Connect with us

Special features

സംഗീത പ്രമാണിക്ക്…..

Published

on

സംഗീത പ്രമാണിക്ക്…..

10173665_860510800704931_7929557066274775637_n

പാസ്റ്റര്‍ രതീഷ് ഏലപ്പാറയും പാസ്റ്റര്‍ രാജേഷ് ഏലപ്പാറയും

തയ്യാറാക്കിയത്: രതീഷ് ഏലപ്പാറ.
ഈ തലമുറയുടെ ദൈവസഭയില്‍ ഏറെ അത്മപ്രചോദനമായ ദൈവസ്നേഹം തുളുമ്പി നില്‍ക്കുന്ന എന്‍ പ്രേമഗീതമാം.. എന്ന ഗാനത്തിന്‍റെ രചയിതാവും പ്രശസ്ത സുവിശേഷകനുമായ പാസ്റ്റര്‍ രാജേഷ് ഏലപ്പാറ ഫെയ്ത്ത് ട്രാക്കിനു നല്‍കിയ അഭിമുഖം.
ചോദ്യം: കര്‍തൃശുശ്രൂഷയില്‍ എത്രനാള്‍ ആയി?
ഉത്തരം: കര്‍ത്താവിന്‍റെ വേലയില്‍ 18 വര്‍ഷം ആയി.
ചോദ്യം: താങ്കള്‍ എത്രത്തോളം ഗാനങ്ങള്‍ എഴുതിയിട്ടുണ്ട്? എത്ര സി.ഡി പുറത്തു വന്നു?
ഉത്തരം: 100 ല്‍ അധികം ഗാനങ്ങള്‍ എഴുതി. 38 ഗാനങ്ങള്‍ എന്‍റെ സ്വന്തം സി.ഡി പുറത്തിറങ്ങി.
ചോദ്യം: പുതിയ ഗാനങ്ങള്‍ ഉടന്‍ പുറത്തിറങ്ങുന്നുണ്ടോ?
ഉത്തരം: “ദിനവും യേശുവിന്‍ കൂടെ” എന്ന ഗാനം ഉടനെ പുറത്തിറങ്ങുന്ന സി.ഡി യില്‍ ഉണ്ടാകും.
ചോദ്യം: എന്താണ് ദിനവും യേശുവിന്‍റെ കൂടെ എന്ന ഗാനം നല്‍കുന്ന സന്ദേശം?
ഉത്തരം: യേശുവുമായി വിട്ടുപിരിയാത്ത ബന്ധമാണ് ക്രിസ്തീയ ജീവിതം. എന്നെ പിരിഞ്ഞ് നിങ്ങള്‍ക്ക് ഒന്നും ചെയ്യുവാന്‍ കഴിയില്ല.(യോഹ:15) എന്ന ദൈവവചനത്തിന്‍റെ വെളിപ്പാട് ലഭിച്ചപ്പോള്‍ ആത്മാവ് ആരാധിക്കുവാന്‍ നല്‍കിയ ഗാനമാണ്. ഇതിനോട് ചേര്‍ന്ന് അങ്ങേക്കാള്‍ വേറെ ഒന്നിനെയും സ്നേഹിക്കില്ല ഞാന്‍ യേശുവേ എന്ന ഗാനം പുറത്തിറക്കുന്നു. യോഹ:21 ല്‍ പത്രോസിനോട് ചോദിച്ച ചോദ്യം എന്നോട് പരിശുദ്ധാത്മാവ് ചോദിച്ചപ്പോള്‍ ലഭിച്ച മറുപടിയാണ് ഈ ഗാനം ഇത് വേഗത്തില്‍ അടുത്ത ആല്‍ബത്തില്‍ പുറത്തിറങ്ങും. അതിന്‍റെ തിരക്കിലാണ് ഏവരുടെയും പ്രാര്‍ത്ഥനയെ ചോദിക്കുന്നു.
ചോദ്യം: താങ്കളുടെ പ്രശസ്തമായ ആരാധന എന്ന ഗാനത്തെക്കുറിച്ച്?
