കൂട്ടം അതോടെ ദുര്‍ബലമായി. അങ്ങനെ ഫിലിപ്പ് പി തോമസ്‌ പാസ്റ്ററുടെ തീരുമാനത്തോടെ കെ.സി പാസ്റ്റര്‍ക്കെതിരായി അപ്പോള്‍ എതിരുണ്ടേ….. പിന്നെ നടന്നതാണ് എതിരില്ലാതാക്കല്‍ പരിപാടി. ആ നീക്കം അരങ്ങേറിയത് സാം കുഴിക്കാലയുടെ അദ്ധ്യക്ഷതയില്‍ ആണെന്ന് പറഞ്ഞുകേള്‍ക്കുന്നു. പാസ്റ്റര്‍ ഫിലിപ്പ് പി തോമസ്‌ സകലരുടെയും പ്രതീക്ഷ തെറ്റിച്ച് പിന്മാറിയത് എന്ത് പ്രലോഭനത്തിലാണ് എന്ന് വ്യക്തമല്ല. ചിലര്‍ പറയുന്നു അടുത്ത ടേമില്‍ സംസ്ഥാന പ്രസിഡന്‍റാകാന്‍ എതിരില്ലാത്ത കളംകൊടുക്കാമെന്നും ജനറല്‍ കണ്‍വന്‍ഷനില്‍ ശനിയാഴ്ച രാത്രി പ്രസംഗവും ഓഫര്‍ ചെയ്തതുകൊണ്ട് പിന്മാറി എന്നാണ്. സംഗതി തുറന്നു സമ്മതിക്കാന്‍ ഫിലിപ്പിപാസ്റ്റര്‍ തയ്യാറായില്ല കാര്യം ഇതൊക്കെയാണെങ്കിലും ഇപ്പോള്‍ സെക്രട്ടറി പാസ്റ്റര്‍ കെ.സി ജോണ്‍ തന്നെ. കേന്ദ്രതല ഉന്നതന്മാര്‍ക്ക് അദ്ദേഹം തന്നെ സെക്രട്ടറിയാകണമെന്ന് തീരുമാനിച്ച് ഉറപ്പിച്ചപോലെയാണ് കുമ്പനാട്ടെ കാര്യങ്ങള്‍. സെക്രട്ടറി സ്ഥാനത്ത് നിന്ന് പാസ്റ്റര്‍ കെ.സി ജോണ്‍ മാറേണ്ടിവന്നെങ്കിലും അദ്ധേഹമിരുന്ന ചെയറില്‍ ഇരിക്കാനോ ക്യാബിനില്‍ ഒന്ന് കയറാനോ അതിന്‍റെ മുന്‍പിലെ ഗ്ലാസ്‌ ഡോറിലെ സെക്രട്ടറിയുടെ സ്ഥാനത്ത് നിന്ന് അദ്ധേഹത്തിന്‍റെ പേര് നീക്കം ചെയ്യാനോ ഇതുവരെ ആരും തയ്യാറായിട്ടില്ലായിരുന്നു. ഇതുകൊണ്ട് എന്ത് മനസ്സിലാക്കാം. ഒന്നും മനസ്സിലാകാത്തവര്‍ ഇതെങ്കിലും മനസ്സിലാക്കിക്കോ ഇനി പേര് പ്രിന്‍റ് ചെയ്ത് സഭയുടെ പണം നഷ്ടമാക്കില്ല.സഭയ്ക്ക് എന്ത് ലാഭമായി…. ജനം തിരഞ്ഞെടുത്ത നേതാവെന്നും പറയാന്‍ കഴിയില്ല. കളമൊരുക്കി കാര്യം നേടിയെന്നു പറഞ്ഞാല്‍ അത് തെറ്റാകുമോ എന്തോ? പൊടുന്നിനവേ ജോയിന്‍റ് സെക്രട്ടറിയായ സുവിശേഷ പ്രസംഗകന്‍ പാസ്റ്റര്‍ തോമസ്‌ ഫിലിപ്പ് വെണ്മണി നിലവിലെ സെക്രട്ടറി ഇന്‍ ചാര്‍ജായ പാസ്റ്റര്‍ സാം ജോര്‍ജിനെയാണ് നേരിടാന്‍ ഇറങ്ങിയത്‌ അപ്പോഴും എതിരുണ്ടേ……. സംഗതി കാര്യം നേടാന്‍ അല്പം പണിപ്പെട്ടു എന്ന് പറഞ്ഞു കേള്‍ക്കുന്നു സന്തതസഹചാരി ജെയിംസ്‌ പാസ്റ്ററെ കൊണ്ട് പാസ്റ്റര്‍ സാം ജോര്‍ജിന്‍റെ നാമനിര്‍ദേശ പത്രികയിലെ ന്യൂനത ചൂണ്ടിക്കാട്ടി കത്തുകൊടുപ്പിച്ചു എന്നും പറഞ്ഞു കേള്‍ക്കുന്നു. അപ്പോള്‍ എല്ലാവര്‍ക്കും എതിരുണ്ടേ….. ഇനി പറയുമ്പോഴും എഴുതുമ്പോഴും ശ്രെദ്ധിക്കുക എതിരില്ലാതെ തിരഞ്ഞെടുക്കപ്പെട്ടവര്‍ എന്നല്ല എതിരില്ലാതാക്കി ജയിച്ചവര്‍ എന്ന് കൂട്ടിചേര്‍ക്കുക.

Continue Reading

Trending

Copyright © 2021 Faithtrack , Developed by CloudStorey