ഉത്തരം: ഏലപ്പാറയില്‍ നിന്ന് 7 കി.മീ അകലെയുള്ള ഹെലിബറിയ എന്ന ഒരു ചെറിയ ഗ്രാമത്തിലാണ് എന്‍റെ ജനനം.1940- കളില്‍ എന്‍റെ പിതാവിന്‍റെ മാതാപിതാക്കള്‍ ആ ദേശത്ത് കുടിയേറി പാര്‍ത്തു. ആ കാലത്ത് പെന്തക്കോസ്തിനു വേരോട്ടം ഇല്ലാത്ത സ്ഥലമായിരുന്നു. അന്നത്തെക്കാലത്ത് അവിടെ പ്രവര്‍ത്തിക്കാന്‍ വന്ന കര്‍തൃ ദാസന്മാര്‍ക്ക് ആശ്വാസമാകുവാന്‍ എന്‍റെ പൂര്‍വ്വികര്‍ക്ക് കഴിഞ്ഞു. എന്‍റെ പിതാവിന് കുമ്പനാട് ഹെബ്രോനില്‍ പാ.കെ.ഇ ഏബ്രഹാമിന്‍റെ കീഴിലും ശാരോണ്‍ ബൈബിള്‍ കോളേജിലും പഠിക്കുവാന്‍ ഇട വന്നു. ആ കാലത്തില്‍ കര്‍ത്താവിന്‍റെ കരത്തില്‍ ഉപയോഗിക്കപ്പെട്ട ആശാരി ഉപദേശിയുടെ ഏറ്റുപദേശിയായും(ഏറ്റു പ്രസംഗം പറയുന്നയാള്‍) ഹൈറേഞ്ചില്‍ പല മേഖലകളിലും പ്രവര്‍ത്തിക്കുവാന്‍ അവസരം ലഭിച്ചു. ഞങ്ങള്‍ അഞ്ചു മക്കള്‍ ആണ്. പട്ടിണിയും ദാരിദ്ര്യവും ചോര്‍ന്നോലിക്കുന്ന വീടും തുടങ്ങിയ അനുഭവങ്ങള്‍ നിറഞ്ഞതായിരുന്നു ബാല്യം. ആ കാലത്തെ ഹൈറെഞ്ചിലെ കാലാവസ്ഥ പ്രകൃതി ക്ഷോഭം നിറഞ്ഞതായിരുന്നു. ഏറെ പരാധീനതകള്‍ ഉണ്ടായിരുന്നുവെങ്കിലും ഏറ്റവും സന്തോഷം വരുന്നത് ഭവനത്തില്‍ നടക്കുന്ന പ്രാര്‍ത്ഥനകള്‍ ആയിരുന്നു. അന്ന് പഴയ ഗാനങ്ങള്‍ ഏറെ നേരം കുടുംബമായി പാടി ഞങ്ങള്‍ ആരാധിക്കുമായിരുന്നു. ആ ഗാനങ്ങളില്‍ ആനന്ദവും സന്തോഷവും ആശ്വാസവും സമാധാനവും കണ്ടെത്തിയിരുന്നു.
ആ ഗാനങ്ങളില്‍ ഏറ്റവും ഇഷ്ടമുള്ളത് ഞാന്‍ ഇപ്പോഴും ഓര്‍ക്കുന്നു.ആ ഗാനങ്ങളില്‍ ദൈവസ്നേഹവും പ്രത്യാശയും ക്രൂശിന്‍റെ ദര്‍ശനവും ആയിരുന്നു.
ആ ഗാനങ്ങളില്‍ ചിലത് ..മമ മണാളാ നിന്‍ പ്രേമത്താലേ നിറയുന്നെ എന്നുള്ളം ഇന്നേരം…പ്രേമമെന്നില്‍ വര്‍ദ്ധിക്കുന്നെന്‍ പ്രിയനോട് ചേരുവാന്‍… നിത്യമാം സ്നേഹത്തിന്‍ ആഴം ഉയരവും …. ഇഹത്തിലെ ദുരിതങ്ങള്‍ തീരാറായ്……
ഈ ഗാനങ്ങളില്‍ വെളിപ്പെട്ട ദൈവസ്നേഹം ഹൃദയത്തിന്‍റെ അകത്ത് കര്‍ത്താവിനോട് അടുക്കുവാന്‍ പ്രചോദനമായി. ആരാധന ജീവിതത്തിന്‍റെ ഒരു അവിഭാജ്യഘടകമായി. പുറപ്പാട് 33:11 ല്‍ മോശയോട് ദൈവം ഒരു സ്നേഹിതനോട് സംസാരിച്ചു ഇപ്പോഴും അത് നടക്കുന്നു. അതില്‍നിന്നും ദൈവത്തെ ആഴമായി സ്നേഹിക്കാന്‍ ഒരു ഹൃദയം എനിക്ക് ലഭിച്ചു. ഉള്ളില്‍ തിങ്ങിയ ദൈവസ്നേഹം വരികള്‍ ആയി പുറത്ത് വന്നതാണ് ഈ സംഗീതം.
ഈ ഗാനം ആയിരക്കണക്കിനു തകര്‍ന്ന ജീവിതങ്ങള്‍ക്ക് യേശുവിലേക്ക് അടുക്കുവാന്‍ ദൈവം ഒരു ആയുധമാക്കി യേശുവുമായി സ്നേഹം നഷ്ടപ്പെട്ട അനേകര്‍ ഈ ഗാനത്തിലൂടെ കര്‍ത്താവുമായി അഭേദ്യമായ ബന്ധത്തിലേക്ക് എത്താന്‍ കഴിഞ്ഞു എന്ന് അറിയുവാന്‍ ഇടയായി.
കര്‍ത്താവുമായുള്ള എന്‍റെ ഹൃദയത്തിന്‍റെ പങ്കുവയ്ക്കലാണ്. പത്രോസിനോട് യേശുവിന് ചോദിക്കാന്‍ ചോദ്യങ്ങള്‍ ഇല്ല. നീ ഇവരില്‍ അധികമായി എന്നെ സ്നേഹിക്കുന്നുണ്ടോ?….വേദപുസ്തകത്തിന്‍റെ ഏറ്റവും വലിയ ദൂതാണ് ദൈവസ്നേഹം, ലഭിച്ചസ്നേഹം,കൊടുക്കുന്ന സ്നേഹം ഇതാണ്. ദൈവവചനത്തിന്‍റെ ചരിത്രം.(യോഹ:3:16) ന്യായപ്രമാണത്തെ ചുരുക്കി ഒറ്റ പ്രമാണത്തെ കൊടുത്തു.നിങ്ങള്‍ അന്യോന്യം സ്നേഹിക്കണം (റോമ:13:10, യോഹ:13:34) വിശ്വാസം, പ്രത്യാശ, സ്നേഹം ഇവയില്‍ വലുതോ സ്നേഹം. 1കൊരി:13 ല്‍ ദൈവസ്നേഹം മാത്രമാണ്.
ചോദ്യം:താങ്കളുടെ ആത്മീയ ശുശ്രൂഷകളും ബന്ധങ്ങളും വേദികളും ഒന്ന് വിവരിക്കാമോ?
ഉത്തരം: ഞാന്‍ ഏറ്റവും അധികം പ്രസംഗിക്കുന്നത് ദൈവം നല്‍കിയ നിയോഗങ്ങളാണ്. കര്‍ത്താവിന്‍റെ വരവ്, നിത്യത, ദൈവരാജ്യം, അത്മഭാരം, ദൈവതേജസ്സ്, ദൈവീക പ്രത്യാശ, യഥാസ്ഥാനം എന്നീ വിഷയങ്ങളാണ്. എനിക്ക് മാര്‍ഗ്ഗദര്‍ശനം നല്‍കുന്ന ദൈവദാസന്മാര്‍ അനേകരാണ്. പാ.എം.പൌലോസ്, പാ.ബാബു ചെറിയാന്‍, പാ.സാജു മാത്യു എന്നിവരുടെ ശുശ്രൂഷകള്‍ എനിക്ക് ആത്മപ്രചോദനമാണ്. പാ.ജോണ്‍സണ്‍ ഡാനിയേല്‍, പാ.രാജു പൂവക്കാല എന്നിവര്‍ നടത്തിയ യോഗങ്ങളില്‍ ശുശ്രൂഷിക്കാന്‍ അവസരം ലഭിച്ചത് അംഗീകാരമായി കാണുന്നു.
ആത്മീയ പിതാക്കന്മാര്‍ നല്‍കിയ പ്രത്യാശയും വചനശുദ്ധിയും നിര്‍മ്മല സുവിശേഷവും എവിടെയും ദൈര്യമായി പ്രഘോഷിക്കാന്‍ പരിശുദ്ധാത്മാവ് സഹായിക്കുന്നു. പൗലോസ്‌ അരയോപക കുന്നിലും, യെഹൂദന്‍മാരുടെ ഇടയിലും സത്യസുവിശേഷം പ്രസംഗിക്കാന്‍ നിന്നതുപോലെ എവിടെയും സത്യത്തിന്‍റെ സാക്ഷിയാകുവാന്‍ കര്‍ത്താവ്‌ ഇടയാക്കുന്നു.
ന്യൂതന ഉപദേശം ഉള്ള ഈ കാലഘട്ടത്തിന്‍റെ സത്യ സുവിശേഷത്തിനു വേണ്ടി പാ.രാജേഷ്‌ നില്‍ക്കുന്നു.

ലഘുചരിത്രം

1979 സെപ്റ്റംബര്‍ 20 ന് തണ്ടാശേരി വീട്ടില്‍ കെ.എന്‍.ദാനിയേലിന്‍റെയും ലീലാമ്മ ദാനിയേലിന്‍റെയും മകനായി ജനിച്ചു. പഠനാനന്തരം 16-)൦ വയസ്സില്‍ മുളക്കുഴ മൌണ്ട് സീയോന്‍ ബൈബിള്‍ കോളേജില്‍ പഠനത്തിന് ചേര്‍ന്നു. 18-)൦ വയസ്സ് പൂര്‍ത്തിയാകുന്നതിന് മുന്‍പ് തന്നെ സഭാശുശ്രൂഷയില്‍ പ്രവേശിപ്പാന്‍ ദൈവം സഹായിച്ചു. ചര്‍ച്ച്‌ ഓഫ് ഗോഡ് സഭയുടെ ശുശ്രൂഷകനായി 4 സഭകളില്‍ ഇടുക്കി ജില്ലയില്‍ പ്രവര്‍ത്തിച്ചു.(ഈ കാലയളവില്‍ തുടര്‍മാനമായ ഉപവാസത്തിലും പ്രാര്‍ത്ഥനയിലും തുടരുവാന്‍ കര്‍ത്താവ് സഹായിച്ചു. ഇത് തന്‍റെ ആത്മീക ജീവിതത്തിന് വഴിത്തിരിവായി മാറി) അനുഭവങ്ങളില്‍ കൂടെ അല്ല മറിച്ച് ആത്മസാനിദ്ധ്യത്തില്‍ ദൈവം നല്‍കിയ വരികള്‍ ആണ് പിന്നീട്‌ ആരാധനാ ഗീതങ്ങള്‍ ആയി മാറിയത്. വരികളും റ്റൂണുകളും കര്‍ത്താവ്‌ തനിക്ക് ഒരുപോലെ നല്‍കി. ഇതില്‍ മലയാളം, തമിഴ്, കന്നട,തെലുങ്ക്, ഹിന്ദി ,ഇംഗ്ലീഷ് എന്നീ ഭാഷകളില്‍ പലതും പരിവര്‍ത്തനം ചെയ്തു. സ്വദേശത്തും വിദേശത്തും ദൈവവചനത്തില്‍ കൂടിയും ഗാനങ്ങളില്‍ കൂടിയും താന്‍ കര്‍ത്താവിനെ ശുശ്രൂഷിച്ചു വരുന്നു. ഇപ്പോള്‍ ഇടുക്കി ജില്ലയിലെ മലയോര പട്ടണമായ ഏലപ്പാറയില്‍ തോട്ടം തൊഴിലാളികളുടെ ഇടയിലും ഗ്രാമങ്ങളിലും ഭാര്യയായ ഡോ.അനുവുമൊത്ത് കര്‍ത്താവിന്‍റെ വേലയില്‍ ആയിരിക്കുന്നു. അനുദിനം വളര്‍ന്ന് വരുന്ന ചര്‍ച്ച് ഓഫ് ഗോഡ് ഏലപ്പാറയുടെ ചീഫ് പാസ്റ്ററുമാണ്.

 

Continue Reading
Click to comment

Leave a Reply

Your email address will not be published.

Special features

തെരുവോരം മുരുകന്‍ തെരുവിന്റെ വെളിച്ചം.

Published

on

മിഴ്‌നാട് സ്വദേശികളായ ഷണ്‍മുഖത്തിന്റെയും വള്ളിയുടെയും മകനായി ഇടുക്കിയിലെ പീരുമേട്ടിലാണ് മുരുകന്റെ ജനനം. 2-ാംക്ലാസ്സില്‍ പഠിക്കുമ്പോള്‍ പീരുമേട് ബസ്റ്റാന്റില്‍ വച്ച് മകന്‍ വീട്ടിലേക്ക് പൊയ്‌ക്കോ അച്ഛന്‍ വന്നോളാം എന്ന് പറഞ്ഞ് പോയ അച്ഛന്‍ തങ്ങളെ ഉപേക്ഷിച്ച് പോവുകയാണെന്ന് പിന്നീടാണ് മുരുകന് മനസ്സിലായത്. 4 വര്‍ഷത്തിന് ശേഷം തിരികെ വന്ന അച്ഛന്‍ ഷണ്‍മുഖന്‍ കുടുംബത്തെ എറണാകുളത്തേയ്ക്ക് തന്റെ കൂടെ കൊണ്ട് പോയി. അങ്ങനെയാണ് ദുര്‍ഗന്ധം വമിക്കുന്ന അന്ധകാരകോളനിയെന്ന് അറിയപ്പെടുന്ന താമസക്കാരനായത്. കുപ്പ പെറുക്കി നടന്ന ബാല്യം തന്നെ തെരുവിന്‍രെ ദുരിതം പഠിപ്പിച്ചു. 8-ാം വയസ്സില്‍ പള്ളുരുത്തിയിലെ ഡോണ്‍ബോസ്‌കോ സ്‌നേഹഭവന്‍ അനാഥാലയത്തിലെത്തി അവിടെ നിന്നാണ് അക്ഷരാഭ്യാസവും തൊഴില്‍ പരിശീലനവും ലഭിച്ചത്. പകല്‍ മുഴുവന്‍ തെരുവോര സംഘടനയിലൂടെ ആശ്രയമില്ലാത്തവര്‍ക്ക് തണലാകുന്ന മുരുകന്‍ രാത്രി മുഴുവന്‍ ഓട്ടോറിക്ഷ ഓടിച്ച് ഉപജീവനം കണ്ടെത്തും.ഫെയ്ത്ത് ട്രാക്ക് റിപ്പോര്‍ട്ടര്‍ ബ്ലസന്‍ ചെറുവക്കല്‍ തയ്യാറാക്കിയ അഭിമുഖത്തിന്റെ പ്രസക്ത ഭാഗം.
1.ഈ മേഖലയിലേക്ക് തിരിയാനുള്ള കാരണം?
ജീവിതത്തില്‍ ഒന്നും നേടാന്‍ വേണ്ടി തുടങ്ങിയതല്ല ഇത്. ഇതില്‍ എത്ര മാത്രം ചെയ്തു എന്ന് വിലയിരുത്തേണ്ടത് ഞാനല്ല സമൂഹമാണ്. ഒരു നേരത്തെ ഭക്ഷണത്തിനായി തെരുവില്‍ അലഞ്ഞു തിരിഞ്ഞ വ്യക്തിയാണ് ഞാന്‍ എന്റെ ചെറുപ്പകാലത്തില്‍ വണ്ടിപ്പെരിയാറില്‍ നിന്നും കൊച്ചിയുടെ തെരുവിലേക്ക് കുടിയേറിപ്പാര്‍ത്തു. അവിടെ ഒരു നേരത്തെ ആഹാരത്തിന് വകയില്ലാതെ അലഞ്ഞ സമയങ്ങളായിരുന്നു. മറൈന്‍ ഡ്രൈവിലെ ചില ബേക്കറികളില്‍ കയറി പലരും ഭക്ഷണം കഴിക്കുമ്പോള്‍ ദൈവമേ…..അവര്‍ പകുDSC_0213തി ഭക്ഷണമേ കഴിക്കാവൂ എന്ന് പ്രാര്‍ത്ഥിച്ചിട്ടുണ്ട്. കാരണം അവര്‍ ഭക്ഷണം ബാക്കി വച്ചാല്‍ മാത്രമേ എനിക്ക് അത് കിട്ടുകയുള്ളൂ. വൈകിട്ട് കട അടക്കുമ്പോള്‍ വേയ്സ്റ്റ് എടുക്കാന്‍ ഞാന്‍ചെല്ലും. എന്നെപ്പോലെ ഒരുപാട് പേര്‍ ഇതും കാത്ത് അവിടെ നില്‍ക്കും എല്ലാവരെയും തള്ളിമാറ്റി ഞാന്‍ ആ ഭക്ഷണ അവശിഷ്ടം കൈക്കലാക്കും. അതില്‍ പ്ലാസ്റ്റിക്ക് കാണും പെപ്‌സി,കൊക്കോകോള തുടങ്ങിയവയുടെ അലൂമിനിയം ഷീറ്റുകള്‍ കാണും ഇതെല്ലാം എടുത്തുമാറ്റി ഭക്ഷണം കഴിക്കും. മാര്‍ക്കറ്റില്‍ എലിയെ പിടിച്ച് കൊടുത്ത് പൈസയുണ്ടാക്കി ജീവിച്ചയാളാണ് ഞാന്‍. പിന്നെ 10 വര്‍ഷത്തോളം അനാഥാലയത്തില്‍ കഴിഞ്ഞയാളാണ്. ഇതൊക്കെ തന്നെയാണ് ഇത്തരം മനുഷ്യ സ്‌നേഹം മനസ്സില്‍ വരുവാനുണ്ടായ സാഹചര്യം. പിന്നെ ദൈവീക പാതയില്‍ പിന്തുടരുക എന്നതും എന്റെ ഒരു താല്പര്യമാണ്. മദര്‍തെരേസയാണ് എന്റെ റോള്‍മോഡല്‍. തെരേസയുടെ പാദങ്ങള്‍ പിന്തുടര്‍ന്നാണ് എന്റെ യാത്ര.
2.ലഭിച്ച അവാര്‍ഡുകളും പ്രോത്സാഹനങ്ങളും?
പൊതുജനങ്ങളില്‍ നിന്നുള്ള അംഗീകാരമാണ് എന്റെ ഏറ്റവും വലിയ പ്രോത്സാഹനം. അതുകൊണ്ടാണല്ലോ തെരുവോരം മുരുകന്‍ ഒരു തെരുവില്‍ ചെന്നിട്ട് ഒരാളെ എടുത്തുകൊണ്ട് വരുമ്പോള്‍ താന്‍എന്തിനാണ് ഇത് ചെയ്യുന്നത്? താന്‍ അവരുടെ കിഡ്‌നി എടുക്കാനല്ലേ? എന്നൊന്നും ആരു ചോദിക്കാത്തത്. നമ്മള്‍ ചെയ്യുന്നത് സുതാര്യമാണ്. യാഥാര്‍ത്ഥ്യം ഉണ്ടെന്ന് മനസ്സിലാക്കിയിട്ടാണല്ലോ ജനങ്ങള്‍ എന്റെ കൂടെ നില്‍ക്കുന്നത്.
പിന്നെ അവാഡ് എന്ന് പറയുന്നതൊക്കെ ദൈവത്തിന്റെ ദാനമാണ്. അവാര്‍ഡിനുവേണ്ടിയല്ലഞാന്‍ പ്രവര്‍ത്തിക്കുന്നത്. അവാര്‍ഡ് കിട്ടുമ്പോള്‍ നാം അഹങ്കരിക്കരുത്. അവാര്‍ഡ് എന്നു പറയുന്നത് നാം ആഗ്രഹിക്കേണ്ട കാര്യമല്ല. അവാര്‍ഡ്, അംഗീകാരം ഇതൊക്കെ മനുഷ്യന്‍ ചെയ്യുന്ന പ്രവര്‍ത്തിയില്‍ നന്മയുണ്ടെങ്കില്‍ നമ്മെ തേടി എത്തും. ടൈംനൗ ചാനലിന്റെ അമൈസിങ്ങ് ഇന്ത്യന്‍ പുരസ്‌കാരം, രാഷ്ട്രപതിയുടെ വനിതാ-ശിശു മന്ത്രാലയ അവാര്‍ഡ്, ക്ഷേമാ പുരസ്‌കാരം, എ.പി.അസ്ലാം അവാര്‍ഡ് അങ്ങനെ നിരവധി അവാര്‍ഡുകള്‍ കിട്ടിയിട്ടുണ്ട്. എങ്കിലും എനിക്ക് അതിലുപരി ദൈവത്തിന്റെ അവാര്‍ഡിനോടാണ് താല്പര്യം.
3. ഈ പ്രവര്‍ത്തനങ്ങളുടെ സാമ്പത്തിക സഹായം എങ്ങനെയാണ്?
കേരളാ ഗവണ്‍മെന്റ് ഒരു ചെറിയ ഗ്രാന്റ് നല്കുന്നുണ്ട്. അതാണ് പ്രധാന സാമ്പത്തിക ശ്രോതസ്സ.് ഞാന്‍ ആരോടും ഇതിന്റെ സാമ്പത്തിക സഹായം ചെയ്യണം എന്ന് ആവശ്യപ്പെട്ടിട്ടില്ല. എന്നാല്‍ എനിക്ക് ഇതുവരെ ഒരു പേരോ, വിവരങ്ങളോ അറിയാത്ത വ്യക്തികള്‍ എനിക്ക് സഹായം ചെയ്യുന്നുണ്ട്. അതല്ലാതെ സ്ഥിരമായ യാതൊരു വരുമാനവും എനിക്കില്ല. എങ്കിലും ഇത്തരം സഹായങ്ങള്‍ ചെയ്യുന്നവരോടുള്ള നന്ദിയെ ഇപ്രകാരം രേഖപ്പെടുത്തുന്നു.
4.കുടുംബത്തെപ്പറ്റി?
ഭാര്യയുടെയും കുടുംബത്തിന്റെയും പൂര്‍ണ്ണ പിന്തുണ ഉണ്ടായതുകൊണ്ടാണ് ഇത്തരത്തില്‍ സാമൂഹിക പ്രവര്‍ത്തനം നടത്താന്‍ സാധിക്കുന്നത്. അല്ലെങ്കില്‍ ഈ പ്രവര്‍ത്തനങ്ങള്‍ നടത്താന്‍ സാധിക്കയില്ല. എന്റെ പ്രവര്‍ത്തനത്തിലും, എന്റെ കൂടെയുള്ളവരിലും, ഞാന്‍ ഇഷ്ടപ്പെടുന്നവരിലും, എന്നെ സ്‌നേഹിക്കുന്നവരിലും എല്ലാം സത്യസന്ധതയിണ്ടായിരിക്കണം എന്നാണ് എന്റെ ആഗ്രഹം. അങ്ങനെയുള്ളവര്‍ മാത്രമാണ് എന്റെ സൗഹൃദങ്ങളും എന്റെ സുഹൃത്തുക്കളും എന്റെ ബന്ധങ്ങളും അല്ലാത്ത ഒരാളുമായും എനിക്ക് സൗഹൃദമില്ല. എനിക്കൊരു കുട്ടിയുണ്ട് പേര് ആരിഷ രണ്ടേകാല്‍ വയസ്സ.്
5. തുടര്‍ കാഴ്ചപ്പാടുകള്‍?
തുടര്‍ കാഴ്ചപ്പാടുകള്‍ പ്രത്യേകിച്ച് ഒന്നും തന്നെയില്ല. ഇന്നത്തേക്കുള്ളതു നോക്കും. നാളത്തേക്കുള്ള അരിയും ഭക്ഷണവും കിട്ടുന്നുണ്ടോന്നല്ലാതെ പുതിയതായി പദ്ധതികളൊന്നുമില്ല. പിന്നെ തെരുവിലുള്ള ആളുകളെ രക്ഷപ്പെടുത്തണം അത്രമാത്രമേ ഉള്ളൂ. തെരുവില്‍ അലഞ്ഞ് തിരിയുന്നവര്‍ ആരും ഉണ്ടാകാന്‍ പാടില്ല. ഒരു പദ്ധതികളും ചെയ്യാന്‍ കഴിയുന്ന മേഖലയല്ലിത്. നമ്മള്‍ ആഗ്രഹിക്കുന്നത് തെരുവില്‍ ഒരാളുപോലും കിടക്കരുത് എന്നാണ്. പിന്നെ ഭാവിയില്‍ തെരുവിലുള്ള ആളുകള്‍ക്ക് ഒരു സ്ഥാപനം തുടങ്ങും എന്ന് പറയുന്നത് തന്നെ തെറ്റാണ്. തെരുവില്‍ ആളുകള്‍ ഉണ്ടാകരുതെന്ന് ആഗ്രഹിക്കുമ്പോള്‍ ഒരു സ്ഥാപനം അല്ല നമുക്ക് വേണ്ടത്. തെരുവില്‍ ഒരാളുപോലും ഭിക്ഷയെടുക്കാനും , ഭക്ഷണപൊതിക്കുമായി കാത്തിരിക്കാനുള്ള സാഹചര്യം ഉണ്ടാകരുത്. കാരണം ദാരിദ്ര്യം നമ്മുടെ സമൂഹത്തില്‍ നിന്ന് തുടച്ച്മാറ്റാന്‍ കഴിയണം. അത് ഒരാളുടെ മാത്രം ഉത്തരവാദിത്വം അല്ല. ഒരു സമൂഹത്തിന്റെ മൊത്തത്തിലുള്ള ഉത്തരവാദിത്വം ആണ്. അത് ഈ സമൂഹം ഏറ്റെടുക്കണം. അതിനു വേണ്ടിയാണ് ഞാന്‍ ഈ സമൂഹത്തിലേക്ക് ഈ സന്ദേശം എത്തിക്കുന്നത്. ദാരിദ്ര്യം സമൂഹത്തില്‍ ഉണ്ടാകരുത്, ഭിക്ഷയെടുക്കാന്‍ ആളുകള്‍ ഉണ്ടാകരുത്, ഭക്ഷണപ്പൊതിയും കാത്ത് ആളുകള്‍ ഉണ്ടാകരുത്, കിടക്കാന്‍ സ്ഥലവും, പാര്‍പ്പിടവും, സംരക്ഷണവും, ചികിത്സയും, മരുന്നും കിട്ടുന്ന ഒരു സംവിധാനം നമ്മുടെ ഇന്ത്യയില്‍ ഉണ്ടാകണം. അതാണ് എന്റെ ആഗ്രഹം.
6. സമൂഹത്തോടുള്ള സന്ദേശം?
ഒരു മനുഷ്യന് നന്നാവണമെങ്കില്‍ അവന്‍ സ്വയം ചിന്തിക്കണം. അയല്‍വക്കത്തെ ആള്‍ അങ്ങനെയാണ് ഇങ്ങനെയാണ് എന്ന് പറഞ്ഞിട്ട് നമുക്ക് എന്ത് പ്രയോജനം? സ്വയം ഒരാള്‍ നന്നാവാന്‍ തീരുമാനിച്ചെങ്കിലേ അയാള്‍ക്ക് നന്നാകാന്‍ പറ്റുകയുള്ളൂ. അപ്പുറത്തെ ചേട്ടന്റെ വീട് 3 നിലയാണ്, അതിനപ്പുറത്തെ വീട് 5 നിലയാണ്, അതിനപ്പുറത്തെവീട് 10 നിലയാണ് അങ്ങനെങ്കില്‍ എനിക്ക് 15 നിലവീട് വെയ്ക്കണം, ബെന്‍സ് കാറ് വാങ്ങണം എന്ന് ചിന്തിക്കുന്നവരാണ് ഇന്ന് സമൂഹത്തില്‍ അധികം പേരും. മനസ്സിന്റെ ആഗ്രഹങ്ങളെ നിയന്ത്രിക്കാന്‍ പറ്റുന്നവര്‍ക്കെ ജീവിതത്തില്‍ ഉന്നത വിജയം നേടാന്‍ കഴിയുകയുള്ളൂ. മനസ്സിലെ എല്ലാ ആഗ്രഹങ്ങളും നടപ്പാക്കുകയല്ല ഉദ്ദേശം മനസ്സ് ഇപ്പോള്‍ പറയും നമുക്ക് അമേരിക്കയില്‍ പോകണം അല്ലെങ്കില്‍ ആകാശത്ത് കൂടെ പറക്കണം പറക്കാന്‍ പറ്റുമോ? മനസ്സിനെ നിയന്ത്രിക്കാന്‍ കഴിയുന്ന പക്വതയുള്ള ഒരു ജീവിതം ദൈവഭക്തിയില്‍, ദൈവകൃപയില്‍ പിന്തുടരണം. അതിന് മനസ്സിന്റെയുള്ളില്‍ നന്മയുണ്ടാകണം, കാരുണ്യം, സ്‌നേഹം ഇവയുണ്ടാകണം അതാണ് ഇന്ന് സമൂഹത്തില്‍ ഇല്ലാത്തത്. അതാണ് ഇന്ന് സമൂഹത്തില്‍ വേണ്ടതും.

 ഫെയ്ത്ത് ട്രാക്കിന് വേണ്ടി ബ്ലസന്‍ ചെറുവക്കല്‍

Continue Reading

Trending

Copyright © 2021 Faithtrack , Developed by CloudStorey